الموضوع: ارجو تقييم وتسعير عربيتي الفيكترا

مش أقل من 50 مقفوله
- انا نزلت السوق مع واحد صاحبي عشان كان عايز يشتري نوبيرا 2
فـ بقيت كل ما اشوف فيكترا اقف ابص عليها كدا

- من الاخر كل العربيات اللي بتسمع فيها اربعينات دي بتبقي اوبل فيكترا تقفيل فلاحي
افتح الكبوت الاقي السلوك كلها ملحومه شيكرتون و خراطيم الردياتير متقفزة بـ كوليهات بلدي
الـ cover بتاع المرايه واخد مسامير شك !!!!!!
فتحات التكييف في التابلوة مكسورة
وحاجات كتييييير......... الله اعلم بقي لو سوقت العربيه تلاقي فيها ايه تاني :S
والمشكله انك تلاقي حد يقولك الفيكترا دلوقتي عامله اربعينات .. طيب انزل شوف حالتها ايه اللي ب اربعينات دي .. يبقي ليه التعميم بقي...
رايحه بينا علي فين يا فيكترا
.....
بس انت هتبيعها ليه ؟ عربيتك فيها اوبشن حلو وهي احسن عربيه بالسعر دا
لو بيعت لازم تكمل عليهم كتيير عشان تركب عربيه محترمة

انا متفق مع كلام ا.عمرو جمال ان الناس لما بتقول هى سعرها فى السوق كده فى الاربعينات طب ما ينزل يشوف الاربعينات دى حالة العربية عاملة ايه انا كل ما اشوف عربية من دول اللى باربعينات اطمن ان عربيتى تساوى خمسينات والحمد لله وياريت صاحب العربية يطلب سعر اعلى شوية ويمسك فيه وميسمعش لكلام السوق وان شاء الله ربنا هيكرمك في بيعها

المشاركة الأصلية كتبت بواسطة maam

ماظنش تقفل الخمسين بسبب العداد حوالي 317 الف كيلوا تقريبا
كلام الأخ walidtony منطقى نوعا ما ، ولولا انها مواصفات أوربي كانت ممكن توصل لـ 43 الف

العربية حالة مش عداد. العداد بيتلعب فيه وبيتغير بواحد جديد استيراد بس بتاع الفبريكة يدل على اخلاق صاحبها.لانه سايبها وملعبش فى العداد.
لو العربية سليمة فعلا دواخل والماتور والفتيس سليم اقل سعر 47000 واعلى سعر 50000 الف.
اللى ب43000 دى اتلعب فيها لعب السنين.

أنا برضه شايف 50 ألف سعر كويس.

بالحالة الموصوفة دي
50000 مستريح