دخلت في عربية وعايز اعرف مين اللي غلطان

**aif** · 11-11-2012 01:15 PM

الغلط مش مطلق
انت غلطان 40 % لأنك ركزت انتباهك في اليمين اللي جاي فقط
ولأنك وسعت دائرة اللف
واللي يشفعلك انك مركز على الطريق الرئيسي
وهو غلطان 60% لأنه شايفك وانت بتلف وبرغم كدة كبس على شمالك المفروض ينتظر لما تكمل اللف
الحمد لله انها بسيطة ومفيش اصابات وفداك 100 عربية

**semi** · 11-11-2012 05:50 PM

المشاركة الأصلية كتبت بواسطة aif

الغلط مش مطلق
انت غلطان 40 % لأنك ركزت انتباهك في اليمين اللي جاي فقط
ولأنك وسعت دائرة اللف
واللي يشفعلك انك مركز على الطريق الرئيسي
وهو غلطان 60% لأنه شايفك وانت بتلف وبرغم كدة كبس على شمالك المفروض ينتظر لما تكمل اللف
الحمد لله انها بسيطة ومفيش اصابات وفداك 100 عربية

انا بميل لرأيك فعلا
بس مسألة التركيز ناحية اليمين صدقني جربها انت هتلاقي نفسك مش بتحسب خالص الشمال
المفروض هو مش يكبس كد ه ويجي يلزق جنبي او على الاقل ينبهني اقل شئ
بس مسألة خدت الملف على الواسع ايوه يمكن اكون غلطت لما عملت كده
وعشان كده قولتله كل واحد يصلح عربيته لانك مشترك معايا في الخطأ
الحمد لله في النهاية انا عملت اللي يرضي ضميري وقولتله هتحمل معاك نصف التكلفة
وكده انا اتحملت على نفسي عشان اضمن اني مش ظلمته
انما لو هو كده ظلمني الله يسامحه بقى

**Ashraf_Ibrahim** · 11-11-2012 06:03 PM

دا خطا مشترك يا عزيزي بنسبة 60% عليك و 40% عليه

**mahmoud_afifi** · 11-11-2012 06:17 PM

مع احترامي للاراء السابقه جميعا, حضرتك اه اخطأت في اللفه على الواسع بس في نفس الوقت حضرتك مش الخطأ في الحادثه دي. هو الغلطان لأنه شايفك ومع ذلك مصمم انه يعدي منك خاصة لو ان معدل اخد اللفه بتاعك ثابت مش كسرت عليه مره واحده ساعتها يبقى حضرتك الي غلطان بنسبة برضه مش خطأ مطلق.

**m_adeleid** · 11-11-2012 08:30 PM

[QUOTE=semi;3874628576]
لو هطبق فكرة الميدان يعني امشي في نص دايرة حضرتك حاول ترسم النص دائرة دي
في الرسمة اللي انا عاملها هتلاقي ان نهاية الدائرة كده في نص الشارع !!!
ممكن التزم بموضوع الميدان ده وامشي في اليوترن زي ما بتقول بأسلوب معين
او يقوانين غير معروفة للمصريين (طب اسأل مين) :)
بس ده في حالة لو اليوترن معمول صح وفيه رصيف عند نهايته اقدر اتحامى فيه وانا طالع

لا حضرتك مفهمتش قصدي في موضوع الميدان
دا كان تشبيه بأننا كلنا لا نعلم قواعد اولويه المرور وانت داخل او خارج من ميدان
وبرضو اليوتيرن و مواقف كتير من اللي بتحصل في حياتنا اليوميه في السواقه
مش قصدي انك تلف علي شكل نص دايره لا طبعا
حتلاقي نفسك في نص الشارع زي منت قلت
هههههه
وبصراحه معاك حق في موضوع تسأل مين ده
لانك نادر انك تلاقي حد عارف قوانين اولويه المرور في كل المواقف
وعلشان كده رخصه القياده في اي دوله عدا مصر بتكون صعبه وبتاخد مده طويله
مش علشان انت تتعلم السواقه
لا طبعا
علشان تتعلم قواعد المرور

**MARTINDALE** · 11-11-2012 11:16 PM

انت الغلطان لان اللي بياخد ملف بيلف من الحاره الضيقه وطالما خدت الواسعه يبقى انت مكمل في طريقك ومش هتاخد الملف . حاجه تانيه انت تعتبر غيرت حارتك جوا الملف من الواسع للضيق .

**Mamoud salah H** · 12-11-2012 12:55 AM

باشا انت الغلطان وتتحمل المسئولية كاملة لانك معني انك تاخد اليوتر واسع دة عشان ياما تستني الطريق يفطي عشان تروح اقصي اليمين فا مينفعش تكسر الطريق علي الجاي من الشمال هو اخد اقصي الشمال عشان هيكمل مع الطريق في الحارة الشمال انما حضرتك كدة قفلت عليه طريقة+انك مبصتش في المرايا الي جنبك ودة غلط تتحمله انت مش هو وعمتا المفروض اليونيرن تاخده علي اقصي الشمال ((ضيق)) انما الواسع دة عشان لو مقطورة ولا اوتوبيس مش عشان الملاكي والحمد لله علي كل شيء