محتار ومعروض عليا وعاوز رأيكم فى شراء عربيه فى حدود 60 الف

ياجماعه انا معايا 60 الف وكنت عاوز اجيب عربيه نضيفه

وقدامى كذا اختيار
1- اوبترا شايف كذا واحده فى رينج 57000
2- لانسر بومه 2007 او 2008 مانيوال شايف كذا واحده فى رينج 65000 وشايف واحده 2007 اوتو بس رخصه منتهيه من عندنا فى طنطا 68000
3- لانسر قرش 2008 اول فئه مانيوال ب 68000 برضه

ايه رأيكم ؟؟؟ وترشحولى ايه حتى لو مش فى القائمه اللى انا عارضها
مع مراعاه ان قطع غيارها تبقى متوفره ورخيصه وياسلام لو موفره فى البنزين علشان انا لسه فى اول حياتى الزوجيه والواحد مش عاوز يصرف كتير على العربيه
ولو تبقى شبابيه وعائليه فى نفس الوقت يبقى تمام

-المبلغ كويس جدا جدا
-نصيحة اولية متتسرعش عشان ما تخسرش فلوسك
-المبلغ يجيبلك حاجات كتير وكويسة جدا


عندك الجولف 4 ممتازة جدا
وممكن bmw موديل 94

ابعد نهائى عن الكورى

اليابانى بردة ممتاز بس طبعا الالمانى افضل بكتير
النيسان كويسة جدا بس مشكلة فى الثبات بسبب التعليق الخلفى torsion beam
المتسوبيشى صاج ردئ جدا وخامات داخلية رخيصة وموتور ضعيف جدا
الهوندا طبعا جميلة جدا بس قطع الغيار مشكلة

الاوبل استرا او الكورسا مشاكل لا حصر لها من الموتور والفتيس
الفيكترا محترمة وويسة جدا بس بردة مشاكل الحرارة وارتفاع سعر الموتور

الميجان ابعد عن الشر وغنيلة
البيجو عربية قمة الجمال والثبات وجودة الخامات وقمة الرفاهية بس مشكلة قطع الغيار وترتقى لمستوى الــbmw

---------------------------------
هذة وجهة نظرى الشخصية
---------------------------------

اقتباس:

---

المشاركة الأصلية كتبت بواسطة buddha

-المبلغ كويس جدا جدا
-نصيحة اولية متتسرعش عشان ما تخسرش فلوسك
-المبلغ يجيبلك حاجات كتير وكويسة جدا


عندك الجولف 4 ممتازة جدا
وممكن bmw موديل 94

ابعد نهائى عن الكورى

اليابانى بردة ممتاز بس طبعا الالمانى افضل بكتير
النيسان كويسة جدا بس مشكلة فى الثبات بسبب التعليق الخلفى torsion beam
المتسوبيشى صاج ردئ جدا وخامات داخلية رخيصة وموتور ضعيف جدا
الهوندا طبعا جميلة جدا بس قطع الغيار مشكلة

الاوبل استرا او الكورسا مشاكل لا حصر لها من الموتور والفتيس
الفيكترا محترمة وويسة جدا بس بردة مشاكل الحرارة وارتفاع سعر الموتور

الميجان ابعد عن الشر وغنيلة
البيجو عربية قمة الجمال والثبات وجودة الخامات وقمة الرفاهية بس مشكلة قطع الغيار وترتقى لمستوى الــbmw

---------------------------------
هذة وجهة نظرى الشخصية
---------------------------------

---

والله ياباشا انا شاكر جدا جدا لاهتمامك
بس حضرتك اكيد مأخدتش بالك من كلامى
( مع مراعاه ان قطع غيارها تبقى متوفره ورخيصه وياسلام لو موفره فى البنزين علشان انا لسه فى اول حياتى الزوجيه والواحد مش عاوز يصرف كتير على العربيه
ولو تبقى شبابيه وعائليه فى نفس الوقت يبقى تمام )
علشان كده انا مش هينفع معايا ولا bm ولا am حتى
ولا كمان الجولف علشان المانى وقطع غيارها اكيد هتبقى غاليه
وبالنسبه للاوبل انا مش بفكر فيها اساسا علشان معايا عربيه واحد قريبى مغلبانى فى صيانتها وقطع غيارها علشان اشدهاله علشان يبيعها

