استفسار : تشغيل حساسات اكصدام خلفي استيراد
السلام عليكم و رحمة الله و بركاته
انا معايا عربية mazda 3 2009 و استفدت كتير من المنتدي هنا بس دي اول مشاركة ليا و يا رب اقدر استفيد اكتر في الموضوع ده.
الموضوع باختصار اني العربية اتخبطت خبطة جامدة من ورا (الحمد لله قدر الله و ما شاء فعل) و الاكصدام الخلفي اتهرس فلما غيرته جبت واحد استيراد فيه حساسات ركن (parking sensors) لاني ملاقتش من غيره مع ان عربيتي اصلا من غير حساسات.
الاستفسار بقي ازاي اقدر اشغل الحساسات دي يعني لازم اجيب وحدة اصلية مثلا (اعتقد الكاسيت) عشان اشغلهم و الوحدة دي تبقي اسمها ايه و بكام تقريبا.
ولا ممكن اجيب حساسات عادية من اللي بتتباع و اخد شاشتها بس و اشغلها مع الحساسات اللي عندي.
يعني الخلاصة ازاي اقدر اعمل مصلحة من الحساسات دي و ابقي زودت اوبشن جديد في العربية.
