الموضوع: ارجو المساعدة دايو نوبيرا 1

نفس اللى بتقولة دة حصل معايا
المكانيكى قالى هنفك الكارتيرة وهنظف مصفة الزيت
فكيت الكارتيرة والموتور كان كحل من جوة الزيت كان مترسب جامد اوى
ولازق فى البلوك من جوة ولازق كمان فى الكارتيرة
المهم نظفت المصفة وغسلت الكارتيرة
ودورت الصوت مازال هو هو
راح دايس للموتور كام دوسة كدة وبطلة وقالى استنى علية شوية
قعدنا حوالى ساعتين
وقالى دور دورت المكنة درارت خارصة تماما
بس كان فية كام كستبان كدة صوت كان باين
قالى جرب عليهم شوف هم عاملين اية عشان لو كدة هنغيرهم
بعدها بحوالى شهر فكيت الموتور عشان اعمل شنبر
فقالى فك الكستنبان واتسالى علية
طلعت الكستبان وفكيتة من بعضوا بس كان فية كام واحد كدة كان قافش كبرت دماغى منة
وقفلتهم على كدة
والحمدلله لغاية انهاردة مافيش غير صوت كستبان واحد بس

طيب ممكن يكون في حاجه في الكامات ولا ملهاش علاقه مع ان الحرارة الحمد الله كويسة ولمبة الزيت منورتش بس هوه المشكلة في الصوت العالي بسبب عدم وصول الزيت لاعلي الماكينة

غالبا الكامات هتطلع سلية
ولو فية خساير هيكون طقم كستبان

اشكرك يا احمد علي اهتمامك ...فعلا الموضوع طلع كستبان والميكانيكي بيقول ان طقم الكستبان حوالي 600 جنيه بس انا بقول اجيبه استعمال 300 جنيه وبعدين هوه لسه بيفك اهو علشان يشوف كام كستبان بايظ لو كده ممكن اغير البايظين بس ولا لازم طقم كامل

عادى ممكن تغير البايظين بس
بس اعتقد سعره ارخص من كدة بكتير

ممكن يكون الصوت ده من طلمبة الباور لأن ده حصل عندى فى عربيتى وانا عامل دلوقتى 131000 كم بصيت على كل حاجه وظبت كل حاجه و بقيت مشكلة طرمبة الباور

الحمد الله طلع اربع كستبانات بس اللي بايظين ملقتهومش جداد جبتهم استعمال الواحد ب20 جنيه وكله بئا تمام ...الف شكر ليكو يارجاله ..بس معلش بئا استفسار صغير كمان ...والميكانيكي بيحل وبيركب اكتشف وجود بارومه تحت العربيه من عند الرفرف بيقول في العصب حوالي 8سم ..الموضوع ده علشان اظبطه عند السمكري هيحتاج ايه وفلوس حوالي اد ايه والموضوع بسيط ولا كبير اصلي بصراحه انا معرفش اي حاجه عن شغل السمكرة ابيض ياورد ومتشكر جدااا لاهتمامكم