محتار بين فلتر مياه تانك وفلتر مياه باناسونك

يا جماعه كنت ناوى اشترى فلتر مياه تانك 3 مراحل وعملت بحث لقيت موضوع قديم هنا فى المنتدى بيتكلم عن فلتر مياه باناسونيك المرحله الواحده ابو 300 وبتقولو انه افضل حاجه حاليا عشان مضمون

طب المشكله دلوقتى ان المياه عندى لونها متغير وبتنزل صدا والمرحله الاولى بتاعه التانك دى كويسه فى كده انها حتشيل كل الالوان والصدأ لكن الباناسونيك مفيهوش غير مرحله واحده اللى هى اكاربون اللى بتشيل البكتريا والفطريات وجزء من الكلور والرائحه

بس اللى فهمته ان الباناسونيك افضل فى ان الجزيئيات بتاعه الفلتر اضيق فمش بتعدى اى حاجه بعكس التانك بس التانك عامل مرحلتين كربون عشان لو حاجه عدت من الاولى متعديش من التانيه

بجد محتاااااااااااااااار اجيب ايه

وبلاش حد يقوللى نوع ثالث يحيرنى اكتر واكتر خلينا فى النوعين دول عشان الميزانيه كمان

الباناسونك فيه عيب قاتل...
سعر الشمعه 120 جنيه ولازم تتبدل كل 6شهور...
التانك عندي شمعه واحدة بحطله شمعه مرحلتين منها فيها تمنها 27جنيه والحقيقة كمتاز جدا
الباناسونك عندي برضو بس مةنتش اعرف ان شمعته غالية قوي كده فبطلت استخدمه....
فانت لو هتجيب 3 مراحل برضو هيبقى ارخصلك...
كمان الباناسونك جسمه بلاستيك مش شفاف بينما التانك شفاف وهتشوف هو حايش عنك ايه وتقدر تقيم الشمعه اذا كان ممكن تقعدها اكتر او محتاجة تبديل...
تحياتي

Sent from my LT18i using Forum Runner

انا مركب الباسونسك المرحلة الواحدة رائع فعلا والشمعة بتتغير كل 6شهور و بشتريها ب95 جنية وموجودة فى كل مكان بس بيخلى المية ملهاش ريحة فعلا ممتاز احسن من المراحل.

اقتباس:

---

المشاركة الأصلية كتبت بواسطة maroww

انا مركب الباسونسك المرحلة الواحدة رائع فعلا والشمعة بتتغير كل 6شهور و بشتريها ب95 جنية وموجودة فى كل مكان بس بيخلى المية ملهاش ريحة فعلا ممتاز احسن من المراحل.

---

بتجبها منين يا باشا يا ريت عنوان او تليفون

سالت عليها في التوحيد والنور قالي 123ج

الميه الطبيعيه مبيبقاش فيها صدا. الصدا ده من وصلات الميه فى البيت ياريت تغيروها الاول قبل تركيب فلتر وخصوصا لو عندكو مواسير زهر هاتو بدالها بولي. وبالنسبه للفلتر أنا عندى باناسونيك وبصراحه مش بثق فى الماركات التانيه حتى لو 10 مراحل. أكيد شركة باناسونك فاهمه هيه بتعمل ايه. وبالنسبه للشمعه 100-125 جنيه مش كتير على انك تشرب ميه نضيفه لمده 6 شهور ده كده يبقى 20 جنيه فى الشهر ولو هيعملو مشكله فى مصروف البيت وفرهم من كروت الموبايل.

فعلا الباناسونيك محترم انا كنت محتار كده بس الحمد لله جبت باناسونيك ورائع

عندي الباناسونيك ورائع

الباناسونيك يا باشا وانت مغمض مافيهاش كلام .. هو عندى برضو و ممتاز و فيه نوع تانى غطاه بينك ده أغلى من اللى غطاه أزرق بحوالى100 جنيه عشان فيه مؤشر بيبينلك الشمعة استهلكت ولا لأ .

العضو صاحب الموضوع .....

رأيي الشخصي ..... طالما مش مرتاح للفلتر التانك .... يبقي خليك في الباناسونيك .....بس هات اللي فيه مؤشر لعمر الخرطوشه ..... و اعتقد طالما الاعضاء بيقولوا ان سعر الخرطوشه من 100 الي 120 .....و بتتتغير كل 6 شهور ......يبقي مش كتير 250 جنيه في السنه ......يعني الشهر = 20 جنيه .......يعني مش قصه ...

