معذره مليش نصيب فيها

**amrelsha3er** · 10-11-2012 08:22 PM

الحمد لله يارجاله كتر الف خيركو على الروح المعتاد عليها منكو دى :)
قدر الله وماشاء فعل الحمد لله انى مرخصتش وانا اللى كنت سايق مش المندوب وعرفت ان فيها مشكله
هى كانت باينه انها مركونه من الصدا اللى على العلامه ورا وقدام والشكمان حتى مساحات العربيه بس كل ده انا كنت هاضمه وقولت عادى انما هتوصل لمشكله فى فرامل العربيه مينفعش
مدير المعرض وداها مركز تبعهم شافوها لقو فى مشكله فى حاجه بيقولى اسمها الكلببر ده اللى ماسك التيل فى التنابير على كلامه وتفسيره
بصراحه انا قفلت من العربيه وهغير معذره لبروتون بقى كفايه كده صبر وتحمل جبت اخرى بصراحه منهم لله اباظه بقى 4 شهور عشان اجيب العربيه وفى الاخر فيها مشكله
انا بفكر ان شاء اله فى ستيب واى ايه رايكم فيها
وبرضو هبقى معاكو هنا ان مكنش يضايقكو يعنى :d
بصراحه احلى شباب والله واحلى واجمل قسم فى المنتدى :)
الف الف شكر على كل من رد وتابع معايا الموضوع واكتر واحد فيليكس باشا :)

**Motarjim** · 10-11-2012 08:50 PM

المشاركة الأصلية كتبت بواسطة amrelsha3er

الحمد لله يارجاله كتر الف خيركو على الروح المعتاد عليها منكو دى :)
قدر الله وماشاء فعل الحمد لله انى مرخصتش وانا اللى كنت سايق مش المندوب وعرفت ان فيها مشكله
هى كانت باينه انها مركونه من الصدا اللى على العلامه ورا وقدام والشكمان حتى مساحات العربيه بس كل ده انا كنت هاضمه وقولت عادى انما هتوصل لمشكله فى فرامل العربيه مينفعش
مدير المعرض وداها مركز تبعهم شافوها لقو فى مشكله فى حاجه بيقولى اسمها الكلببر ده اللى ماسك التيل فى التنابير على كلامه وتفسيره
بصراحه انا قفلت من العربيه وهغير معذره لبروتون بقى كفايه كده صبر وتحمل جبت اخرى بصراحه منهم لله اباظه بقى 4 شهور عشان اجيب العربيه وفى الاخر فيها مشكله
انا بفكر ان شاء اله فى ستيب واى ايه رايكم فيها
وبرضو هبقى معاكو هنا ان مكنش يضايقكو يعنى :d
بصراحه احلى شباب والله واحلى واجمل قسم فى المنتدى :)
الف الف شكر على كل من رد وتابع معايا الموضوع واكتر واحد فيليكس باشا :)

ليه كده بس يا عمرو، تهون عليك العشرة كده

طيب ما تشوف يا بني كده جين تو 2013 وتحجزها مع عز العرب الضائع، أنا كنت اتصلت بمحسن صالح، وقالي أن الاستلام خلال عشرة أيام من الحجز، ولا انت خلاص قفلت من بروتون تمامًا.

ع العموم ربنا ييسر لك الحال، ويقدر لك الخير سواء مع بروتون أو رينو ستيب واي أو غيرها.

**amrelsha3er** · 10-11-2012 09:51 PM

المشاركة الأصلية كتبت بواسطة motarjim

ليه كده بس يا عمرو، تهون عليك العشرة كده

طيب ما تشوف يا بني كده جين تو 2013 وتحجزها مع عز العرب الضائع، أنا كنت اتصلت بمحسن صالح، وقالي أن الاستلام خلال عشرة أيام من الحجز، ولا انت خلاص قفلت من بروتون تمامًا.

ع العموم ربنا ييسر لك الحال، ويقدر لك الخير سواء مع بروتون أو رينو ستيب واي أو غيرها.

قفلت ياريس بصراحه
حد يعرف حاجه عن الستيب واى ياجماعه؟!!!

**Motarjim** · 10-11-2012 10:54 PM

المشاركة الأصلية كتبت بواسطة amrelsha3er

قفلت ياريس بصراحه
حد يعرف حاجه عن الستيب واى ياجماعه؟!!!

خيرًا يا ريس بإذن الله.

توجّه بقى لقسم رينو، وشوف الدنيا عاملة إزاي فيما يتعلق بالستيب واي، وإن كان قسم بروتون هيفتقدك كثيرًا.

**amrelsha3er** · 10-11-2012 11:32 PM

المشاركة الأصلية كتبت بواسطة motarjim

خيرًا يا ريس بإذن الله.

توجّه بقى لقسم رينو، وشوف الدنيا عاملة إزاي فيما يتعلق بالستيب واي، وإن كان قسم بروتون هيفتقدك كثيرًا.

انا معاكو قلبا وقالبا يامترجم لاتقلق حد يسيب الصحبه الحلوه دى :)

**DESIGNER105** · 11-11-2012 09:46 AM

على فكره الاى بى اس بيشتغل فعلا على سرعة 20 فى الجين 2....انت عندك حق طبعا متخودش عربيه زيرو فيها حاجه .....اعرف واحد بردو كان لسه مستلمها والعربيه بطلت منو وطلع الدينمو مش بيشحن وغيرو فى التوكيل ....بس العربيه مش وحشه على فكره وده كلو من التوكيل الجميل بتعها المفروض ميستلمش العربيه من المصنع فى ماليزيا لو فيها حاجه ..لان العربيات دى بتتصنع بالعدد لمصر لان الاعربيه الاصليه الدركسيون بتعها يمين .....