ارجو المساعدة اريد شراء 40-45 اتوماتيك

**mena3006** · 11-11-2012 07:11 PM

مساء الفل على كل اعضاء المنتدى الجميل ارجو منكم افادتى حيث اننى وافع فى حيرة من امرى اريد شراء عربية فى حدود 40 الى 45 الف تكون اتوماتيك حيث اننى اسافر بها الى الصعيد 3 مرات شهريا مسافة 500 ك رايح زيهم جاى فا احتاج الى عربية ثابتة على الطريق واتوماتيك وتكون قطع الغيار فى المعقول ارجو افادتى وسمعت من ناس انى 1300 مع التكييف ما بتسحبش ارجو افادتى واية افضل الخيارت المتاحة

**ayman1204** · 11-11-2012 09:01 PM

ستروين اكسار
هتجيبها موديل حديث شوية وهتكون نضيفة بالسعر دا اوى

**buddha** · 11-11-2012 09:13 PM

لانسر 99
مكنة 1300
بس الاوتوماتيك فى 1300 التكيف فية بيضيع عزم المكنة جدا

وعموما عربية جميلة بالنسبة للفئة السعرية وبالنسبة للثبات شغالة معاك حتى 160 ولا يهمك
انا اخترتلك العربية دى عشان قطع غيار رخيصة جدا وممكن مع الوقت ترمى المكنة وتركب 1600 2 كامة وبردة بفلوس مش كتير

بس العربية فيها صاج زى الفيرنا كدة حاجة قمة الضعف والحوض ضعيف جدا يعنى المهم لما تيجبها تخلى بالك عشان وزن العربية خفيف ومع الفرامل العربية بتزحف وبتلبس

يعنى بلاش جرى جوة المدن ويستحب تيجبلها عتب عشان هى واطية جدا وبالتالى تحافظ عليها

وممكن فيرنا مكنة 1600 جامدة جدا
وعموما العربيتين واحد تقريبا فى الخامات ونفس الفئة السعرية