عرض للطباعة
أنا بشترى كاوتش 15/195/60
ومشعارف أشترى اى نوع من الثلاثة دول ميشلان ولا هانكوك ولا جى تى
لأنهم مناسبين للفلوس اللى معايا
وللعلم أنا أول مرة أشترى كاوتش لانى أول مرة أركب عربية
سؤال أخر :
انا معايا عربية ماتريكس , وراكب فيها جنوط 15/195/55
وروحت لاكتر من بتاع كاوتش قالى أركب 15/195/60 أحسن بكتيير لأن مقاس 55 واطى وبيخبط فى العفشة
هل مقاس 60 ينفع لعربية ماتريكس
ينفع بس الافضل للماتريكس كمان 195-65-15 و انصحك لو معاك فلوس و عايز تريح دماغك اشتري بريدجستون فرنساوى تعمل 550 الفرده والله ممتازه و هاتعود معاك مش اقل من 5 سنين زي الفل صوتها هادى واداء روعه
هانكوك كويسة والافضل بريدجستون والكاوتش مهم جدا ومن الحاجات اللي بتتغير كل فترة كبيرة بالعربية
انت ممكن تغير فردتين فردتين مش لازم كله مرة واحدة
بالنسبه للانواع الي ذكرتها
مشيلان ثم جي تي ثم هانكوك
بس افضل انواع موجوده في السوق تختار منهم ومتبعدش عنهم
بردجستون
ميشلان
كونتننتال
دانلوب
متخرجش من دول شوف اسعار الاربعه وارخص حاجه هاتها وهتبسطك متخفش
انما بقى هانكوك كومهو جي تي ف دي فئه اقل جوده من المذكورين سابقا
وان كنت انصحك متخرجش عن ميشلان او بردجستون (بس ابعد عن بردجستون التايلندي ناشف شويه) ف برضو كونتننتال ودانلوب روعه
بالنسبة للانواع اللي ذكرتهم
لو الميشلان فرنساوي يبقي الافضل لو ماكنش يبقي هانكوك كوري ممتاز, الجي تي عمره طويل بس ناشف
وانصحك بكونتينتال فرنساوي برده ممتاز وسعره معقول
اشتريت 4 فرد كاوتش GT Radial 13 / 175 / 70 - و كنت حاطط اسمها فى دماغى كأوبشن 2 بعد التويو اليابانى
لكن لما لاقيت ان تاريخ انتاجها حديث جدا الاسبوع 35 سنة 2012 ده اللى شجعنى على شراها اكتر من التويو و الكوموهو و عملت 300 ج بالتركيب و الترصيص من عند سمير بيومى فى الدقى
بعديها رحت ظابط زوايا و رابط العفشة و الدنيا بقيت جميلة
مش عارف ال 15 هاتكون بكام بس انا قولت انقلك تجربتى مع كاوتش كويس و واخد ريفيو مرتفع على النت
خالص تحياتى
الميشلان ممتاذ عن تجربه
شيل الهانكوك والgt من المقارنه طالما قلت مشيلان
انصحك بلبردجيستون وده انا مجربه في النقشه gr_90 فرده زي الفل واحسن من الكمهو 400% حتي في الفرامل بيمسك حو اوي ومش بيزحف بالصورة بتاعت الكمهو المرعبه
لكن عمي جرب البردجيستون وبعديه الكونتنتال رحب بالكونتنتال اكبر
لو عربيتك مفهاش abs لازم لازم لازم تركب كاوتش نضيف ومش اقل من بريدجيستون
اما بصراح المشيلان مجربتوش ومعرفش حد مركبه ب اسمع انه محترم جداااااااااااااا