الموضوع: سكودا فانتازيا 2013ولا اوبل استرا سيدان 2013

المشاركة الأصلية كتبت بواسطة dede_dodo88

الأسترا بتنزل بفتيس ستيبترونيك توماتيكي عادي جداً مفيهوش أي حركات و التربو بتنزل بنفس ذات الفتيس برضه..

هو الفتيس كويس مش وحش يعني بينقل smooth عادي و مش بينتش فمبيعملش مشاكل.. هو نقلاته بس بتبقى بدري شوية عشان يريح الموتور بمعنى أنه مبيجبش أخر كل نقلة و ده بيقلل التسارع شوية نوعاً ما..
و ده مش معناه أنها عربية بطة أو مش سريعة.. بالعكس العربية حلوة أوي فوق على سرعات.. هي بس مش قوية في الـlow-to-mid range يعني مش بتاعة drag..

و و الله كلام كويس رغم انى مفهمتش اوى الا لما شرحتلى اصلى لسه جديد فى الموضوع بتاع العربيات ده رغم انى راكب عربيه من ييجى 8 سنين بس الدنيا بتطور و انا قاعد زى خيبتها مش بفهم غير انى اسوق و خلاص بس انت رايك كده اشترى الفانتازيا ولا الاسترا السيدان لانى شايف العربيتين حلوين اوى بس انا محتار اخاف اجيب عربية و بعد ماجيبها ابقى مش راضى عنها و اتعب نفسيا و تتعبنى هى معاها

ايه اللى بيحصل 200 واحد دخلو اتفروا عل الموضوع ومافيش غير 12 شاركه انا عامل منهم ييجى اربعه يخواننا بقلكم انا هاشترى ايه فلوس دى هاتتدفع ولا مش فلوس يا متعلمين يا بتوع المدارس

المشاركة الأصلية كتبت بواسطة mohammedrefaat

هو انا معاك ياباشا فى مواضيع الخوازيق ده بس بصراحه انا مافتكرش ان فيه عربيه المانى نزلت وكان فيها خوازيق ولا انت رايك ايه ؟؟؟!!

ازاي يا باشا .طيب و الفتيس ال DSG ؟ خوازيق تشمل المشاكل اللي ممكن تواجهها لان التكنولوجيا المستخدمه متقدمه و كل حاجه لكن لا تناسبنا و بتعمل مشاكل رهيبه تخللي صاحب العربيه يبيعها بمجرد قرب انتها ء الضمان و بتمن لا يتناسب مع سعر العربيه الاصلى و لا عداد الكيلومتر و الحاله .مشاكل زى دى لا تظهر الا بالاستخدام للحكم على ملائمه العربيه للاستخدام عندنا و خاصه لو موديل جديد لسه نازل مش facelift

المشاركة الأصلية كتبت بواسطة Ahmed A.Maksoud

طيب ما تزقش بس :)

بص يا باشا..........الأوكتافيا المفروض أنها هتغير شكل قريب..........دى أول حاجة تخليك تفكر أنك تبعد عنها.

باقى بنود المقارنة تقريباً متشابهة......سعر قطع غيار توكيل إلخ

الأوكتافيا تتفوق فى سعر إعادة البيع

موتور الأسترا يكسب

شكل الأسترا يكسب......و دى أزواق

أخر حاجة.........الأوكتافيا الجديدة لو نزلت بفتيس dsg هتفقد جزء كبير من قيمتها فى مصر.

القرار يرجعلك...........انت محتاج أيه من العربية ؟

بصراحه سعادتك كل اللى على المنتدى بيتكلم عن شكل جديد للفانتازيا و احتمال يكون فيها فتيس dsg مع ان موديل 2013 نزل و كان زيه زى الـ 2012 مافيس فيهم اى فرق حتى الفتيس تيبترونك هو هو مافيش فرق ولما اتصلت بالوكيل قاللى انه مافيش شكل جديد ولا اى حاجه فانا مش عارف انا بقيت فى حيره اكتر من الاول