صوت غيرب مع دوسة البنزين

**DESIGNER105** · 11-11-2012 10:19 AM

السلام عليكم ....
يا جماعه عندى مشكله ويأست من حلها قولت اشوف هنا يمكن حد يكون عندو الحل

البداية فجأه كده بقيت اسمع صورت (كركره حادة ) لما بدوس على دواسة البنزين ..صوت كده زى ميكون بليه حديد صغيره فى علبه كانزل ....والصوت ده بيجى بس مع دوسة البنزين وانا ماشى ..يعنى وانا ممور مفيش ...لازم وانا ماشى ..والصوت جى من تحت رجلى

روحت للميكانيكى ورفعنا العربيه قالى مفيش حاجه من تحت ...وجربنا ندول العربيه وهى مرفوعة وجبت اول وتانى وتالت يعنى اكنى ماشى بالزبط المفرض الصوت يجى .؟؟ مجاش مفيش صوت خالص

قام الميكينى قاللى بنزين ؟؟ البنزين وحش ...طيب لو بنزين يبقى هسمع الصوت لما ادوس بنزين وانا ممور ؟؟؟ مش كده ولا ايه

المهم كنت انا حاطط 92 خلصتو حطيت 95 بردو مفيش فيده نفس الصوت ....خلصتو وحطيت منظف رشاشات و95 تانى .....نفس الصوت ....مع ان السحب كويس وصوت الماتور كويس

روحت لمركز خدمة تانى كويس وعندهم جهاز كشف اعطال وكده

حطينا العربيه على الجهاز ..مفيش حاجه كلو تمام ..والبوجيهات تمام ...كشف على كبس الماتور تما لقينا سلندر من الاربعه مدى 10 فى جهاز الكابس و اتنين 20 وواحد 15 ...بس قالو ده ملوش علاقه بالصوت ده؟؟
المهم المهندس الى هنا قال ده بنزيين ...يا جماعه انا مفول 3 مرات 95 وحاطط منظف رشاشات ؟؟ قالو يبقى التانك فى حاجه ...

ومش عيب كاتينه ولا تقسيمه ولا حاجه
والعربيه مفهاش اسبراتير عشان ياخر ويقدم كهربه الماتور

طيب والحل ؟؟ قالاو نفك التانك وننضفو بس ده هياخد وقت ..قوقتلو لو هيحل المشكله خلاص نعملو ......

المهم فكو التنك وطلعو بره العربيه خالص وفضينا البنزين واتغسل واتنضف ....وقالولى بقه ركب فلتر بنزين جديد عشان كلو يبقى نضيف فى نضيف ...وكان انا كنت حاطط منظف الرششات يعنى كده سكة البنزين كلها زى الفل ............المهم بعد حوالى 3 سعات التانك كان راكيب ...عيزين بقه شويه بنزين عشان نجرب .....

وطلعت اجرب العربيه نفس الصوت ...ولا كاننا عملنا حاجه ...انا قولت بردو ده مش مشكله بزين ....

طبعا حد يقولى مروحتش ليه التوكيل ؟؟ انا ليا تجربه مش لطيفه مع التوكيل وشغلهم عك بصارحه كده ...هم ملهمش غير فى الصيانه الدوريه تغير زيت فلاتور الحجات دى لكن شغل ميكانيكا وكده انسى

ومع ذالك انا ناوى اروحلهم بردو يمكن يخيبو ظنى ويحلوها ...بس مشكلتى مش عارف افضى يوم بالنهار عشان الشغل....

سحب العربيه كويس مفيش بس غسر الصوت ده .....فى حد قالى ده مانيفولد .؟؟؟؟ .هل ممكن فعلا ؟؟؟

ااكد تانى الصوت زى ميكون رنه كده حاجه بتشغلل زى الشخليله اللبعه بتاعت الاطفال كده ..والصوت طالع من تحت رجلى وبتيجى مع دوسه البنزين بس يعنى وانا ماشى عادى مفسمعهاش حتى لو مطبات او شوراع مكسره مفيش صوت

وبتظهر اكتر مع الغيار التانى والتالت وطبعا الرابع

العربيه جين2 مانوال 2007 115 الف

وشكرا واسف على الاطاله بس كان بحاول اوصل الموضوع

**Motarjim** · 11-11-2012 10:30 AM

خير إن شاء الله يا أستاذنا.

طيب لما بتدوس دبرياج أثناء صدور الصوت ده، الصوت بيختفي ويروح ولا بيفضل زي ما هو؟

**besso33** · 11-11-2012 10:45 AM

اعتقد لحد كبير حاجة من اتنين اما انها تكون بلية فتيس او بلية دبرياج

**nigm77** · 11-11-2012 11:44 AM

باشا نفس العيب دة عندى والمشكلة فى المنفلود وهو المشئول عن دخول الهواء وجارى تغيرة فى التوكيل

**DESIGNER105** · 11-11-2012 01:18 PM

المشاركة الأصلية كتبت بواسطة nigm77

باشا نفس العيب دة عندى والمشكلة فى المنفلود وهو المشئول عن دخول الهواء وجارى تغيرة فى التوكيل

وهتغيرو بكام فى التوكيل وبياخد وقت اد ايه ...وهل ينفع يتصلح ولا لازم يتغير ؟؟؟؟وهل فى مشكله لو مشيت بيه شويه وهوكده يعنى مجرد صوت بس ولا ايه ؟؟؟وشكرا ليك بجد

**DESIGNER105** · 11-11-2012 11:14 PM

Motarjim... لما بدوس دبرياج وانا دايس بنزين والعربيه ماشيه الصوت بيختفى ......؟

**nigm77** · 12-11-2012 10:16 AM

المشاركة الأصلية كتبت بواسطة designer105

وهتغيرو بكام فى التوكيل وبياخد وقت اد ايه ...وهل ينفع يتصلح ولا لازم يتغير ؟؟؟؟وهل فى مشكله لو مشيت بيه شويه وهوكده يعنى مجرد صوت بس ولا ايه ؟؟؟وشكرا ليك بجد

مفيش قلق من الصوت دة خالص الحاجة الوحيدة اللى بتحصل لما المانفولد يبوظ بيعمل صوت شخللة واستهلاك فى البنزين زيادة شوية عشان هو المسئول عن دخول الهواء للماتور ولو لسة حضرتك فى الضمان هيتغر فى التوكيل ولو خرجت من الضمان هحاول اسال النهاردة عن سعرة

**Raul_7** · 13-11-2012 08:47 PM

أنا عندي برضو صوت كركرة خفيف علي كل النقلات و بيبان قوي علي 2000-3000 ربم, و اتقالي انو مانيفولد برضه في عصام صفا, و طبعا مش موجود في التوكيل و لازم تحجزه.