مطلوب شرح بالصور لعلبة فيوزات ابيزا 98 والتعريف بوظيفة كل فيوز والكتاوت

**Ebrahim Osman** · 11-11-2012 01:47 AM

انهاردة انا نزلت الحرفين وكنت ابحث عن علبة فيوزات لابيزا 98 علشان العلبة اللى عندى على وشك انها تودع
لفيت وسألت فى محلات كتير ووجد ان سعرها المجمع عليه الجميع حوالى 100 ج
ممكن تلاقيها بالفيش بتاعت الدفيرة راكبة فيها وممكن تلاقيها بفيوز واحد
المهم كل اللى انا شوفتهم لاقيتهم متوسطى الحالة
لكن بعد بحث الحمد لله ربنا وفقنى ولقيت علبة فيوزات بالفيوزات والكتاوت الاصلية بتاعتها
المهم سالت الراجل عاوز كام
قالى 250 جنيه
بعد فصال وكلام كتير خاصة انى واخد من عمده حاجات تانيه (خرطوم بور + ماتور مساحات بالشاسية بتاعة)
وافق على 200 جنيه بالعفيه
انا استغلتها قام قاعد معايا يحسب تمن كل فيوز اصلى وكتاوت
وقبل ما اخدها سالت فى محل تانى قالى السعر مناسب
وتوكلت على الله واخدت الحاجة من عنده
بس اللى انا مستغرب له ان العربية عندى ماشية وعلبة الفيوزات عندى مفيهاش غير 2 كتاوت فقط
؟
؟
؟
وبسبب اللى انا قولته ده حاولت انى اعمل بحث على النت عن شرح لعلبة الفيوزات والكتاوت ووظيفة كل منهم ولم اوفق ايه

قولت اسأل عملاقة المنتدى يمكن يدلونى عليه ويشرحوها حتى لو مش موجود

واهو تكون الفائدة عامة على الجميع
واهمية هذا الموضوع ايه
ان الواحد يبقى عارف كل فيوز وكتاوت بتاع ايه
ولو حصل مشكلة فى الحاجة دى يقدر يحدد سبب المشكلة

على فكرة لن تقبل اعذار ولن يقبل عدم الرد

المنتدى ده فيه ناس جامدة ومتخصصة

وكلنا عاوزين منهم الرد

وبارك الله للقائمين على المنتدى هذا
وزادهم الله علماً

**sala7** · 11-11-2012 08:46 AM

اتفضل يا باشا طلبك
و مش محتاج شرح .. واضح جدا الصورة مترقمة و كل رقم له الدلالة بنفس الرقم
[/IMG]

و ده الرابط بتعها لو الصورة ما ظهرشت .....
fuse box layout.jpg - 4shared.com - photo sharing - download image

**SYD** · 11-11-2012 09:49 AM

شوف اللينك دة كمان

http://www.nilemotors.net/Nile/27471...post3874144267

والله المستعان
،
،

**SYD** · 11-11-2012 09:53 AM

سبب عدم تواجد فيوزات وكتاوت عند حضرتك او تواجدها في عربية اخري - هو وجود كماليات من عدمها
لكل فيوز وكتاوت جزء بيشغله - ولكل اوبشن فيوز
ابسط ما فيها هتلاقي كتاوت لطرمبة البنزين وكتاوت للمساحات والمفروض كتاوت للنور وكتاوت للكلاكس
ممكن يكون عندك كتاوت في حوض العربية للكلاكس والنور - لأن معظم الكهربائية بيعملوا كتاوت خارجي
يمكن لجهل منهم او يمكن لعك في الضفيرة عند حضرتك وقطع في الخطوط او قفلات فأضطر الكهربائي لألغاء كتاوت وتركيبها في الحوض

ياريت تراجع علي الضفيرة قبل تركيب علبة الفيوزات
والف مبروك العلبة الجديدة

تحياتي
والله المستعان
،
،

**ehab_mansour** · 11-11-2012 10:52 AM

المشاركة الأصلية كتبت بواسطة sala7

اتفضل يا باشا طلبك
و مش محتاج شرح .. واضح جدا الصورة مترقمة و كل رقم له الدلالة بنفس الرقم

[/IMG]

