الماف...رحلة عذاب لا تنتهي (استفسار)
السلام عليكم ورحمة الله وبركاته
طبعا الكل عارف (وبالأخص أخونا طناني) يعني ايه حساس الماف في فيكترا إيه. أنا فصلت الفيشة بتاعة الحساس علشان مش ظابط العربية والبرجلة بالإضافة إن البوجيهات بتتهبب بمجرد ما أركبها، طبعا أنا عملت كده كحل مؤقت لحد ما ألاقي ماف استيراد أو أعرف أجيب واحد من بره.
السؤال: هل فصل فيشة حساس الماف له تبعات على العربية والماتور واستهلاك البنزين؟ أنا الدنيا بايظة خالص والفيشة متوصلة.
وبالنسبة لشراء الحساس من بره، أنا للأسف سألت اتنين بعد العيد ولسوء الحظ الاتنين كانوا في الصين ولسه راجعين قبل العيد بيوم. على العموم أنا مازلت باسعى في الموضوع ده. يا ريت كل اللي عايز ماف، يقول ويكتب رقم القطعة اللي بيكون على جسم الحساس ذات نفسه.