السلام عليكم
ممكن اعرف الفرق بين ds4 و ds5
في الامكانيات وهل فيه مشاكل مع بنزين 92 ///وارتفاعها عن الارض علشان المطبات /////واسعار بعض قطع الغياار
عرض للطباعة
السلام عليكم
ممكن اعرف الفرق بين ds4 و ds5
في الامكانيات وهل فيه مشاكل مع بنزين 92 ///وارتفاعها عن الارض علشان المطبات /////واسعار بعض قطع الغياار
ده لينك فيه كل حاجة بالتفصيل عن الاتنين
http://www.nilemotors.net/Nile/31274...troen-ds4.html
http://www.nilemotors.net/Nile/31670...troen-ds5.html
شكرا استاذ احمد لاهتمامك
بس كنت عاوز اعرف بنزين 92 فيه مشاكل مع ds4 علشان انا مش من القاهره
وارتفعها عن الارض علشان المطبات
العربيتين لازم بنزين 95 عشان التربو .. مش هتقول لا مع الــ 92 بس هيبقى ليه اضرار جانبية مع الوقت على الموتور
و العربيتين تقريبا نفس الموتور
الارتفاع عن الارض بالنظر كده معقول بس مفيش ارقام طلعت من الشركة بالظبط
بس متخافش العربيتين علوهم كويس و لو شفتهم فى اى معرض او اى حتة هتحس ده بنفسك
المفروض 95 لانها تربو و كمان compression ratio عالي
فكرة يشتغل مع 92 أو لأ ؟؟
محدش يقدر يحكم عليها غير بالتجربة بس نظريا بدام مش هتقرص عليها على rpm قليل
هتمشي عدي لأن فيها anti-knocking sensor
يعني ال ecu بتاع العربية بيتعرف على نوع البنزين و بيحاول يظبط ال map بتاعت العربية عليه
بس الاكيد مش هيديك كل قوة الموتور
نصيحة لوجه الله ,
لو حضرتك من الاقاليم ,بلاش تجيب أي حاجة اوروبي
هتتعب في صيانتها (مش هتلاقي مركز خدمة جنبك)
ده غير إن أصلا البنزين في الاقاليم مش زي جودة هنا
اولا شكرا لاجبتكم
بصراحه انا في المفرب من شهر كده ولغاية اول شهر 12
والعربيات هنا كلها اوربي واكتر حاجه شايفها الرينو والسيتروين واالفوكس الجديده والفيات بونتو والايفو
والكوري قليل جدا
فبصراحه قلت ان شاء الله اجيب عربيه اوربي حتى لو صيانتها غاليه اول منزل مصر وعجباني الds4 جدا
بس نقطة البنزين ديه مفهاش مفر لو عربيه هتعمل مشاكل مع 92 يبقى مينفعش علشان في بني سويف فيه 92 بس
اما بالنسبه للصيانه ده عربيه جديده يعني القطع اللي لازمه موجوده ان شاء الله
المهم نقطة البنزين و علوها علشان متحكش في المطبات
معلومه جانبيه
في المغرب معظم العربيات سولار مش بنزين وسعر لتر البنزين 12.30 ولتر السولار 8.30 مغربي
والجنيه المصري ب 1.4 درهم مغربي
طب لو c4 2013 هل فيها مشاكل مع1- بنزين92 2-علوها عن الارض علشان المطبات
وسوال تاني هي c3 مش بتنزل دلوقت اصلها مش موجوده على كونتكت كار
وسوال اخير هي ال سي فور مفيهاش فتحة سقف ولا زينون
دي أنا اضمنلك إن مفيش مشاكل ولا في بنزين ولا مطبات
و أساسا ال 308 نفس الموتور و ماشية عادي جدا 92
موجودة و ممكن برده حضرتك تبص على c3 picasso
بدام حابب حاجة عالية شوية
http://www.nilemotors.net/Nile/31182...3-picasso.html
مفيهاش لأ
بس فيها حاجات تانية كتير
- تكييف اوتوماتيكى مزود بخاصية الـ dual zone climatic control
2- فتيس ستبترونيك مع خاصية sport/snow mode
3 - 6 ايرباج
4- abs/ebd/eba/ ESP with traction control
5-عجلة قيادة من الجلد بها مالتى فنكشن للتحكم فى وظائف الكاسيت و مثبت السرعة مع حليات من الالمونيوم
6- مثبت و محدد سرعة
7 - بلوتوث
8- daytime running light مع خاصية guide me home
9 - نور ضباب امامى مع خاصية الـ cornering و نور ضباب خلفى
10 - زجاج خلفى و جانبى فاميه
11- سنتر لوك مع ريموت كنترول
12- مسند يد امامى منزلق
13- حليات من الالمونيوم و الكاربون فيبر فى جسم السيارة الخارجى
14- مصفحة تحت محرك السيارة
15- اماكن للتخزين تحت الكراسى الامامية
16- راديو سى دى mp3 مزود بخاصية الـ aux/usb
17- سبويلر خلفى به نور ستوب
18 - مساحة زجاج خلفية تعمل اوتوماتيكيا مع وضع الـ reverse
19- 4 زجاج كهرباء مع خاصية الـ One touch
20 - خاصية الـ child safety
21 - امكانية تعديل ارتفاع كرسى السائق
22- مرايات ضم كهربائية مع اشارات بالمرايات
23- عداد ديجيتال مع كمبيوتر رحلات مدمج
24 - نظام تعليق خدمة شاقة للطرق المصرية
25- حساس خلفى للركن
26 - حامل اكواب
27 - بارات حماية للابواب فى حالة التصادم
28 - درج التخزين مكيف ( ثلاجة صغيرة )
29 - امكانية طى المقاعد الخلفية 1/3 او 2/3
30 - جنوط سبور مقاس 205/55 R16