الموضوع: معايا 65 الف وعاوز اركب لانسر ( بوما او شارك )

المشاركة الأصلية كتبت بواسطة hossamsmsm

السلام عليكم

ازيكم يا رجاله
انا اخر حدودى 65000 جنيه وكنت عاوز اركب لانسر بس مش عاوز 1300
ومش مهم عندى الاتوماتيك .. انا عامه بحب المانيوال
بس كن عاوز حاجه قطع غيار موجود ومعقوله نسبيا
وبحب شكل الشارك جدااا جدااا
وقدامى على موقع كونتاكت كارز ( شارك ) اول فئه مانيوال ب 68000 جنيه مو 2008 فابريكه دواخل ورشه حزام نضافه والرخصه فيها سنه
بس بصراحه خايف جدا من قطع الغيار وكنت عاوز اعرف هى هتبقى اغلى من البوما بكتير ولا فرق لا يذكر وصيانتها سهله زى البوما برضه ولا صعبه وخاصه ان انا من طنطا ومش كل مشكله هاخد العربيه وانزل بيها القاهرة علشان الاقى حد بيفهم
ولو اى حد عنده عربيه بيتى وقانيها وعاوز يبيعها يقول برضه علشان لو لاقيت فرق السعر عالى يبقى ارجع تانى افكر فى البوما بدل الشارك

أعتقد إن مبلغ 65.000 جنية مش هتلاقى بيهم حاجه معقولة غير لانسر بومه 1300cc مانيوال أو أتوماتيك على أعلى تقدير ... والحاله مش هتبقى فابريكا بره وجوه ... ومتستعجلش ودور وهتلاقى بإذن الله ... وربنا يسهل ... تحياتى وألف مبروك مقدماً

المشاركة الأصلية كتبت بواسطة salah_86

باشا ربنا يديك ويباركلك وان شاء الله تركب عربية محترمة
بس انا عاوز اسئلك سؤال يعنى انت لو عندك عربية شارك اصلا حتى لو كانت طالع عينها هتبيعها حتى ب 70 الف
دا كلام غير منطقى بالمرة
وحضرتك لو عاوز تركب بوما ب 65 اعتقد انها هتبقى مشنة ومش عربية اصلا اعتقد ان حضرتك ممكن تركب عربية لانسر مكوة كويسة وممكن ميراج ممتازة او كريستالة فظيعة حالة شاذة وهتوفر كمان من فلوسك كتير اعتقد ان الكرستالة لو ممتازة تكون فى حدود ال 50 الف
انما حضرتك عربية الزيرو بتاعها فى العرض ب 124 حضرتك تشتريها ب 65 ازاى دانا ليا واحد صاحبى بايع 1300 اوتو 2006 بومة وحالتها مش جامدة قوى وفيها رش برة كامل ماعدا السقف والشنطة ب 68

طيب ياباشا يعنى مينفعشى اجيب 1600 مانيوال بس تكون اول فئه فيها abs فى الرينج ده ولو زادت 2000 مش مشكله برضه

المشاركة الأصلية كتبت بواسطة halika76

أعتقد إن مبلغ 65.000 جنية مش هتلاقى بيهم حاجه معقولة غير لانسر بومه 1300cc مانيوال أو أتوماتيك على أعلى تقدير ... والحاله مش هتبقى فابريكا بره وجوه ... ومتستعجلش ودور وهتلاقى بإذن الله ... وربنا يسهل ... تحياتى وألف مبروك مقدماً

الله يبارك فيك ياباشا
بس بصراحه انا مش عاوز اركبها 1300 خالص
علشان انا لو ملاقتش غير 1300 مش هشترى بوما اصلا وهدور على كورى بقى ( الالنترا 2006 مثلا )

المشاركة الأصلية كتبت بواسطة motoxp

صدقنى و الله مببالغ خالص افضل اختيار ليك

النترا 2006 مانيوال 1600 والله تحفه و زى البومه تقريبا والاداء متقارب اوى

وسيبك من حتة الكورى و اليابانى دى خالص دى عقده عندنا كمصريين

اركب وبعدين احكم بس انتا هتتعب عقبال لما تلاقى النترا نضيف اساسا

وممكن تزود ل 68 الف او 69 الف و تجبها اوتو هتريحك اوى برضه


ملحوظة فيه خيارات اخرى ( اوبترا 2006 - ياريس 1300 - جين تو - نيسان صنى - كورولا 2001- هوندا سيفيك 99 ) بالترتيب كده

والله ياباشا انا بحب الالنترا اصلا بس زى ما بتقول صعب انى الاقى حاجه نضيفه منها وخصوصا اصلا ان العربيه قليله خالص فى السوق
بالنسبه للمقترحات ... انا كنت فكرت فى الاوبترا الاول وناس كتير قالولى بلاش انما الباقى قطع غياره هتبقى غاليه

فعلا زي ما قال شباب الخير صعب جدا تلاقي 1600 على السعر ده بس نصيحة من أخ هات مكواة حالة ممتازة واما ترزق بقرشين قليلين خش في البومة لأن بصراحة اللانسر حاجة شديدة جدا ولا الانترا ولاكلام فاضي