ببساطه ومن غير ما اطول عليكم , محتاج رأيكم
نيسان صنى الجديده ولا رينو فلوينس 2013لأنى حاجز نيسان صنى 2013 من 3 شهور وشكلها مش جايه وكده كده انا ناوى اجيبها قسط تبع شركتى
فالزياده فى المقدم والقسط تعتبر بسيطه (بين الاتنين)
أفيدونا أفادكم الله
عرض للطباعة
ببساطه ومن غير ما اطول عليكم , محتاج رأيكم
نيسان صنى الجديده ولا رينو فلوينس 2013لأنى حاجز نيسان صنى 2013 من 3 شهور وشكلها مش جايه وكده كده انا ناوى اجيبها قسط تبع شركتى
فالزياده فى المقدم والقسط تعتبر بسيطه (بين الاتنين)
أفيدونا أفادكم الله
يعنى انا لو مكانك مش هحتار لان اكيد هختار فلوانس شكلها تحفة برا و جوا و هيا فئة اعلى من الصنى على ما اعتقد
طيب ما تقول لنا انت حاجز مانوال و لا اتوماتيك و لو اشتريت الفلونس عايزها اى فئة ؟
فلونس فئه اعلي و المقارنه لا تصلح لو الفرق مش كبير اكيد فلونس من غير ما تفكر :) و شوف برضه الاسترا
أيا كان اختيارك يا فندم لابد ان يكون عن اقتناع تام و مش اى حاجه متوفرة و خلاص لأنك هتدفع مبلغ كبير حتى لو كان تقسيط حضرتك هتدفعه برضه و معاه فوائد كمان فالأفضل تاخد الحاجه اللى مقتنع بيها. بص حضرتك العربيتين حلوين و ما شاء الله عليهم : اللى هتاخده من الفلوانس (بس خليك فى الفئه التانيه) تصميم شيك و تقفيل جيد و استهلاك بنزين معقول و عوامل الامان بتاعه الاوروبى و العربيه ما شاء الله منتشره أما اللى هتاخده من الصنى هو التوكيل و الثبات و الشنطه الواسعة لكن المشكله فيها فى الناحيه الجماليه فى شكلها خاصه من ورا و انا متوقع ان سعر اعاده البيع بتاع الصنى الجديده هيبقى ممتاز مع كل هذا العدد من الحجوزات . و برضه فى حل وسط انك تكلم تسأل عن الصنى الهاى لاين و تشوف نظام الحجز و الاستلام او تنتظر الصنى او تشوف الفلوانس بس هيبقى فى فرق سعر
رينو كراي بصراحة ..
فلوونس طبعا
المقارنة دى لا تجوز :)
الفرق بين الصنى الجديدة سوبر صالون اعلى فئة ( 112 الف ) , والفئة التانية فى الفلوانس ( الديناميك 142 الف ) = 30 الف جنية كاملين
لذلك لا يمكن المقارنة وخصوصا ان الفرق بين العربيتين فى الكماليات , الثبات , ضخم
اعتقد ان المفروض ان السؤال يكون بالصيغة التالية
هل الفرق بين الفلوانس تانى فئة والصنى اعلى فئة يستاهل فرق 30 الف جنية ؟ .
أولاً انا متشكر جداً على مشاركاتكم
انا كنت حاجز الاوتوماتيك وبعد كده غيرت للسوبر صالون .... وبالنسبه للفلوانس هى اول فئه اوتو 132000 فيها الحاجات اللى انا عايزهااقتباس:
طيب ما تقول لنا انت حاجز مانوال و لا اتوماتيك و لو اشتريت الفلونس عايزها اى فئة ؟
سوبر صالون=112000 & فلوانس=132000 (فرق 20000 جنيه)اقتباس:
الفرق بين الصنى الجديدة سوبر صالون اعلى فئة ( 112 الف ) , والفئة التانية فى الفلوانس ( الديناميك 142 الف ) = 30 الف جنية كاملين
لذلك لا يمكن المقارنة وخصوصا ان الفرق بين العربيتين فى الكماليات , الثبات , ضخم
اعتقد ان المفروض ان السؤال يكون بالصيغة التالية
هل الفرق بين الفلوانس تانى فئة والصنى اعلى فئة يستاهل فرق 30 الف جنية ؟ .
