الموضوع: غيرت شوية حاجات

ازيكو يا شباب
انا امبارح عملت حاجات كتير كان لازم اعملها هقولكم عليها باختصار
اولا شجرة المايه كانت بتهر من عند الكوعه ومن عند الحساس حطيط سيليكون بقت تنقط بسيط
امبارح غيرتها واشتريت واحده جديده ب 110 من عند الصفا الاستيراد مكانتش كويسه والحمد لله مفيش ولا نقطه
ثانيا كان عندى صوت الشكمان عالى ووحش شويه علشان الجوان كان بيطلع هوا وكل شويه كنت بقرت عليه
الحمد لله غيرت امبارح الجوان بتاع الشكمان وبتاع الفرن كمان واحد ب 20 والتانى ب 25
ثالثا كان عندى فلتر الهوا ضايع ولونه بقى وحش قوى
جبت واحد جديد 45
رابعا التيل بتاع الفرامل عندى كان بيعمل صوت لدرجه انى شكيت ان الطنابير كمان جابت اخرها
الحمد لله لقيت الطنابير لسه فيها شويه مش وحشين وغيرت التيل وجبت واحد جديد توبران ب 85
وكمان غيرت كاوتشت الماستر الامامى علشان كل ما كنت افرمل اسمع صوت تخبيط ب اربعه استيراد ب 40 جنيه تخيلو
خامسا كان كل يوم تقريبا بلاقى بقعة زيت صغيره قوى تحت العربيه والحمد لله المهندس ايهاب دلنى على الحل وقالى ان ده زيت فتيس وورانى مكان المفروض الجوان الى فيه يتغير ومش كده وبس ده ادانى جوان كمان ولما روحت للميكانيكى اديتلو الجوان وشاورتلو على المكان راح باصصلى كده ولسان حاله بيقول انتا كنت شغال ميكانيكى قبل كده المهم ان الدنيا الحمد لله اتعدلت ومبقاش الفتيس ينقط
الاختلافات
طبعا قبل ما اغير شجرة المايه كان كل يوم ازود مايه وكل مشوار اطمن وافتح الاربه وازود وكنت بلاقى بقعه مايه تحت العربيه دلوقتى انا مطمن علشان مفيش تنقيط خالص
- صوت الشكمان كان محسسنى انى راكب فزبه او حاطط موتور خلاط مثلا دلوقتى العربيه مفيش اى صوت خالص
- كانت بتنتش شويه وكان فى دخنه بسيطه قوى من الشكمان والحمد لله دلوقتى ماشيه زى الفل ومفيش اى دخان
- طبعا انا مش هقول عن تيل الفرامل اى حاجه كلكم عارفين بس موضوع كاوتش الماستر ده مهم قوى
- طبعا انا مش عارف اقول ايه على نصحية وخدمة ايهاب ليا فى موضوع زيت الفتيس والجوان الى اداهولى كلكم برده عارفين ايهاب
والحمد لله الاداء بتاع العربيه دلوقتى كويس بس [overline]انا لسه عاوز حساس الحراره [/overline] علشان المؤشر بتاع الحراره مش على النص انا سئلت عليه بس ملقتوش
- وربنا يستر طريقى وطريقكم