هو ده اللى خلانى افكر فى البومه والقرش وبقول هما احسن حاجه فى الرينج ده على قد معلوماتى الله اعلم اذا كان فى حاجه فى نفس الرينج ومناسبه ليا ولا لا
ولو حضرتك راجعت كلامى ولاقيت حاجه تناسب ظروفى ياريت تقولى

ابعد عن الشارك
لو لانسر ... شوف حاجة مكنة 1600 وليس اقل
واتفرج على حاجة نيسان هى كلها 1600 2 كامة موتور حامى وقوى جدا

نصيحة بلاش تركب اى عربية اقل من 1600 ودة عشان انة بيستحمل جامد وكمان كويس لو حبيت تشغل التكييف ولو بتحب تسافر فهو ممتاز
بخصوص البنزين يبقى مش هينفع معاك الاوتوماتيك عشان بيستهلك بنزين اكثر

المكن الــ 1300 ضعيف ومع التكيف بيبقى تعبان جدا


والله يا حبيبى انا كدة قولتلك المفيد ودة عن تجارب كتيير جدا فى انواع عربيات كتيرة جدا
بالتوفيق يا جميل

اقتباس:

---

المشاركة الأصلية كتبت بواسطة buddha

ابعد عن الشارك
لو لانسر ... شوف حاجة مكنة 1600 وليس اقل
واتفرج على حاجة نيسان هى كلها 1600 2 كامة موتور حامى وقوى جدا

نصيحة بلاش تركب اى عربية اقل من 1600 ودة عشان انة بيستحمل جامد وكمان كويس لو حبيت تشغل التكييف ولو بتحب تسافر فهو ممتاز
بخصوص البنزين يبقى مش هينفع معاك الاوتوماتيك عشان بيستهلك بنزين اكثر

المكن الــ 1300 ضعيف ومع التكيف بيبقى تعبان جدا


والله يا حبيبى انا كدة قولتلك المفيد ودة عن تجارب كتيير جدا فى انواع عربيات كتيرة جدا
بالتوفيق يا جميل

---

والله ياباشا انا اصلا شايل من دماغى ال 1300 خالص علشان عارف انها هتبقى تعبانه جدا فى السفر وخصوصا وانا مشغل التكييف
بانسبه للنيسان مش عارف انا ليه مش بحبها خالص بحس ان العفشه بتاعتها ناشفه اوووووووى

الياريس 1300ممتازة جدا وهات لانسر 1300 زكزيسه مش تعبانه وهتوفر معاك بنزين وسيبك من الشد وغيره
والاوبترا والنيو اكسنت والنيسان

مع احترامى لكلامك بس عن تجربة عفشة النيسان حنينة جدا فى المطبات عن المتسوبيشى
واللة انا عربيتى الشخصية نيسان والعفشة كلها محتاجة تغيير بالرغم من ذلك انها ليست غير مريحة


المشكلة فى التعليق فى النيسان فقط هى التعليق الخلفى ..... بصراحة "" مميت"" فى حالة القيادة بسرعات مرتفعة او فى القيادة على الرمال او الامطار

بالرغم من اعجابى بــ نيسان الا انى اعيب عليها فى الثبات عند السرعات ما بعد 120

اقتباس:

---

المشاركة الأصلية كتبت بواسطة beshomilan

الياريس 1300ممتازة جدا وهات لانسر 1300 زكزيسه مش تعبانه وهتوفر معاك بنزين وسيبك من الشد وغيره
والاوبترا والنيو اكسنت والنيسان

---

اكيد الياريس قطع غيارها هتبقى غاليه او اغلى من الاوبترا واللانسر خاصه
اما الانسر 1300 انا سوقتها ومشغل التكييف ضعيفه خالص

اقتباس:

---

المشاركة الأصلية كتبت بواسطة buddha

مع احترامى لكلامك بس عن تجربة عفشة النيسان حنينة جدا فى المطبات عن المتسوبيشى
والله انا عربيتى الشخصية نيسان والعفشة كلها محتاجة تغيير بالرغم من ذلك انها ليست غير مريحة


المشكلة فى التعليق فى النيسان فقط هى التعليق الخلفى ..... بصراحة "" مميت"" فى حالة القيادة بسرعات مرتفعة او فى القيادة على الرمال او الامطار

