المشاركة الأصلية كتبت بواسطة kar!m
هههههه .. لا ما أنا عارف الدماغ دي:biggrin24:
أنا في الكورسا غيرت جوان غطا التاكيهات بتاع 4 مرات و خرطوم زيت الفايظ عشان كل فتره الأقي بخر زيت.
و اشتريت فبرة سير الكاتينة و غطاها عشان كان فيها حته مكسورة لا تزيد عن عقلة الصباع.
و غيرت اللباد اللي جوه الكبود مرتين عشان هبط شويه.
ده غير اني كنت بروح لمليجي أجيب من عنده الكاوتشه اللي بتبقى في الفيش من جوه اللي مبتدخلش تراب .. كنت باخدها من غير فلوس طبعا.
غير اني اشتريت البلاستيكات اللي بتثبت سلوك البوجيهات في غطا التاكيهات (عندك انت عاملهم بشكرتون على فكرة :biggrin24:).
مش عاوز أقولك اني مره خليت السمكري يفك الاكصدام مره بعد ما ركبه عشان ربطه من جوه بمسمار مش نجمه .. خليته يفكه و يركب المسمار الأصلي .. و الراجل كان هيطق مني .. عشان المسمار أصلا مش بيبان.
على فكرة بأه الناس اللي زيي كده بيحسوكوا في الحاجه .. أكتر ناس بتحصل معاهم مصايب :biggrin24: .. ربنا يسترها.