و حقولك علي معلومه يمكن تفيدك ..... فيه فلتر تانك جسمه اسطوانه واحده و بتتاخد شمعه واحده بس مدمجه ....مقسومه اتنين .....نص فيه كربون و نص فيه الجزء اللي زي القطن الابيض ده .

اسال عليه بردو .....

و بالمناسبه انا معنديش فلتر اساسا .... و محتار زيك .... و مش ناوي اجيب تقريبا :-)) ...... لان انا ساكن جديد في عماره فيها خزانات بلاستيك بيضاء .... و سمعت ( و لسه بدرس الموضوع ) إن الخزانات البيضاء دي مصنوعه من ماده بتجيب سرطان عند تعرض الخزان للشمس و المياه بتتفاعل مع الحراره و جسم الخزانات دي ..... ف كده في وجهه نظري ...مش حينفع في حالتي الفلاتر خالص .

و بالتوفيق .

معنى كده ان الفلاتر الى سعرها 800 و 1000 جنية الامريكى مش كويسة

اقتباس:

---

المشاركة الأصلية كتبت بواسطة aminibrahim

بتجبها منين يا باشا يا ريت عنوان او تليفون

سالت عليها في التوحيد والنور قالي 123ج

---

انا بجيبة من شارع فيصل فى محلين جنب بعض واحد اسمة ايوب بعد شارع العاريش والتانى بعدية ب 100متر

انا بردو محتار بين التانك والباناسونيك والبريتش بركفيلد الانجليزى طيب ياجماعه انا شوفت واحد جديد باناسونيك شكل جديد ابيض كله واكبر شويه من اللى الغطاء بتاعه ازرق والثانى اللى الغطاء بتاعه احمر ياترى حد جرب الجديد ده انا شوفته فى التوكيل بتاع باناسونيك وشوفته كمان فى محلات وسط البلد وسعره بين 375 و405 ولما سألت بتاع التوكيل قالى ان ده الشكل الجديد والسعه بتاعته اكبر فى نزول الماء وكمان الخرطوشة الداخلية اللى ببتغير كل 6شهور بيستخدم نفس الخرطوشة اللى الفلتر الازرق والاحمر بيستخدموها ياترى حد جربه نرجو الافادة اصل المياه بقت زى الزفت ولازم فلتر

اقتباس:

---

المشاركة الأصلية كتبت بواسطة mero100

العضو صاحب الموضوع .....


و حقولك علي معلومه يمكن تفيدك ..... فيه فلتر تانك جسمه اسطوانه واحده و بتتاخد شمعه واحده بس مدمجه ....مقسومه اتنين .....نص فيه كربون و نص فيه الجزء اللي زي القطن الابيض ده .

اسال عليه بردو .....


و بالتوفيق .

---

ده نفس اللي انا اقترحته وفعلا ممتاز جدا وانا بنفسي جربته وعندي الباناسونيك برضو وفعلا مفيش فرق في طعم الميه مطلقا


تحياتي

انا جبت الشكل الجديد من توكيله فى شبرا
اللى اعرفه ان مفيش فرق غير الشكل
http://www.panasonic.ae/AR/Pages/Pro...gvi%20Pfirurvi

طيب لوسمحت اشتريته بكام من التوكيل بتاع شبرا وفين التوكيل ده بالظبط العنوان يعنى

مصر للتجارة والاستثمار

الفرع بعد جامع الخازندار وانت رايح الخلفاوى
نفس الصف
هتلاقى قهوة ومخبز وهو واخد ناصية

MTI Holding

اقتباس:

---

المشاركة الأصلية كتبت بواسطة a.saad

مصر للتجارة والاستثمار

الفرع بعد جامع الخازندار وانت رايح الخلفاوى
نفس الصف
هتلاقى قهوة ومخبز وهو واخد ناصية

mti holding

---

سعرة كام يا أحمد بيه
وهل موجود فى توكيل باناسونيك على الكورنيش وانت رايح المظلات من التحرير .