بالرغم من اعجابى بــ نيسان الا انى اعيب عليها فى الثبات عند السرعات ما بعد 120

---

معلش ياباشا هو ايه بس التعليق الخلفى ده ؟؟؟
وانا بصراحه سفرى كتير جدا كل اسبوع سفريه اسكندريه حوالى 250 كيلو رايح جاى وساعات كتير الطريق بيبقى فاضى وبيغر الواحد انه يجرى وخصوصا بالليل

رخص قطع غيار يبقى هات كوري او ياباني
توفير في البنزين يبقى مكنة 1200 الى 1500 سي سي
ثبات وامان وركوبة يبقى اوروبي او الماني

المعادلة ديه تتلخص في اوبل كورسا او استرا 2000 الى 2002

Sent from my HTC

النترا 2006 الشكل القديم خالص

اقتباس:

---

المشاركة الأصلية كتبت بواسطة MaaM

رخص قطع غيار يبقى هات كوري او ياباني
توفير في البنزين يبقى مكنة 1200 الى 1500 سي سي
ثبات وامان وركوبة يبقى اوروبي او الماني

المعادلة ديه تتلخص في اوبل كورسا او استرا 2000 الى 2002

Sent from my HTC

---

ياباشا انا معايا استرا مو 2000
1200 cc
بتاعه واحد قريبى مدوخانى ال 7 دوخااااااااات
الصنايعيه غالييييين على الاخر .. وكل لما اقول لواحد ياعم انت غالى ليه ؟؟؟
يقولى يابيييييه دى اوبل

السيارات اليابانيه فى الفئة السعريه (60 الف) و المواصفات اللى حضرتك طالبها (قطع الغيار - استهلاك البنزين - الاعتماديه) هى احسن حل مقترح :

تويوتا كورولا (الشكل القديم): موديلات من 2002 حتى 2007

متسوبيشى لانسر (بوما): موديلات من 2004 حتى 2007

نيسان صنى (الشكل القديم): موديلات من 2005 حتى 2008

لو عايز حاجه اقل شويه (سعر - مواصفات) فكر فى الكورى بس ابعد تماما عن النوبيرا و الاوبترا و الافيو و ساعتها هيكون قدامك :

كيا سيراتو : موديلات ما قبل 2009

هيونداى النترا : موديلات ما قبل 2008



لو عايز حاجه اعلى (اوروبى بس موديلات اقدم شويه و افضل من الكورى الف مره - بس قطع الغيار اغلى)

بيجو 406 : موديلات ما قبل 2005

بيجو 405 (الفرنساوى بتاعت وجيه اباظه مش الروا و البارس الايرانى) : موديلات ما قبل 2004

دول قطع غيارها متوفره و بسعر كويس و عربيات جامده جدا و عمليه و فيه ميكانيكيه بيفهموا فيها فى كل حته

bmw e40 - e46 موديلات التسعينات (قطع غيارها تعادل اسعار اليابانى بحكم الانتشار)

ابعد نهائيا عن الاوبل و الرينو و الفولكس فاجن و السكودا لان العربيات دى اللى بيبيعها بتبقى فيها مشاكل و مشاكلها صعبه جدا و قطع غيارها اسعارها نار

الاختيار صعب بس انا لو مكانك هافكر فى الحاجات دى و بعدين اسأل و اشوف ...

ربنا يوفقك

اقتباس:

---

السيارات اليابانيه فى الفئة السعريه (60 الف) و المواصفات اللى حضرتك طالبها (قطع الغيار - استهلاك البنزين - الاعتماديه) هى احسن حل مقترح :

تويوتا كورولا (الشكل القديم): موديلات من 2002 حتى 2007

متسوبيشى لانسر (بوما): موديلات من 2004 حتى 2007

نيسان صنى (الشكل القديم): موديلات من 2005 حتى 2008

---

معلش بس العربيات دى لو ب60 الف ماكنش حد غلب وخصوصا الكورولا يعنى !