و ده الرابط بتعها لو الصورة ما ظهرشت .....
fuse box layout.jpg - 4shared.com - photo sharing - download image

الله ينور يا ابو صلاح و دي صورتك

**ehab_mansour** · 11-11-2012 10:58 AM

شوف يا عزيزي الفيوز بوكس حضرتك هتفك اللي عندك من الفيش من ضهره لأنك هتلاقي بتاع 15 الي 20 فيشة تقريبا و هتركب الجديد و شكرا علي كده و بعدين تسيب الكتاوت اللي زي اللي في علبتك القديمة و تشيل الباقي لأنه مالهوش لازمه

و بالفعل كما قال ابو السيد ان عدد الكتاوتات اللي راكب عليها يناسب الكماليات اللي موجوده عندك ده طبعا بغض النظر عن المكونات الأساسية زي كتاوت طلمبة البنزين + كتاوت الفلاشر و الانتظار + كتاوت المساحات

و بالتوفيق يا صديقي و طبعا صلاح بيك رفعلك صورة بتوضح كل شيء ولو عايز صور اخري قول و انا اجيبلك الصور كتييييييييير متقلقش

**SYD** · 11-11-2012 07:22 PM

المشاركة الأصلية كتبت بواسطة Ebrahim Osman

والله انا مش عارف اقول ليكم ايه بجد اساتذه
وبالنسبة للكمليات
فالحمد لله السيارة مفيهاش من الكمليات غير التكيف
بس هناك مشكلة ممكن يكون السبب فيها هو الكتاوت
عوامة البنزين اللمبة الخاصة بيها منورة علطول فهل من الممكن ان يكون ده من الكتاوت
وياترى هو رقمه كام ومكانه فين
متشكر جداً لحضراتكم
وجزاكم الله خير

لا طبعا يا باشا
الكتاوت لو قاطعة، الطرمبة مش هتشتغل
ودة مخطط علبة الفيوزات للأبيزا 98 موضح فيها فيوز وكتاوت طرمبة البنزين
ولو محتاج اي توضيح لأي جزء قولي وانا عنيا ليك

اما عن اللمبة اللي علي طوول منورة فدة اما عيب من العوامة او اوساخ في التانك معلقة الدراع

تحياتي

**ehab_mansour** · 11-11-2012 08:30 PM

هو فيه حاجه اسمها لمبة العوامة ؟؟؟؟
اللي اعرفه ان فيه لمبة نهاية التانك اللي بتنور لما مستوي البنزين بيصل للاحتياطي

علي العموم لو هي دي يبقي الحل تراجع الأول علي فيشة العوامة لأن محتمل تكون مفصولة من عند طلمبة البنزين و لو متركبه يبقي العوامة بايظة و محتاجه تتغير

**SYD** · 11-11-2012 09:05 PM

المشاركة الأصلية كتبت بواسطة ehab_mansour

هو فيه حاجه اسمها لمبة العوامة ؟؟؟؟
اللي اعرفه ان فيه لمبة نهاية التانك اللي بتنور لما مستوي البنزين بيصل للاحتياطي

علي العموم لو هي دي يبقي الحل تراجع الأول علي فيشة العوامة لأن محتمل تكون مفصولة من عند طلمبة البنزين و لو متركبه يبقي العوامة بايظة و محتاجه تتغير

تمام كدة يا باشا
فيشة الطرمبة بتبقي علي اربع اطراف - 2 للطرمبة و2 للعوامة والمؤشر
بس لو الفيشة فصلت هتفصل معاها الطرمبة
ممكن يكون احد الأسلاك مش واصل او عاملة لووز lose

تحياتي

الموضوع: مطلوب شرح بالصور لعلبة فيوزات ابيزا 98 والتعريف بوظيفة كل فيوز والكتاوت

LinkBack

أدوات الموضوع

عرض

-

-

-

-

-

-

-

-

المواضيع المتشابهه

الكلاكس والكتاوت

أرقام فيوزات ابيزا 2000-2002 أرجو التثبيت

فيوزات ابيزا 1994

اللى قدامة ابيزا 93 او اقل للبيع (مطلوب ابيزا)

سيارة ابيزا 98 للبيع بالصور...

الكلمات الدلالية لهذا الموضوع

المفضلات

المفضلات

ضوابط المشاركة