ياريت حد يساعدني يا جماعه و بالنسبه لقطع الغيار ايه نظامه؟؟
عرض للطباعة
ياريت حد يساعدني يا جماعه و بالنسبه لقطع الغيار ايه نظامه؟؟
متابع للاهتمام
انا اخترت اللوجان حيث انها امكانيتها اكبر وفرنساوي تقفيل مغربي وعالية علي الارض
الف شكر يا كبير ...بس قطع غيارها موجوده وبتمن معقول ولا ايه؟؟
متابع
...........................
انا مفكرتش كتير و حجزت لوجان اوتو و منتظر استلم بكرة ان شاء الله من الطارق اسكندرية بس يصدق المرة ديه و يسلمني علطول
يا باشا ودي عاوزة سؤال بردو
الإجابة :
اصحاب الفيرنا ح يقولوك هات فيرنا
واصحاب اللوجان ح يقولوك اللوجان افضل
ههههههههههههههه
...
انت خش قسم اللوجان شوف ايه مشاكلها
وروح الهيونداي واعرف بردو مشاكلها
واسخير الله
...
انا رأيي الشخصي لو مش غاوي شد وسرعات وحركات الفيرنا تبقى مناسبة
مزاياها
اعطال قليلة
قطع غيار واكسسوارات رخيصة ومتوفرة خصوصا بعد ما بقت تاكسي وانتشرت بغزارة
تكييف تلاجة
موتور قوي جدا
بتتصلح عند بتاع الترمس او المكوجي بسهولة
....
الاتزان مش ممتاز لكن لو ركبت جنوط 14 سبور ح تتحسن كتير
التقفيل المصري اكيد له بعض العيوب وكذلك الخامات
لكن على قد فئتها وسعرها .... زي الفل
الاوتو منها بتنول جنط 14 شغالة تمام
سعر وسرعة اعادة بيعها احسن من اللوجان بشكل واضح ...
....
اللوجان ماعرفش عنها حاجة صراحة ممكن اصحابها يفيدوك
بالتوفيق
شكرا يا كبير
انا لا معايا فيرنا ولا لوجان
هات فيرنا طبعا
هو لسة فى حد بيسال السوال دا
المقارنة محسومة من 2009 يا باشا
اللوجان واتوكل على الله
وهكتبلك ردى القديم
ألكلام النهائي فى
رينو لوجان
اوربي ( فرنسي - رومانى ) تقفيل المغرب
اهم المميزات
اهم واحدة >> عالية عن الارض بطريقة فظيعه مش هتحك مع اى مطب حتى لو محمل 6 فيها والشنطة مالينة على الاخر
مصفحة من تحت كمان عند حوض الماتور ودا مش موجود فى فئتها
من ضمن العربيات القليلة اللى تحت الـ 100 الف نازلة بكاوتشات 15
العربية الوحيدة اللى شفتها لحد دلوقتى المرايات بتعتها دينميكية مش بتكسر بتروح مع الخبطة وترجع تانى
عفشة نعمه مالهاش زى
انعم دبرياج هتشوفه فى حياتك
كمبيوتر رحلات ( معرفة استهلاك البنزين ومدة الرحلة وكم البنزين المتبقى .......الخ ) ومش موجود فى عربيات لحد الـ 120 الف
اير باج
مستوى امان 3 نجوم
اوسع شنطة 510 لتر
امان تام على السرعات العالية ودا بتجربة بنفسي على الـ 180 وبغرز وكنا 6 فى العربية والموضوع بالتوقيع
موفرة فى البنزين بسبب ان الماتور 8 صباب ( يفضل بنزين 92)
اوسع صالون فى فئتها واوسع تانك بنزين اكتر من (60 لتر بالاحتياطى )
صاج اللوجان صاج قوى والاقوى برضوا فى فئتها
طبعا فى اوبشنز تانية يختلف على حسب اذا كنت هتجيب هاف او فول اوبشنز
ألصيانة الدورية مع التوكيل كل 5000 كيلو مرة مجانا ومرة بفلوس ودا هيخليك ما تفتحتش كبوت العربية حتى 100 الف كيلو *
العيوب ( ومش هنسميهاعيوب ) هنسيمها حركات غلسة بس هتتعود عليها
الكلاكس فى درع الاشارة
زارير الازاز فى التابلوة
ازاز الشباك اللى وراؤ بيفتح لحد التلت ودا علشان الامان للاطفال علشان هى سيارة عائلية
تنك البنزين والشنطة بمفتاح
ترجيع الكراسي بتقعد تلف البكرة
صوت الماتور عالى سنة
الباور تقيل شوية ودا لثبات العربية على السرعات العالية
رعشة بسيطة ببعض الموديلات فى دواسة البنزين اول لما تستلم السيارة وبتختفى لوحدها بعد تليين السيارة اول 5000 كيلو
مسالة قطع الغيار
* قطع الغيار بدات فى الانتشار الفانوس الامامى ب 200 جنية والخلفى ب 150
وجوز المقصات ب 400 جنية وبكدة مسالة تفاضل الانوس بسبب قطع الغيار اصبح مالهاش لزمة
ثمن الفول اوبشنز 70 الف جنية
وتمنها برة تمنها الاصلى 7500 يورو
يعنى انت دافع تمن بالضبط + شوية مصاريف ( تقدر تقول خدمة الشحن ) لان مالهاش جمارك
ودا المصدر
Dacia Logan : Informatii Dacia Logan
نوع العربية
Preference 1.6 MPI 90 CP
بعشقها عشق لولو حبيبتى
وبس يا سيدى وان شاء الله ربنا يوفقك فى اختيار العربية المناسبة لك
-----------------
العربية انتاج شركة داتشيا - رومانيا ( الام ) تم التعديل الشكل الجديد بواسطة شركة رينو الفرنسية
تقرير مفصل عن العربية بالشرح والصور بواسطة الاستاذ نادر نبيل
http://www.nilemotors.net/Nile/90472-2010.html
بتنزل على 5 ماركات فى كل انحاء العالم
فى اسيا وافريقيا والشرق الاوسط Renault Logan وروسيا
فى رومانيا والبرزيل وامريكا الجنوبية Dacia Logan
فى الهند Mahindra Renault Logan
فى اليابان Nissan Aprio
Tondar 90 فى مناطق بدول العالم
دى فيدوهات ليا بالعربية
Logan 180 km/h with 6 Passenger [1] - YouTube
180 و 6 راكب
وغرز بيها على الطريق الصحرواى - مصر اسكندرية
ودا لما عديت الـ 180
Logan 180 km/h with 6 Passenger [2] - YouTube
واتفضل اسال فى اى وقت
ودا قسم اللوجان بالمنتدى
قسم خاص بالسيارة لـــوجـــــان - نايل موتورز - NileMotors.net
الصراحة بعد رد ايمن
انا اقتنعت ب اللوجان ونفسي اشوف تقرير للاتو الجديد موتور 16 صباب لاني مهتم بيه
كقطع غيار فأكيد الفيرنا هتبقا ارخص لأنها فى السوق من قبل اللوجان وشغالة تاكسى كمان .. لكن قطع غيار اللوجان لو من بره التوكيل بتكون معقولة
كثبات اللوجان افضل بكتير .. الفيرنا بتبقا مراجيح من بعد ال 140
بالنسبة لداخل البلد والمطبات فاللوجان افضل لأرتفاعها وهتاخد اجدعها مطب من غير ما تحك منك عكس الفيرنا تماما