لو تقدر تدفع 70 الف
نيسان صنى 2009 اوتو

النترا 2006 الشكل القديم خالص

بالسعر ده هتجيب مانيوال نضيف

وكذالك لا نسر بومة بس 1300 يالسعر ده مانيوال

ياباشا استرا 2006 هاتش باك

ولو عايز ميجان معايا واحدة

اسف تعليقى ملوش علاقه بسؤالك
انا من طنطا ممكن تقولى اللانسر البومه الاوتوماتيك حالتها ايه واكشن ولا سوبر اكشن
وموجوده فين انا بدور على واحده

اقتباس:

---

المشاركة الأصلية كتبت بواسطة motoxp

النترا 2006 الشكل القديم خالص

بالسعر ده هتجيب مانيوال نضيف

وكذالك لا نسر بومة بس 1300 يالسعر ده مانيوال

---

والله ياباشا انا مش عارف ازاى الالنترا 2006 كانت تايهه عند دماغى
بس بصراحه انا مش عارف صيانتها وقطع غيارها عامله ايه؟؟
وبالنسبه لسحبها والتكييف بتاعها عاملين ايه ؟
وثباتها على الطريق ؟
انما بالنسبه للبوما 1300 انا مش محبذها خالص ... انا ممكن اجيب 1600 مانيوال يبقى احسن
وبرضه ارجح البوما عن الالنترا علشان ال abs
بس مش عارف قطع غيار ايه ارخص ومدى استهلاكهم للبنزين فى السفر او جوة البلد

اقتباس:

---

المشاركة الأصلية كتبت بواسطة mamoud salah h

ياباشا استرا 2006 هاتش باك

---

اقتباس:

---

المشاركة الأصلية كتبت بواسطة mamoud salah h

ولو عايز ميجان معايا واحدة

---

ياباشا انا مش فى دماغى الالمانى ده خالص وخصوصا انى كرهت حاجه اسمها استرا
وبالنسبه للفرنساوى مش هقدر على قطع غياره

خليك في هيونداي او نوبيرا سعرها رخيص وكويسة
وخصوصا عن تجربة الماتركس

اقتباس:

---

المشاركة الأصلية كتبت بواسطة hossamsmsm

والله ياباشا انا مش عارف ازاى الالنترا 2006 كانت تايهه عند دماغى
بس بصراحه انا مش عارف صيانتها وقطع غيارها عامله ايه؟؟
وبالنسبه لسحبها والتكييف بتاعها عاملين ايه ؟
وثباتها على الطريق ؟
انما بالنسبه للبوما 1300 انا مش محبذها خالص ... انا ممكن اجيب 1600 مانيوال يبقى احسن
وبرضه ارجح البوما عن الالنترا علشان ال abs
بس مش عارف قطع غيار ايه ارخص ومدى استهلاكهم للبنزين فى السفر او جوة البلد

الالنترا 2006 معايا اوتوماتيك

- قطع غيار رخيصه جدا و غبور كمان ( بتوع البوما بيحسدونى والله ههههههههه)
- ثبات خرافى و ياسلام لو تجيبلها جنط 16 و كاوتش 205 هتبقى حاجة تانيه
- التكيييف والسحب تنسى خالص خصوصا لو مانيوال ( وحش و ماتور جبار على فكره ماتور الفيرنا - والماتريكس و الجيتز والكوبيه واحد )
- مفيش abs لالنترا و لا لانسر كمان ( مانيوال ) على فكرة صاحبى معاه لانسر بومه 1600 موديل 2010 و مفيهاش abs
- فرامل المانيوال فى الالنترا اقوى من الاوتو طبعا ( بس تغير كاوتش الكومهو وهيا هتبقى ممتازة )





ياباشا انا مش فى دماغى الالمانى ده خالص وخصوصا انى كرهت حاجه اسمها استرا
وبالنسبه للفرنساوى مش هقدر على قطع غياره

---

الالنترا 2006 معايا اوتوماتيك

- قطع غيار رخيصه جدا و غبور كمان ( بتوع البوما بيحسدونى والله ههههههههه)
- ثبات خرافى و ياسلام لو تجيبلها جنط 16 و كاوتش 205 هتبقى حاجة تانيه
- التكيييف والسحب تنسى خالص خصوصا لو مانيوال ( وحش و ماتور جبار على فكره ماتور الفيرنا - والماتريكس و الجيتز والكوبيه واحد )
- مفيش abs لالنترا و لا لانسر كمان ( مانيوال ) على فكرة صاحبى معاه لانسر بومه 1600 موديل 2010 و مفيهاش abs
- فرامل المانيوال فى الالنترا اقوى من الاوتو طبعا ( بس تغير كاوتش الكومهو وهيا هتبقى ممتازة )

والله كلامك ده مطمنى للالنترا اكتر وهى اول حاجه هفكر فيها لو ملاقيتش بومه بالسعر اللى انا عاوزة

