رخصى اتسحبت :(

**Ahmed_Adham** · 10-11-2012 04:16 PM

المشاركة الأصلية كتبت بواسطة eng f3lix

مش شرط ياباشا
المفروض اي عربية بتنزل فيها زينون بتكون نازلة ببروجيكتور في الفوانيس عشان ميضربش في عين اللي قدامك .. اما المتبع عندنا هنا الناس بتركبه في فوانيس الفيرنا واللانسر من غير بروجيكتور يعني صباح العمى
وفي عربيات بتنزل ببروجيكتور في الفوانيس بس من غير زينون زي عربيتي كدة وده اهون كتيييييييير جداً من اللي مش عنده البروجيكتور
يعني المفروض المرور يسمح بالزينون للي مركب العدسات دي عشان ميضايقش حد بس المخ التعبان بقى بتاع المسئولين

سعر الزينون بالظبط بيبدأ من 150 جنيه للصيني :)

انا بصراحه مش فاهم قوي في فنيات الفوانيس لكن لاحظت ان الزينون اللي متركب في العربيات الغاليه زي المرسيدس والبي ام وأودي أو اللي بلاقيه في عربيه مش غاليه قوي بس نازل فيها الزينون فابريكه بلاقيه مش متعب للنظر لكن اللي بيركب زينون مكنش موجود فى العربيه (وفي الغالب بتكون عربيات قديمه شويه ورخيصه بما ان محدش هيجيب عربيه جديده ويلعب في كهربتها كده) بيبقى مزعج جدا وخصوصا لما تقابله وش في وش في شارع جانبي في الحاله دي أنا بقف خالص وأدير وشي على جنب واسيبه هوه يعدي براحته.

**midooo_119** · 10-11-2012 04:32 PM

لو مركب تونجسرام تزعل الى مركب زينون

**eng.m7md.ali** · 10-11-2012 04:43 PM

المشاركة الأصلية كتبت بواسطة ahmed_adham

انا بصراحه مش فاهم قوي في فنيات الفوانيس لكن لاحظت ان الزينون اللي متركب في العربيات الغاليه زي المرسيدس والبي ام وأودي أو اللي بلاقيه في عربيه مش غاليه قوي بس نازل فيها الزينون فابريكه بلاقيه مش متعب للنظر لكن اللي بيركب زينون مكنش موجود فى العربيه (وفي الغالب بتكون عربيات قديمه شويه ورخيصه بما ان محدش هيجيب عربيه جديده ويلعب في كهربتها كده) بيبقى مزعج جدا وخصوصا لما تقابله وش في وش في شارع جانبي في الحاله دي أنا بقف خالص وأدير وشي على جنب واسيبه هوه يعدي براحته.

هقول لحضرتك
عندنا مثلا عربية زي الجيتا بتنزل بكذا فئة
منهم فئة بزينون ومنهم فئة من غير
هتلاحظ حضرتك ان في اختلاف بين الفانوسين لان اللي بزينون بيبقى فيها عدسة واللي من غير بيبقى فانوس عادي
العدسة دي بتجمع الزينون وتركزه في الارض اكتر مايكون في وش اللي قدامك
ده بالظبط اللي المفروض يحصل من المرور انه ميسحمش بتركيب زينون غير للعربيات اللي فيها عدسات وده بيكون ممكن فبريكا او بيتم تعديل في الفانوس نفسه والتعديل بيحصل في كل العربيات سواء قديم او جديد
وكمان متنساش ان درجة الزينون بتفرق في موضوع الضرب في العين بمعنى ان العربيات المرسيدس او اللي بينزل فيها الزينون فبريكا بيبقى قوة الزينون 4300 كيلفن اما الناس اللي بتركب زينون ومنهم انا كنت مركبه 8000 - 6000 - 12000 كيلفن وكل مايزيد عن 4300 كل مايبقى مؤذي اكتر بس طبعا البروجيكتور ليها عامل كبير في موضوع تركيز الزينون زي ماقولتلك

