استفسار بخصوص honda cbr400rr

**KAREEMKEKO** · 10-11-2012 01:50 PM

السلام عليكم ورحمة الله وبركاته

انا عضو جديد معاكم و كان عندى استفسارات اتمنى ان اعرف
اجابتها منكم

1- هل الهوندا cbr400rr كويس ليا كمبتدأ ؟
2- سعره لو حاجه نظية و عاملة كيلوهات قليلة بيكون سعره حوالى كام ؟
3- و ما اخر سرعة العداد ؟ و هل لو هو اخر 200 مثلاً بيجيب السرعه ديه ولا بيجيب 180 و بيتعب بعدها ؟

انا عارف انى طولت عليكم لاكن انا عارف ان خبراء مثلكم هيفيدونى انشاء الله

**Amr A. Ali** · 10-11-2012 04:45 PM

اهلا بيك
منور المنتدي
انا مش خبير ولا حاجه و لا معايا بايك اصلا
بس انا خت خبرة قليله من قرايتي هنا ف المنتدي و كذا مكان تاني
و كنت هجيب هوندا 250فاير كمبتدأ برده , بس ناس قالتلي ان بتمن ال250 الفاير اجيب 400 عاده
هيبقي احسن ليا عشان مزهقش من ال250 و ابيعه علي طول
ف 400عاده حلو قوي كمبتدأ , بالنسبه للسعر برده علي حسب خبرتي الي اختها من النت

سعره ممكن يعمل من 18 ل 21 علي حسب حالته

اما بالنسبه للسرعه دي مش عارف بقي , اتمني حد يفيدك اكتر مني برده

**ztx** · 10-11-2012 07:29 PM

بتجيب اخر عداد السرعة بعد ال180 بتقفل الامبير اذا كانت الحالة ممتازة

جبتها علي مكنة صاحب لي :)

**bassoom007** · 11-11-2012 05:39 AM

بص يا باشا ....يستحسن لو انت مبتدأ خالص فى الموتسيكلات ياريت تبتدى بحاجه صينى فى الاول لان الريس عامتا محتاج شويه مهارات...مهواش انك تركب وتعرف النقلات بس...
لا ده عاوز تتعلم ازاى تفرمل بيه وازاى تعمل مناورات بيه لانه على السرعات انتا بتمييل بالمكنه مش بتحود بالجدون..كذا حاجه يعنى
بالنسبه لل 400 فاير هى مكنه عفيه وخصوصا لما تكون حالتها نضيفه احسنلك ابتدى بال 250 لان ال400 الفاير دلوقتى بتلعب فى 25 الف لغايه 28 كمان للأسف
العداد بيبقى اخره 180 لانها يابانى وسعات لما تكون اميريكان بيبقى العداد 240 انا شفتها فى مكنه زميلى

**ماجيكانو** · 13-11-2012 08:49 AM

ابدا بحاجه سعرها حنين يعنى هاتلك حته صينى او بوكسر اتعلم فيها وبعدين ابقى بيعها واشتريلك الريس
ولو فعلا داخله ف دماغك اوى الريس وعايز حاجه جديده
هات الباجاج النينجا اللى هى 250 سى سى جديده بحوالى 12500
او هاتلك البوليسار 220 باجاج برده

والاتنين دول وبالذات النينجا 250 نسخه من الريس اليابانى بس الصناعه هندى

تبقى جديده وضامن حالتها انها لسه زيرو وف نفس الوقت سعرها كويس

**bmask** · 13-11-2012 02:27 PM

اخي الفاضل اذا كونت تريد ريس انت مبتدي

فانصحك بريس صيني لنو نفس الشكل وقريب من الحجم و رخيص وحلو

فاذا كونت تريد حاجه نظيف تقعد معك فتره فاعندك بجاج بولسار220 سعرها حوالي 11500 جنيه

**ماجيكانو** · 13-11-2012 09:16 PM

بالنسبه لحضرتك انت بعت رساله بتستفسر ع مكان بيع النينجا
الوكيل الوحيد على ما اظن لبيع الباجاج هو غبور موتورز يعنى روح اسال عليها هناك
ممكن لو مش موجوده هيجيبهالك بس هتاخد يومين تلاته عقبال ما توصل

اما بقى انت ممكن تدخل ع الموقع الرسمى لباجاج وتاخد رقم الفاكس بتاعهم او الميل وتبعتلهم استفسار هى موجوده ف مصر ولا لا وفين وهما هيقولولك التوكيلات بتاعتهم ف مصر مين وعناوينهم كلها
اما بالنسبه لو مش موجوده وعايزها على ما اعتقد كده انك بتبعتلهم حواله بنكيه او عن طريق الويسترنيون بالسعر وهما بتتشحنلك ف نفس اليوم ع مصر وبتستلمها بعد يومين تلاته من الجمرك

**bmask** · 14-11-2012 06:02 AM

المشاركة الأصلية كتبت بواسطة ماجيكانو

بالنسبه لحضرتك انت بعت رساله بتستفسر ع مكان بيع النينجا
الوكيل الوحيد على ما اظن لبيع الباجاج هو غبور موتورز يعنى روح اسال عليها هناك
ممكن لو مش موجوده هيجيبهالك بس هتاخد يومين تلاته عقبال ما توصل

اما بقى انت ممكن تدخل ع الموقع الرسمى لباجاج وتاخد رقم الفاكس بتاعهم او الميل وتبعتلهم استفسار هى موجوده ف مصر ولا لا وفين وهما هيقولولك التوكيلات بتاعتهم ف مصر مين وعناوينهم كلها
اما بالنسبه لو مش موجوده وعايزها على ما اعتقد كده انك بتبعتلهم حواله بنكيه او عن طريق الويسترنيون بالسعر وهما بتتشحنلك ف نفس اليوم ع مصر وبتستلمها بعد يومين تلاته من الجمرك

الف شكرا للك اخي الكريم

بس انا دوره علي النت لقيت الوكيل الخاص بشركة kawasaki الاي بنها وبين باجاج اتفقيت تصنيع

النيجيا 250 والنيجيا 650 هو عز العرب