وبالنسبه لملاك البومه انا لسه شايف واحد دلوقتى برضه معروضه على 68500 جنيه
لانسر 1600 مو 2006 جميع الكماليات مانيوال لون اسود ضمان الوكيل اير باج abs عتب كاسيت اصلي فابريقة بالكامل ماعدا جنبيين فقط
صاحبها بيقول انها كانت حكات من دخول وخروج الجراج
ياترى المواصفات ديه تستاهل السعر وكمان ديه اكيد فيها ABS ولا لا ؟؟؟

على حسب معلوماتى

العتب و abs و الجنوط فى البومه فى فئتين فقط

اوتو 1600 هاف سبورت
اوتو 1600 سبورت اكشن

ده حتى البومة الاوتو 1600 الكلاسيك مفيهاش abs

اتكل علي الله و هات البومه

اقتباس:

---

المشاركة الأصلية كتبت بواسطة mohamedomar777

اتكل علي الله و هات البومه

---

طيب قدامك انت بقى بومه حلوة ؟

اقتباس:

---

المشاركة الأصلية كتبت بواسطة motoxp

على حسب معلوماتى

العتب و abs و الجنوط فى البومه فى فئتين فقط

اوتو 1600 هاف سبورت
اوتو 1600 سبورت اكشن

ده حتى البومة الاوتو 1600 الكلاسيك مفيهاش abs

---

والله الراجل عارض العربيه واتصلت بيه وقالى فيها abs وعتب وجنوط مو 2006 وكيل مش خليجى
انا بصراحه مش عارف فئات البومه انا بقول اللى قالهولى

انا مستغرب بصراحه على العموم خد حد معاك يكون فاهم اوى فى البومة بالذات

اقتباس:

---

المشاركة الأصلية كتبت بواسطة motoxp

انا مستغرب بصراحه على العموم خد حد معاك يكون فاهم اوى فى البومة بالذات

---

ياباشا انا من طنطا
وعلشان اخد حد معايا من طنطا يعملى فتح ونصب وبتاع ويلهف قد كده علشان كده كنت عاوز اشوف حد من مدينه نصر يقولى اروح فين بالعربيه اطمن عليها ماكينه وسمكرة

تروح علي بنزينة كالتكس الي في مدينة نصر بعد عمر افندي بشوية كدة تعمل كشف كامل وكبس موتور وفتيس وغفشة وسكرة وكلوا والكشف ب 110 جنيه

اقتباس:

---

المشاركة الأصلية كتبت بواسطة mamoud salah h

تروح علي بنزينة كالتكس الي في مدينة نصر بعد عمر افندي بشوية كدة تعمل كشف كامل وكبس موتور وفتيس وغفشة وسكرة وكلوا والكشف ب 110 جنيه

---

الف الف شكر ياباشا وان شاء الله احفظ العنوان كويس
واروووح عليها علطول
بس دلوقتى انا كنت عاوز اعرف هى اول فئه اللى هى الكلاسيك المانيوال فيها abs ولا لا

دة العنوان علي حسب ماانا روحتو حضرتك هتمشي في شارع مكرم عبيد من اوله من عند سيتي سنتر وتكمل لحد الاخر مع الطريق وتدخل يمين اجباري وبعدين تمسك شمال وتاخد اول يوتيرن شمال عند شريط الترماي وبعد كدة تمسك يمينك عشان تدخل يمين من تاني شارع تقريبا هو شارع كبير ذو اتجاهين وفي جزيرة في النص موجود عليها كشك انا معلم الشارع بالكشك الي علي الجزيرة دي المهم بعد كدة تفضل ماشي لحد ما تشوف مبني كبييير علي شمالك((عمر افندي)) تروح داخل الشارع الي علي ناصيته عمر افندي وتمشي فيه لحد الاخر وهتعدي علي كبابجي حسني مشهوور اوي هناك المهم هتفضل ماشي لحد وتدخل يمين من عند التقاطع الي بينتهي عنده الشارع وتمشي شوية صغيرين هتلاقي البنزينة علي يمينك وحمد الله علي السلامة واسف لو طولت عليك بس حبيت اوصفلك بالتفصيل وتحت امرك في اي حاجة

اقتباس:

