الموضوع: أنا بقيت أتكسف أتفرج على التليفزيون أدام حد

المشاركة الأصلية كتبت بواسطة manola

هاخدك ردك من الأخر للأول بس فى أستعجال شديد
مبارك أولا مكانش علمانى و إلا مكانش العلمانيين هم من دعو بثورة ضده


و أحنا أمتى جربنا الأشتراكية غير فى وقت عبد الناصر و لم تكتمل ؟ أية مساوئ عبد الناصر فى الأشتراكية ؟


و كمان أنا مش بقول أننا نكون تركيا أو أمريكا أو ماليزيا حتى أنا بقول عندنا ثقافتنا و عاداتنا المفروض نأسس دولة بيها لأن مفيش دولة تقليد بتنجح


موضوع المتأسلمين دة أنت عايز تفهمه تكفير رغم جملة متأسلمين دى بتتقال لكل شخص يتستر وراء الدين الإسلامى و دة خطر أكبر من عدونا الأساسى و بينطبق عليه أية "اتأمرون الناس بالبر وتنسون انفسكم وانتم تتلون الكتاب أفلا تعقلون" يعنى كدة القرأن كان بيكفر الناس ؟


و إن شاء الله لو عندنا واحد زى عمرو بن العاص أنا أول واحدة هكون مؤيدة للحكم الإسلامى بكامل تعليماتة , لأن مكانش عنده خيار و فقوس و كوسة , لكن فى وقتنا الحالى لما نلاقى واحد زى أنور البلكيمى بتاع المناخير و مراتة الراقصة و الممثلة سما , و على ونيس المأفوش فى عربيه مع واحدة أصغر من عيالة و فى الأخر يتم الدفاع عنهم بهذا الشكل , دا غير وجدى غنيم لما قال على المسيحيين يا أنجاس و لفظ تانى أبشع مما يتوقعة العقل و لم يتم محاكمة أو محاسبة هؤلاء الأشخاص و من المفترض أنهم قدوة و وجهة دينيه إذا فالشريعة الإسلامية ستفشل فى مصر و بالتالى الدين الإسلامى هيكون حصن يقذف بنار أعداء بدلا من أن تكون الأشخاص حصن للدين الإسلامى





و طبعا فيه ردود قبلى مش هقدر أرد عليها إلا أن أحنا شعب بنحاول نألف قصص عن أى مسمى غريب زى الشيوعية و الشيعة طبعا مع كامل بعدى عن الفكر الشيوعى أو المذهب الشيعى و ليس دفاعا عنهم و لكن بعض الناس فاكرة الشيعى دة مش بيؤمن بسيدنا محمد او بالقرأن و فاكرة أن الشيوعى كافر رغم أن دة فكر يغلبه الطابع الأجتماعى , إذا لما يكون أشهر مصطلحين مفهومين بالطريقة دى و البركة فى الوهابيين , يبقى الليبرالية و العلمانية إلى متأكدة أن أغلب شعبنا عارفها بقاله كام شهر لازم تتفهم بالطريقة دى


الأهم من التوجهات الفكرية حاليا خلينا فى فكرة و هدف الموضوع أحسن

انا عندى رد على كل جملة قولتيها فى محاولة تجميل وجهة العلمانية والإشتراكية والشيعة والشيوعية

بس هكتفى بكام حاجة للتوضيح لأنه حضرتك واضح مش قارية كويس فى المواضيع دى

الشيعة : عندهم سورة مضافة للقرآن اسمها سورة النورين .. عندهم ركن اساسى فى عقيدتهم اسمه الإمامية الإثنا عشر احنا مش بنؤمن بيها .. بيكفروا ابو بكر وعمر وعثمان وبيتهموا ام المؤمنين عائشة بالفاحشة واللى مش مؤمن بكدا عندهم يبقا كافر .. بيقولوا الوحى نزل بالغلط على سيدنا محمد وكان المفروض ينزل على سيدنا على ... لو حضرتك شايفة انه كل دا مش كفر صريح يبقا مفيش فايدة الصراحة من الكلام

الشيوعية : بيؤمنوا ب 3 حاجات ماركس ولينين وستالين وبيكفروا ب 3 حاجات الله والدين والملكية الخاصة

الوهابية مش مذهب اصلا عشان يبقا ليه اتباع ثم انه الوهابية اصلا من خرافات الشيعة اللى ابتدعوها عشان يشوهوا اهل السنة

عمر بن الخطاب كان بيطبق الشريعة عشان كدا كان بيحكم بالعدل ..

وهكتفى بكدا عشان ما اخرجش بره الموضوع اكتر من كدا

والله العظيم بقت سفاله وقلت أدب القنوات المصرية دلوقتي اغلبها وليس كلها بقت قنوات زبالة الأفلام اللي بيعرضوها زي افلام عادل إمام مثلا وغيره كتيييييييييير كلها مشاهد تخدش الحياء العام..

يعني مثلا أبقى قاعد مع والد ووالدتي بنتفرج على فيلم وفجأة تيجي مناظر مخلة (طبعا بنغير القناة على طول) بتبقى قاعد مكسوف ولو فيه ضيوف بردو..

ولا إعلانات الأدوية الجنسية اللي بتطلع كدا عادي على التلفيزيون بدون حياء(وطبعا كله نصب أصلا).

وبعدين في قنوات انا مش عارف ازاي سماحين بيها والله العظيم زي قناة "التت" مثلا كنت سامع انها بعد ما اتمنعت رجعوها تاني!!

ولا أفلام السبكي الزبالة اللي فرحانين بيها زي فيلم "عبده موته" اللي نازل جديد مثلاً..

والله ياجماعة انا في العيد دا مدخلتش اي فيلم للسبكي وبالذات عبده موته وكنت بقول لصحابي ان شاء الله تتفرجو عليه على النت لكن متدخلوهش سينما مش عايزين ننفع السبكي بمليم واحد.

فين الرقابة على الكلام ده كله؟ مين صاحب القنوات دي؟ مين اللي بيمولها؟ ايه الهدف من كدا؟

أسئلة كتيرة محتاجة اجابة..

بصراحة محطات التلفزيون عايزة إعادة تأهيل ورقابة من أول وجديد..

واللي يغيظ تيجي تقول الكلام دا يطلع لك واحد يقولك دي حرية ومش من حقك تتكلم!!

ياخي ملعون أبو الحرية اللي بالشكل دا..

وحاجات كتيرة هقول ايه ولا ايه بس.. بصراحة أنا لو قعدت اتكلم من هنا لبكرة مش هطلع اللي جوايا..

بس الحق يتقال برضه بصراحة في قنوات كتيرة محترمة زي الحياة والرحمة والناس وقنوات كتيرة..

احنا عندنا في البيت حاليا mbc2 وبانورما اكشين شغالين على طول احسن من الأفلام والقنوات المصرية الزبالة على الأقل مفيهومش مناظر مش كويسة أو خادشة للحياء.

وربنا يصلح حال اليلد دي.