الموضوع: دخلت في عربية وعايز اعرف مين اللي غلطان

المشاركة الأصلية كتبت بواسطة beshomilan

انا شايف انه الغلطان طبعا لانه جاى بعدك والمفروض ميلفش معاك وانت بتلف وينتظر لحد ماعربيتك كلها تعدى من قدامه ويخرج وراك
ده الصح اللى بنعمله كل يوم
الاولويه لاسبقية العبور سواء على الواسع لانه كده كده هيكسر على الضيق
او على الضيق

ده كان كلامي معاه بس قالي انا واقف في حارتي وانت اللي كسرت علي
لكن فكرة انه واقف في حارته دي لما اكون انا دخلت قبله وكنت شايفه
فلو كسرت عليه تبقى قلة ذوق مني واستاهل اللي يحصلي
لكن يخليني باصص يميني والاقيه واقف فجأة على شمالي صعبه اوي دي اخد بالي منها

المشاركة الأصلية كتبت بواسطة m_adeleid

يا فندم مهو دخلتك للملف لوحدك المفروض تكون بالظبط زي دخلتك و معاك عربيات
والدليل انك مبقتش لوحدك اهو
انت كنت لوحدك 3 ثواني او اقل
ولو بنفس مبدأ لوحدك ده يبقي بالليل متأخر اتجاوز عادي لاني لوحدي
الخلاصه
اليو تيرن ليه اسلوب للدخول والخروج منه زي الميدان بالظبط(الصينيه) وطبعا لايعلم قوانينهم اي مصري
علشان كده حضرتك مش شايف نفسك غلطان

لو هطبق فكرة الميدان يعني امشي في نص دايرة حضرتك حاول ترسم النص دائرة دي
في الرسمة اللي انا عاملها هتلاقي ان نهاية الدائرة كده في نص الشارع !!!
ممكن التزم بموضوع الميدان ده وامشي في اليوترن زي ما بتقول بأسلوب معين
او يقوانين غير معروفة للمصريين (طب اسأل مين) :)
بس ده في حالة لو اليوترن معمول صح وفيه رصيف عند نهايته اقدر اتحامى فيه وانا طالع

المشاركة الأصلية كتبت بواسطة mzeid

الحمد لله على كل شئ

و بصراحة الراجل هو اللي غلطان
حتى لو انت غلطان هو غلطان 100 مرة زيادة

لأن حتى لو كنت داخل الملف غلط فهو المفروض يضبط دخلته عليك يعني هو شايفك و انت داخل
و الغير طبيعي ان الشخص يبص في مراية الجنب في ملف

لأن دة مش شارع لو فيه مكان ياخدني هحشر نفسي فيه

ما هو عشان حتة يمكن اكون غلطان دي قولتله ادفعلك نص التكلفة

المشاركة الأصلية كتبت بواسطة usama nagi

اللي اعرفه انه ممنوع التجاوز في الملفات
المفروض اللي دخل اليوترن الأول يخلص و التاني بعديه مش يحشر نفسه في اليوترن

انا بعمل كده بستني اللي بيلف يخلص و الف وراه الا لو اليوترن في حته زحمه و ممكن نلف جمب بعض

الله ينور عليك ممكن نلف جنب بعض او يلف هو قبلي وفي الحالتين برضه الافضلية لليمين انه يعدي
بس على الاقل لو هكسر عليه ساعتها هبقى المفروض كنت شايفه ويبقى اسمها انا اللي كبست عليه

فعلا زاى ما الاخوة قالو ليك حضرتك الى غلطان بنسبة اكتر من 75 %
عشان حضرتك خد الملف على الوسع دة اول غلط
تانى غلط انك حبيت ترجع لخط سيرك فى الشمال من غير حتى ما تبوص
على العموم الحمد لله انها جت على قد كدة