---

المشاركة الأصلية كتبت بواسطة mamoud salah h

دة العنوان علي حسب ماانا روحتو حضرتك هتمشي في شارع مكرم عبيد من اوله من عند سيتي سنتر وتكمل لحد الاخر مع الطريق وتدخل يمين اجباري وبعدين تمسك شمال وتاخد اول يوتيرن شمال عند شريط الترماي وبعد كدة تمسك يمينك عشان تدخل يمين من تاني شارع تقريبا هو شارع كبير ذو اتجاهين وفي جزيرة في النص موجود عليها كشك انا معلم الشارع بالكشك الي علي الجزيرة دي المهم بعد كدة تفضل ماشي لحد ما تشوف مبني كبييير علي شمالك((عمر افندي)) تروح داخل الشارع الي علي ناصيته عمر افندي وتمشي فيه لحد الاخر وهتعدي علي كبابجي حسني مشهوور اوي هناك المهم هتفضل ماشي لحد وتدخل يمين من عند التقاطع الي بينتهي عنده الشارع وتمشي شوية صغيرين هتلاقي البنزينة علي يمينك وحمد الله علي السلامة واسف لو طولت عليك بس حبيت اوصفلك بالتفصيل وتحت امرك في اي حاجة

---

حضرتك تقصد البنزينه اللي جنب السراج مول

بنزينة كالتكس المشهورة في الموضوع ده في اخر عباس العقاد من ناحية مصطفى النحاس

كانت معايا واحده 1600 auto 2008 بس بعتها لظروف بس كانت عربيه حكايه ,علشان كده بقئولك عن تجربه شخصيه ,بس انت اعلي بلفلوس شويه

اقتباس:

---

المشاركة الأصلية كتبت بواسطة hossamsmsm

طيب قدامك انت بقى بومه حلوة ؟

---

كانت معايا واحده 1600 auto 2008 بس بعتها لظروف بس كانت عربيه حكايه ,علشان كده بقئولك عن تجربه شخصيه ,بس انت اعلي بلفلوس شويه

اقتباس:

---

المشاركة الأصلية كتبت بواسطة shaaban2008

حضرتك تقصد البنزينه اللي جنب السراج مول

---

مش فاكر والله كانت جنبو ولا لا الي متاكد منو انها في الشارع ال بعد كبابجي حسني بتدخل يمين

اقتباس:

---

المشاركة الأصلية كتبت بواسطة mamoud salah h

دة العنوان علي حسب ماانا روحتو حضرتك هتمشي في شارع مكرم عبيد من اوله من عند سيتي سنتر وتكمل لحد الاخر مع الطريق وتدخل يمين اجباري وبعدين تمسك شمال وتاخد اول يوتيرن شمال عند شريط الترماي وبعد كدة تمسك يمينك عشان تدخل يمين من تاني شارع تقريبا هو شارع كبير ذو اتجاهين وفي جزيرة في النص موجود عليها كشك انا معلم الشارع بالكشك الي علي الجزيرة دي المهم بعد كدة تفضل ماشي لحد ما تشوف مبني كبييير علي شمالك((عمر افندي)) تروح داخل الشارع الي علي ناصيته عمر افندي وتمشي فيه لحد الاخر وهتعدي علي كبابجي حسني مشهوور اوي هناك المهم هتفضل ماشي لحد وتدخل يمين من عند التقاطع الي بينتهي عنده الشارع وتمشي شوية صغيرين هتلاقي البنزينة علي يمينك وحمد الله علي السلامة واسف لو طولت عليك بس حبيت اوصفلك بالتفصيل وتحت امرك في اي حاجة

---

الف الف شكر ياباشا على الشرح التفصيلى الجامد ده

اقتباس:

---

المشاركة الأصلية كتبت بواسطة hossamsmsm

ياجماعه انا معايا 60 الف وكنت عاوز اجيب عربيه نضيفه

وقدامى كذا اختيار
1- اوبترا شايف كذا واحده فى رينج 57000
2- لانسر بومه 2007 او 2008 مانيوال شايف كذا واحده فى رينج 65000 وشايف واحده 2007 اوتو بس رخصه منتهيه من عندنا فى طنطا 68000
3- لانسر قرش 2008 اول فئه مانيوال ب 68000 برضه

ايه رأيكم ؟؟؟ وترشحولى ايه حتى لو مش فى القائمه اللى انا عارضها
مع مراعاه ان قطع غيارها تبقى متوفره ورخيصه وياسلام لو موفره فى البنزين علشان انا لسه فى اول حياتى الزوجيه والواحد مش عاوز يصرف كتير على العربيه
ولو تبقى شبابيه وعائليه فى نفس الوقت يبقى تمام

---

هيونداي جيتز عربيه ممتازه