**Ahmed_Adham** · 10-11-2012 04:49 PM

المشاركة الأصلية كتبت بواسطة eng f3lix

هقول لحضرتك
عندنا مثلا عربية زي الجيتا بتنزل بكذا فئة
منهم فئة بزينون ومنهم فئة من غير
هتلاحظ حضرتك ان في اختلاف بين الفانوسين لان اللي بزينون بيبقى فيها عدسة واللي من غير بيبقى فانوس عادي
العدسة دي بتجمع الزينون وتركزه في الارض اكتر مايكون في وش اللي قدامك
ده بالظبط اللي المفروض يحصل من المرور انه ميسحمش بتركيب زينون غير للعربيات اللي فيها عدسات وده بيكون ممكن فبريكا او بيتم تعديل في الفانوس نفسه والتعديل بيحصل في كل العربيات سواء قديم او جديد
وكمان متنساش ان درجة الزينون بتفرق في موضوع الضرب في العين بمعنى ان العربيات المرسيدس او اللي بينزل فيها الزينون فبريكا بيبقى قوة الزينون 4300 كيلفن اما الناس اللي بتركب زينون ومنهم انا كنت مركبه 8000 - 6000 - 12000 كيلفن وكل مايزيد عن 4300 كل مايبقى مؤذي اكتر بس طبعا البروجيكتور ليها عامل كبير في موضوع تركيز الزينون زي ماقولتلك

بس كده نبقى بنطلب لبن العصفور لما نبقى عايزين امين الشرطة ولا الظابط اللي واقف في كمين يعرف الفرق بين الفانوس اللي فيه بروجيكتور واللي مفيهوش. ده مبيعرفوش العربيه اللي بتنزل بفاميه فابريقه الا لما يشوف الرخصه!

**egyptodentist** · 10-11-2012 05:13 PM

تحية طيبة للاعضاء الكرام....................................و بعد:
مفيش حاجة اسمها مخالفة زينون في قانون المرور.لاكن في مخالفة اضاءة مبهرة ودي بتنطبق علي حاجات كتير زي: الزينون-فوانيس الشبورة اللي متركبة (اللي ملهاش مكان في العربية )يعني مثلا تلاقي واحد مركب 4 فوانيس شبورة من فوق او من تحت الاكصام-كمان الفوانيس العلوية اللي بيركبها ال4x4-الفنار والمفروض ده مخصص لعربيات الخدمات والنقل الثقيل فقط....فبالتالي المخلافة مش علي الزينون يعني زي ماقالوا الاغضاء المحترمين لو العربية فيها بروجيكتور مفيش مشكلة مثلا:::انا معايا نيو اكسنت ومركب بروجيكتور بالزينون بتاعه وبعدي مولعه في الكماين محدش بيتكلم لكن في مرة نسيت وعديت بالشبورة(بها زينون) طبعا الضابط وقفني وعملي مخالفة فورية (اضائة مبهرة)...
بالنسبة لموضوع الفيمه العربية لازم تدخل فحص ومفيش تصالح فوري في الفيمه(مش عارف الزاي في حين الرخصة المنتهية فيها تصالح فوري)قوانين عجيبة مريبة........انا راي تحاول تخلص الموضوع ودي في المرور اللي تابع ليه الضابط اللي سحب رخصتك قبل ما تتصدر علي المرور اللي تابعه له العربية وده بيكون عبارة عن انه الضابط ممكن مش اكيد وديا يرضي يغير ايصال السحب من فيمه لاي مخالفة اخري لاتحتاج فحص وتسدد قيمة التصالح الفوري في مكتب النوبتجية وتستلم رخصتك...غير ذلك المفروض تشيل كل الفيمه قبل الفحص ولو فيه اي فوانيس مكسورة تغيرها او انوار مش شغالة تغيرها والمسحات كمان اتاكد انها شغالة ده الكلام الرسمي بس لو المهندس بتاع الفحص مشغول هيبص بس علي الزجاج فقط.........