الموضوع: دخلت في عربية وعايز اعرف مين اللي غلطان

الحمد الله انكم بخير
اما مين الغلطان فراي ان دي امر طبيعي وبيحصل كل يوم فاي ملف كده بس الي واخد الملف علي الواسع
فراي هو الي بيعدي الاول وانت مش ذنبك انك بتشوف الطريق الاهم وهو السريع
وهو مكنش المفروض يكبس علي الاخر وكأنه هو الي هيعدي الاول مش حضرتك
بس بردوا يعتبر مش من عندكم المشكلة يمكن تركيز كل منكم فاتجاه
مع ملاحظة ان هو الي جي خلفك يعني هو الي ياخد باله اكتر منك علشان لو انت غلت يعدل
مش العكس وكان الافضل انه ينتظر مرورك اولا
وربنا يعوضك ويعوضه خير وتكونوا مسامحين بعض
تحياتي ..

الحمد لله الموضوع بسيط وربنا يعوض عليكم

الصراحة مش عارف مين اللي غلطان...لكن طالما انك اخدتها على واسع تحدف شمال ليه؟ انت كده دخلت على

طريق غيرك ...والله اعلم

المشاركة الأصلية كتبت بواسطة s o p h o s

الحمد الله انكم بخير
اما مين الغلطان فراي ان دي امر طبيعي وبيحصل كل يوم فاي ملف كده بس الي واخد الملف علي الواسع
فراي هو الي بيعدي الاول وانت مش ذنبك انك بتشوف الطريق الاهم وهو السريع
وهو مكنش المفروض يكبس علي الاخر وكأنه هو الي هيعدي الاول مش حضرتك
بس بردوا يعتبر مش من عندكم المشكلة يمكن تركيز كل منكم فاتجاه
مع ملاحظة ان هو الي جي خلفك يعني هو الي ياخد باله اكتر منك علشان لو انت غلت يعدل
مش العكس وكان الافضل انه ينتظر مرورك اولا
وربنا يعوضك ويعوضه خير وتكونوا مسامحين بعض
تحياتي ..

اشكرك على الرد والاهتمام
وده كان كلامي معاه وقولتله نفس الكلمة كده المفروض مكنتش تكبس كده
ولو عملت كده على الاقل تنبهني خصوصا ان المكان ده كان مفيش فيه نور تماماً
بس كان مصر جدا على موقفه وانا خوفت اظلمه فقولت اجي على نفسي عشان ابقى ضامن اني مش ظلمته

المشاركة الأصلية كتبت بواسطة ali_333

الحمد لله الموضوع بسيط وربنا يعوض عليكم

الصراحة مش عارف مين اللي غلطان...لكن طالما انك اخدتها على واسع تحدف شمال ليه؟ انت كده دخلت على

طريق غيرك ...والله اعلم

عايز احدف شمال عشان اخد اول حارة في الطريق لانه كان سريع
ووجهة نظري انه كان المفروض يبقى بعيد عني ويسبني اعدي الاول
مش يجي يلزق جنبي وانا تركيزي كله يمين وبعدين يقولي خبطني

المشاركة الأصلية كتبت بواسطة dr.hazem

لو الصورة زي محضرتك راسم يبقى حضرتك غلطان فعلا لانح داخل الملف غلط اصلا
اليوتيرن مبيتاخدش غير من اول خانه واي خانة تانيه هي غلط 100% وبالتالي الأولوية ليه هوا مش لحضرتك...
وطبعا سبب ان الأولوية للي في اول خانه فقط لانه اكيد ساعتها انك مش هتشوف شمالك ولما يبقى شمالك الرصيف اللي انت لافف حواليه هتبقى متأكد ومطمن من ان محدش هيخبطك وتركيزك كله هيبقى فعلا للي جاي من المقابل...
بس برضو هو كان ممكن يتجنب اللي حصل ويسيبك تعدي لكن هو محبش انك تيجي من جنبه وتطلع قبله...
انا عن نفسي احط عليك نسبة خطا 85% وعليه 15%...
تحياتي

sent from my lt18i using forum runner

حضرتك فهمت الموضوع غلط او مش قرأت شرحي للي حصل كويس
انا داخل في الملف الاول ولوحدي وعشان كده خده على الواسع عشان اوسع لنفسي واعرف
اعدي من العربيات اللي جايه سريع ومش اطلع لنص الشارع
وبعد ما دخلت هو جه وقف جنبي
انما حضرتك بتقول انه دخل قبلي وبعدين انا دخلت وكنت شايفه واقف قمت كسرت عليه عشان اعدي قبله
وده محصلش ولو كنت عملت كده يبقى انا اللي غلطان وحمار كمان مش بعرف اسوق

انا شايف انه الغلطان طبعا لانه جاى بعدك والمفروض ميلفش معاك وانت بتلف وينتظر لحد ماعربيتك كلها تعدى من قدامه ويخرج وراك
ده الصح اللى بنعمله كل يوم
الاولويه لاسبقية العبور سواء على الواسع لانه كده كده هيكسر على الضيق
او على الضيق

يا فندم مهو دخلتك للملف لوحدك المفروض تكون بالظبط زي دخلتك و معاك عربيات
والدليل انك مبقتش لوحدك اهو
انت كنت لوحدك 3 ثواني او اقل
ولو بنفس مبدأ لوحدك ده يبقي بالليل متأخر اتجاوز عادي لاني لوحدي
الخلاصه
اليو تيرن ليه اسلوب للدخول والخروج منه زي الميدان بالظبط(الصينيه) وطبعا لايعلم قوانينهم اي مصري
علشان كده حضرتك مش شايف نفسك غلطان