اشكر لحضراتكم المشاركه
بس انا شايف ان اول حاجه الناس لازم تحس بيها هى بعض الاخبار الايجابيه يعنى لازم تخاطب الشعب نفسيا اولا ومش تضحك عليه ولازم يكون فيه هدف وهويه
احنا ولا عندنا هدف ولا عارفين عايزين نبقى ايه ولا عندنا هويه وبقينا بنقلد اى حد عمال على بطال
البلد محتاجه جراح..الموضوع كبير قوى
هتلر لما كان فيه بطاله فى المانيا واروربا وانهيار اقتصادى شغل العاطلين فى انشاء الطرق عشان كده المانيا عندها واحده من اكبر شبكات الطرق فى العالم.
لازم نجمع كل الاراء والحلول من كل المستويات والاعمار عن مشاكل مصر وممكن جدا تلاقى الحلول مش فى الكتب وتلاقيها على الرصيف عند واحد بيعيش المشكله يوميا
اتفق تمام فى تطبيق القانون على الكبير والصغير والموضوع مع الوقت بيبقى ثقافه بس عشان تتطبق قانون لازم تعمل اللى ميخليش الناس تخالف القانون وعلى سبيل المثال الوقوف فى الممنوع عشان تطبق المخالفه لازم يكون فى اماكن انتظار كافيه والسائق ملتزمش حتى لو بفلوس
لازم الناس تغيير ثقافتها يعنى ايه المشكله اننا نبتدى نستخدم العجل زى زمان بالعكس ده قمة التحضر
يا خرابى على اللخبطه الواحد مش عارف يبتدى منين والموضوع محتاج خطه وتفكير
وللحديث بقيه