هى دى النقطه ...انا من الزهق والملل بتاع حجز العربيه من الوكيل كنت هجيبها من بره ب 117000 يعنى كده المسأله قربت من فئات تانيه خاااااالص
وانا الصراحه لما التمن زاد كده مستخسر ادفع المبلغ ده كله فى العربيه
انا كان عاجبنى فيها اول ما نزلت تمنها(100000) وفيه كل حاجه "safey"
بس دلوقتى ؟؟؟؟؟
الفلوينس بالتأكيد
لو كانت ميزانيتك تسمح تجيب الفلوانس بس الفئه التانيه اللى هى ب ١٤٢ الف اكيد لا تتردد و هاتها إنما لو بتتكلم على الفئه الاولى اللى هى ب ١٣٢ الف فى فرق سعر جامد اعتقد انه كتير على الفرق ما بين العربيتين كامكانيات يعنى الفلوانس افضل لكن مش بكل الفرق ده على الفئه الأولى ففى الحاله دى ممكن الصنى الهاى لاين تبقى اوفر و تؤدى الغرض و اكيد ما تشتريش الصنى باوفر برايس لان دى فلوس مرميه فى الارض و افتكر الكلام ده كويس لو سمحت :8941[1]:
بس انا قريت البروشور بتاع العربيه
الفئه الاولى فيها حاجات كتير كويسه....والا انت ايه رأيك
طيب ما تفكر تشترى حاجة مستعملة استعمال خفيف.....وتكون الفئة التانية اوتوماتيك فى الفلوانس طبعا
مع احترامى للصنى.....ماينفعش تفكر تقارنها بالفلوانس
ورأى أغلب الأعضاء مظبوط بالنسبة لكماليات الفئة التانية اوتوماتيك.....لأنها فئة تمنها فيها....والكماليات اللى فيها ممتعمة وتحببك فى العربية
فا لو الفلوس الكاش مش متوفرة ولازم تجيب زيرو.....أنا لو منك...أزنق نفسى وأجيب الفلوانس الفئة التانية اوتوماتيك.....ولو الفلوس مش جاهزة ...ممكن حضرتك تستنى كام شهر وتكمل عللى اللى موجود...وتجيب الفلوانس......لأن بصراحة الواحد ما بيشتريش عربية كل سنة.....فا الموضوع محتاج صبر وتوخى الحذر
وبالتوفيق
انت بتقارن ايه بى ايه!!!! فلوينس طبعا و بدووووووون تفكير!!! مفيش وجه مقارنة
فلوانس يا بيه وانت مغمض
باريت حضرتك تراجع المشاركتين بتوعى مره تانيه علشان واضح من ردك ان وجهه نظرى ما وصلتكش خالص او انك مكملتش القراءه الله اعلم و احب أسجل اعتراضى على الاسلوب كمان بتاع حضرتك فى الرد و هاقول تانى الملخص ان الفئه الأولى من الفلوانس افضل و ده انا كاتبه فى المشاركه اللى حضرتك مقرتهاش!!! و لكن من. وجهه نظرى ما تستحقش ٢٠ الف جنيه فرق بينها و بين الصنى السوبر صالون. اللى ب ١١٢ بينما الفئه التانيه من الفلوانس دى اللى تستاهل الفرق بامكانياتها وده اللى انا قلته و أرجو من حضرتك مراعاه طريقه التعبير عن الرأى بأسلوب مناسب لا يضايق الاخرين من حولك و شكرًا
'انما لو بتتكلم على الفئه الاولى اللى هى ب ١٣٢ الف فى فرق سعر جامد اعتقد انه كتير على الفرق ما بين العربيتين كامكانيات يعنى الفلوانس افضل لكن مش بكل الفرق ده على الفئه الأولى ففى الحاله دى ممكن الصنى الهاى لاين تبقى اوفر'
حضرتك بتقول لا يجيب تاني فئة في ال fluence ,لا اما يجيب الصني اوفر
الصني مهياش اوفر ولا حاجة , عربية مكوناتها 40 % مصري
و تقفيل مصري و بتتباع بـ 112 ألف ده غير ال overprice كمان لو فيه
فيه فرق موتور
فرق فتيس
فرق خامات
فرق صناعة
فرق شكل من جوه و من بره
فرق وسع
أنا لا معايا دي ولا دي ,بس فعلا مفيش مقارنة
انا بقى شفت و سوقت العربيتين الصنى و الفلوانس الفئه الاولى اكتر من مره و كمان جربت الفلوانس الفئتين الاولى و التانيه مع اكتر من حد من اصدقائى كان عايز يشتروها و جربتها حتى بعد ما اشتروها و بتكلم من هذا المنطلق. موضوع الاوفربرايس ده انا ذكرت فى المشاركه انه غلط و طلبت منه ما يشتريش بيه أبدا اكيد و ده بيوضح تانى ان حضرتك ما بتقراش مشاركات الناس كامله قبل ما ترد و دى مشكله لانها بتضيع وقت اللى بيرد انه لازم يكرر كلامه تانى لعل و عسى حظه يكون حلو و حضرتك تقرأه كله المره دى
فلوانس طبعا :)
اللي أنا بكلمك فيه ,ملوش علاقة بتجربة العربية خالص
أنا متكلمتش عن ثبات مثلا ولا فرامل ولا تسارع
أنا بأتكلم في فروقات سعة الموتور ,نوع الفتيس ,جودة الخامات ,فرق صناعة ,فرق شكل ....الخ
حاجات مش محتاجة تجربة يعني
و مظنش حد جرب الاتنين ,هيقول الكلمة دي
'أما اللى هتاخده من الصنى هو التوكيل و الثبات و الشنطه الواسعة'
أنا عارف حضرتك قلت إيه بس ده ميمنعش إن ده واقع و كلنا عارفينه
كل عربيات nissan عليها overprice لا اما تستنى أكتر من 3 شهور في التوكيل
عموما عشان مانطلعش بره الموضوع ,و اضيع وقتك الثمين
دي آراء و حضرتك حر في رايك
معنى انها عليها اوفربرايس انها مطلوبه و معنى انها مطلوبه فى السوق ده اكيد مرتبط بالجوده و السعر الكويس و ان كان غير مقبول كمبدأ و انما دلاله على الاقبال .بالضبط كده كل واحد حر فى وجهه نظره( و انا باكتب دائما ان دى وجهه نظرى) طالما ذكر أسباب الاختيار و الاختيار للمتلقي لان فى الاخر دى نصائح الهدف منها مساعده السائل فى اتخاذ قرار و ألنصيحه أمانه زى ما حضرتك عارف و بالتالى الهدف فى النهايه واحد
انا متشكر جداً لحضراتكم
وهدوا نفسكم المسأله مجرد مناقشه للوصول للسياره الامثل
فلوانس
و ممكن تحط في بالك تتيدا هاتشباك هاي لاين ب 128 الف