استفسارات بخصوص صيانة الالف بيرسونا 2012
السلام عليكم أهل المنتدى الكرام ...ازيكوا عاملين ايه يا رب تكونوا بخير جميعا :)
اولا انا الحمد لله كملت الالف كيلو بالبيرسونا 2012 وعديت ال 1100 كمان. والمفروض اروح اعمل صيانة الالف ف القريب العاجل
اولا انا عايز اعرف ايه النظام يعني الصيانة كلها على بعضها هتاخد وقت قد ايه يعني افضي نفسي يوم من اوله ولا هو مشوار كده ف نص اليوم عادي
ثانيا انا ساكن ف الحلمية ف حابب استفسر عن عن اقرب مركز معتمد غير أبو رواش عشان بعيد جدا الصراحة
ثالثا بقى ممكن حد معاه بيرسونا يفيدني ف الحوار دا ...العربية أنا حاسسها ناشفة زيادة عن اللزوم ع المطبات يعني أنا بحس بأي طوبة العربية داست عليها فهل دي مشكلة ف العفشة عندي مثلا ولا العربية دا العادي بتاعها ..انا بسمع ان العربية ناشفة ع المطبات بس مش دا العادي ..انا ابن خالتي معاه لوجان 2010 وركب معايا قاللي دي مش عربية زيرو خالص ( نشفان ع المطبات + التزييق تحس ان العربية مفكوكة من بعضها ) وشك ان في حاجة غلط ف ضغط الهوا روحنا نظبطه ف بنزينة وكان عاادي !!!!
انا عايز اعرف بالظبط اروح اشتكيلهم من ايه ؟؟
كمان حاجة في ارم على شكل حرف l كده تحت التابلوه اللي قدام الكرسي اليمين لقيتو واقع مرة بالصدفة ف ببص فوق لقيت فلين أبيض والمفروض هو مغطيها ورديتو مكانو ..دا عبارة عن ايه وهل اقولهم ع الحاجة دي ولا لأ .. أفيدوني أفادكم الله وشكرا مقدما