الموضوع: مشكلة العربية شكلها جابت جوان

والله يا رجالة انا تعبت من الكلام دا كل شوية حاجة تحصل فى العربية الحمد لله على كل شى وانزل اصلحها بس تعبت

قرف كل شوية عند صنايعية وصرفت عليها اكتر من تمنها وفى الاخر ظبطت كل حاجة الماكنة وعمرة

لحد قبل العيد بشهر نزلت عند بنزينة مصر وقلت لراجل عايز اغير زيت ربنا ينتقم منه راح جابلى زيت الف على انه تلات الاف ومشيت بالعربية 3 الاف كيلو

وجاى اكشف على الزيت لقيته ناشف وعملت موضوع بكدة وغيرته جاى اشوفه النهاردة لقيته السيخ ناشف

ابص على المياه غرقانة زيت ومفيش تسريب دا يبقى اية بالظبط وتكلفته كام ؟؟؟؟؟؟؟؟؟؟

وحصل موقف تانى واحد قريبى اخد منى العربية وشطبت منه بنزين وانا جاى اخدها منه بتدور وتبطل وتنتش وتكركر دا علشان البنزين خلص

طيب لو هو مشى والبنزين خلصان دا ليه تاثير على الرشاشات او اى حاجة تانى انا مش حمل اى مصاريف تانى دا لسة قبل مسافر سارفة 3 الاف على الميكانيكا بس

ولسه واخد 3 الاف اجيب بيهم كامليات وحاجات ناقصة يا ريت المساعدة يا رجالة فى المشكلتين

الوالى تسريب الزيت على المياه تحديد المشكلة وتكلفتها بالمصنعية .

والتانية لو مشى بالبنزين مشطب ليه تاثير على اية ويا ترى دا تاثيره ان العربية تبطل ومترداش تمشى وتتكركر

المشاركة الأصلية كتبت بواسطة alynubira

الاولى للاسف جوان وش سلندر
التانيه ممكن جرب stp او اى منظف وشوف

الحمد لله ع كل شى انا فولت 92 والعربية تمام وزوتلها زيت والنهاردة باذن الله نازل اعملها جوان

المشاركة الأصلية كتبت بواسطة khaled lanos

ربنا يعينك والله ياباشا الحال من بعضه..أنا من ساعت ماشتريت العربية لحد دلوقتي صارف عليها فوق الــ 7000 جنيه وكل يوم بتطلع بمشكله جديدة..أنا حاسس بيك والله..

بالنسبة للمشكلة الأولى للأسف دا جوان وش سلندر بس تغييره بسيط ان شاء الله مش مشكلة.

المشكلة التانية مش عارف بصراحة ممكن تكون بوجيهات مثلا..

عموما نستنى رد الأعضاء.

يا باشا انا من ساعه ما اشتريت العربية وانا صارف عليها تمنها :d الحمد لله الجوان امره سهل
المشكلة التانية شطبت بنزين وماشية كويس دلوقت

المشاركة الأصلية كتبت بواسطة mmamdouh

جوان وش سلندر... واضح ان العربية سخنت و ممكن يكون الوش قفع

mmamdouh

ممكن يا باشا يكون فقع انما سخنت ماعتقدش لانى مراقبها كويس

المشاركة الأصلية كتبت بواسطة abo rodina

هو أكيد جوان وش سلندر
بس ياباشا ماينفعش تمشي بالعربية 3000كم وماتبصش علي الزيت كل فترة

يا باشا انا مشيت بيها بالظبط 2800 كيلو

2500 قبل مسافر سبتها شهر واول مرجعت طبعا كشفت على الزيت كان تمام ولزوجته تمام وكامل
مشيت بيها اسبوع 250 كيلو تقريبا وبكشف عليه بالصدفة لقيته ناشف وحصلت المشكلة

عموما الحمد لله على كل شى وشكرا ليكوا جداااا ولتعبكوا جزاكوا الله كل خير