انا عربيتي موديل 2013 بس للاسف كانت اخر دفعة تنزل بالكاسيت القديم اللي من غير فلاشة و طبعا مكنتش اعرف ان حوار الاسطوانات ده ممل و مقرف اوي لدرجه ده خصوصا انها بتبوظ بسرعة و ان كل اسبوعين بغير الاسطوانات و بعمل نسخ جديدة.....المهم قولت اجيب كاسيت اللوجان ابو فلاشة فسألت عليه في التوكيل فقالولي ان سعره هيوصل ل 2000 جنيه و مش موجود دلوقت....كنت عايز اديهم اللي فيه النصيب من الردح و الشتيمة بس انا عارف ان اسعارهم غالية فسكت
المهم بعد ما دورت انا رسيت علي حاجة من اتنين يا sony cdx gt500 u و ده الناس في المنتدي هنا بتشكر فيه و كمان لون الاضاءة احمر فماشي مع الcolor scheme بتاع العربية و الاهم انه في عضو هنا كان مركبه في عربيته و قال ان توصلايته نفس توصيلات الكاسيت الستوك مفيش قطع اسلاك يعني و كمان المالتي فنكشن هيفضل شغال و كمان سعره الي حد ما كويس انا سألت عليه هنا في اسكندرية كان عامل 600 جنيه
الاختيار الثاني ال Sony MEX-BT4050U و ده الصراحة عاجبني بس معرفش عنه حاجة من ناحية التوصيل و التركيب و لا اعرف سعره في اسكندرية كام
فانا سؤالي اختار مين فيهم؟؟
و هل تغيير الكاسيت هيلغي المالتي فانكشن اصل انا اما اسألت كله قال انه هيتلغي وانا المالتي فانكشن ده الصراحة مكيفني واتعودت عليه
كنت هنسي انا العربية بقالها معايا شهر هل ينفع اغير فيها الكاسيت و لا هتطلع بره الضمان
شكرا مقدما