ياريت السعر واشتريت اى موديل من الباناسونيك ومستريح معاه حاسس بفرق يعنى

الفرع على الكورنيش مش عارف تبعهم ولا لا
لان باناسونيك ليهم كذا توكيل فى مصر وكل واحد ليه منتجات محددة
فاتاكد من اللينك اللى كاتبه فوق

السعر كان ب 390
ولقيته عندهم ارخص من التوحيد والنور
ده سعر الشكل الجديد بمؤشر
الشكل القديم كان ارخص
بس هيا نفس الخرطوشة
انا جبته علشان اشيك بس

المياه عندى كان بينزل فيها شوائب بيضا
مش عارف دى شبه ولا املاح
بس قلت بنسبة 97%

اقتباس:

---

المشاركة الأصلية كتبت بواسطة a.saad

الفرع على الكورنيش مش عارف تبعهم ولا لا
لان باناسونيك ليهم كذا توكيل فى مصر وكل واحد ليه منتجات محددة
فاتاكد من اللينك اللى كاتبه فوق

السعر كان ب 390
ولقيته عندهم ارخص من التوحيد والنور
ده سعر الشكل الجديد بمؤشر
الشكل القديم كان ارخص
بس هيا نفس الخرطوشة
انا جبته علشان اشيك بس

---

شكرا يا احمد بك على تعبك ومجهودك

شكرا جدا يا رجاله وشكرا لكل واحد ادالى معلومه

اقتباس:

---

المشاركة الأصلية كتبت بواسطة dr.hazem

ده نفس اللي انا اقترحته وفعلا ممتاز جدا وانا بنفسي جربته وعندي الباناسونيك برضو وفعلا مفيش فرق في طعم الميه مطلقا


تحياتي

---

شكرا ليك جدا يا فندم
بس قصد حضرتك مفيش فرق فى الطعم يعنى الباناسونيك افضل من التانك ولا ال 2 واحد ؟؟؟؟

بس عندى سؤال الشمعه المدمجه اللى حضرتك بتتكلم عنها بتاعه التانك دى اللى هى كربون وفلتر ابيض
الشمعه دى ينفع تركب فى الفلتر ال 3 شمعه بحيث الفلتره تبقى اقوى ولا الشمعه دى مقاسها مختلف ؟؟ بحيث انى اشيل الشمعه الاولى البيضاء واركب دى مكانها

وشكرا مقدما لحضرتك

اقتباس:

---

المشاركة الأصلية كتبت بواسطة hwk

شكرا ليك جدا يا فندم
بس قصد حضرتك مفيش فرق فى الطعم يعنى الباناسونيك افضل من التانك ولا ال 2 واحد ؟؟؟؟

بس عندى سؤال الشمعه المدمجه اللى حضرتك بتتكلم عنها بتاعه التانك دى اللى هى كربون وفلتر ابيض
الشمعه دى ينفع تركب فى الفلتر ال 3 شمعه بحيث الفلتره تبقى اقوى ولا الشمعه دى مقاسها مختلف ؟؟ بحيث انى اشيل الشمعه الاولى البيضاء واركب دى مكانها

وشكرا مقدما لحضرتك

---

انا قصدت ان الاتنين فعليا نفس الطعم ومحستش بفرق...

فعلا الشمعه اللي هيا كربون والابيض...
هي مقاسها ستاندرد واعتقد هتركب عادي جدا...
سعرها 30 جنيه وبتقعد 6شهور وجربتها لوحدها وكانت كافية...
تحياتي

Sent from my SE Arc S using Forum Runner

منين ياباشا اشتريه؟!!! الفلتر البانسوينك بيتباع فين؟

اخر كلام ياجماعه الشمعه فى ناس بتقول ب30ج وناس تقول 120
نجيبها منين وفى فرق وهى بالمقاس ولا ستاندرد؟ واجيبها برضو من باناسونيك ولا اى حد بيبعها؟

اقتباس:

---

المشاركة الأصلية كتبت بواسطة amrelsha3er

اخر كلام ياجماعه الشمعه فى ناس بتقول ب30ج وناس تقول 120
نجيبها منين وفى فرق وهى بالمقاس ولا ستاندرد؟ واجيبها برضو من باناسونيك ولا اى حد بيبعها؟

---

اللي ب30 جنيه دي المرحلتين مش الباناسونيك.. الباناسونيك مش اقل من 90جنيه..
بالنسبه للشمعه التانك ستاندرد وليها بدائل كتير انما باناسونك مبيركبش عليه غير شمعة باناسونك اللي ب 120 جنيه...
تحياتي

Sent from my SE Arc S using Forum Runner