تويوتا ياريس مستعمل ولا رينو لوجان زيرو ؟؟؟السلام عليكم كنت عاوز أخد رأيكم أجيب تويو

السلام عليكم

كنت عاوز أخد رأيكم أجيب تويوتا ياريس أوتوماتيك مستعمل ولا رينو لوجان اوتوماتيك زيرو مع العلم ان الاتنين سعرهم في متناول يدي والحمد لله وأدامي دلوقتي عربيه ياريس حالتها حلوه ومعروضه عليا

كنت عاوز أعرف مين أحسن ومين كمالياته أكتر وأهم حاجه استخدام البنزين مين أحسن فيهم

أنا خايف من الياريس علشان بيقولوا 1300 مش 1600 وكمان بيقولوا عربيه تقيله يعني مش هعرف ابيعها بعد كده

بيقلوا كمان التكييف مع الياريس أوحش علشان 1300

وفي حاجه مستغربها : هو ليه سعر الياريس أقل من الكوروللا بالفرق الواضح ده رغم ان الاتنين ياباني والاتنين نفس الكماليات والاوبشن تقريبا

أفيدوني الله يكرمكم

بص يل بلشل انا عندى وجه نظر فى الوضوع دة وهى ان الجديد ما فيش احسن منه حتى لو اقل من المستعمل (انا اقصد فى فئه) وطالما سعر الجديد فى متناول ايدك يبقى هات الجديد وربنا يوفقك للخير ان شاء الله

بص ياباشا انا عندى وجه نظر فى الوضوع دة وهى ان الجديد ما فيش احسن منه حتى لو اقل من المستعمل (انا اقصد فى فئه) وطالما سعر الجديد فى متناول ايدك يبقى هات الجديد وربنا يوفقك للخير ان شاء الله

سعر الياريس أقل من الكورولا طول عمرها الياريس فى 2006 صديق والدى الله يرحمه اشتراها ب 85 ألف ال 1300 سى سى مانيوال

عن العربية تسارعها كويس جدا حجمها صغير شوية

ضيقة من ورا كصالون بس هى أساسا عربية صغيرة

معرفش حاجة عن الأوتو منها

عشان كدا بقول لحضرتك هى ماسكة سعر بالنسبة لسعرها زيرو بس مش زى الكورولا

بالنسبة للوجان الأوتو محركها 1600 يقال انه نفس محرك ميجان

مع فتيس أوتو

بس أنا بغض النظر عن مستعمل وجديد شكل الياريس بالنسبة لى أفضل

منا عاوز أعرف ليه الياريس ارخص من الكوروللا
علشان بس يعني الموتور ؟؟؟؟

عشان الموتور مع إن الكورولا كان بينزل منها 1300 برضه

عشان الاتساع من جوا والأبعاد من برا

بس الياريس عربية كويسة

ممكن تسأل فى قسم تويويوتا هتعرف

بعدين الكورولا تقريبا كان فرق بينها وبين الياريس 2006 حدود 20 ألف

أنا فاكر ان الكورولا كان نازل عليها عرض بعد ما كانت ب 114 ألف بقت ب 104

بعد اذن رجالة رينو :
الياريس كفئة اقل من الكورولا
وسعر العربيتين زيرو وقتها في فرق كبير لصالح الكورولا دي نقطة
ثالثا ميزة سمعة الكورولا المميزة وقطع الغيار والبيع الخ عمل افضلية ليها فبالتالي سعرها افضل كسوق
الخامات المستخدمة فالكورولا افضل بنسبة قليلة من الياريس زي التابلوه مثلا
كل ده لا يقل من الياريس في شئ فهي اخت الكورولا كامتور 1300 فقط والاثنين ممتازين للي بيختار تويوتا
فالنهاية راي لو محتار بين الاثنين نصيحة هات الافضل كحالة فكل شئ
والله اعلم ..

برضه انا بأفضل الزيرو لو حضرتك كنت بتعرف تسوق و دى مش اول عربيه هتتعلم عليها و كمان مش ل عيب فى الياريس و لا حاجه لكن لان الزيرو هتبقى مستلم العربيه فابريكه و معاها ضمان كام سنه لقدام و تقدر تأمن عليها و بكده تريح دماغك من المشاكل لكام سنه و ده مع اعتبار ان اللوجان عربيه كويسه و منتشره و لعدم الرغبه فى شراء عربيه مستعمله و بقالها كام سنه بتجرى فى شوارعنا الجميله و ده يخللى هناك فرصه لوجود بعض المشاكل اللى قد تظهر بعد الشراء نتيجه لانتهاء العمر الافتراضى او لسوء الاستخدام حتى و ممكن ما تكتشفش ساعه الفحص قبل الشراء و كمان الجديد بيبقى ليه فرحته . موضوع ال ١٣٠٠ سى سى بتاع الياريس ده اعتقد انه هيبقى حاجه حلوه مش وحشه لو حبوا يطبقوا موضوع إلغاء الدعم على ال ١٦٠٠ سى سى و كمان هى استهلاكها للبنزين قليل بس زى ما قلت لحضرتك العربيه الزيرو حاجه و المستعمل حاجه تانيه

اقتباس:

---

المشاركة الأصلية كتبت بواسطة s o p h o s

بعد اذن رجالة رينو :
الياريس كفئة اقل من الكورولا
وسعر العربيتين زيرو وقتها في فرق كبير لصالح الكورولا دي نقطة
ثالثا ميزة سمعة الكورولا المميزة وقطع الغيار والبيع الخ عمل افضلية ليها فبالتالي سعرها افضل كسوق
الخامات المستخدمة فالكورولا افضل بنسبة قليلة من الياريس زي التابلوه مثلا
كل ده لا يقل من الياريس في شئ فهي اخت الكورولا كامتور 1300 فقط والاثنين ممتازين للي بيختار تويوتا
فالنهاية راي لو محتار بين الاثنين نصيحة هات الافضل كحالة فكل شئ
والله اعلم ..

---

يعنى الكورولا والياريس 1300 محرك واحد
فى قطع الغيار الاتنين متوفرين
جسم الياريس أقل بالتالى الموتور أداؤه هيبقى أعلى مع الياريس أكتر من الكورولا

حكاية الخامات للتابلوه مش هو اللى هنفرق بيه العربيتين دى حاجات بسيطة والياريس خاماتها مش وحشة

يعنى فى النهاية الياريس سعرها مستعمل مرتاح أكتر وبرضه ماسكة سعر بالنسبة لسعرها زيرو مش واقعة يعنى بس نقدر نقول إن الكورولا مبالغ فى سعرها مستعمل ودا شئ معروف ثقافة سوق مش أكتر

بكل بساطة عربيتين من شركة واحدة والاتنين نفس درجة الاعتمادية