تسأل حول اوبترا هتشباك....برجاء المساعدة للاهمية

في البداية ::::تحية طيبة للاعضاء الكرام........
كان عندي استفسار بالنسبة للاوبترا الهاتش بالك هل نفس المكنة والعفشة ونظام التعليق بتاع السيدان ولا في حاجة مختلفة ولو في اختلاف ياريت حد يشرعلي الاخختلاف في ايه تحديدا لانه الاوبترا السيدان عجباني جدا في ثباته مقارنة بالنيو اكسنت بس طبعا التسارع اقل بكثير وشكل السيدان مش عاجبني طبعا دي ازواق المهم الهاتش باك لو نفس الموتور اعتقد انه السحب هيكون اشد والثبات طبعا لانه الهاتشباك زي مانتو عارفين ثبات اعلي في الملفات علي سرعات عالية و بصراحة شكل الهاتشباك بتاع الاوبترا احلي بكتير جدا من السيدان وبتفكرني بالجوليت بس علي احلي........و ليه مفيش منها زيرو حاليا......ورجاء كمان تحديد رينج السعر للسيارة

نفس الموتور والعفشه والفتيس , الاختلاف فى البودى فقط

معرفش رنج سعرها كام وعموما هى مش منتشره اوى

عربيه حلوه

انت بتسأل عشان العربيات المجدده اللي كانت تاكسي ولا بتسال علي عربيه مستعمله عادي

انصحك انك تاخد عربيه عير مجدده من عندهم وتعملها علي اديك

عربيه محترمه هيه هيه السيدان الاختلاف في البودي الخارجي فقط

وشكرا

ياريت حضرتك تشرحلي موضوع العربيات الي مش متجددة لانه شكلها هتبقي رخصية ومدام نفس قطع غيار السيدان يبقي ممكن ترجع زيرو بسهولة.فأرجو الافادة

ديه العربيات اللي كانت شغاله تاكسي اعاصمه

اللي كان لونها اصفر

المشروع مكملش

فبيبعوا العربيات

فيه اوبترا هاتش باك وااوبترا سيدان وسيراتوا الشكل القديم

فيه منها علي حاله وفيه منها هما جددوه ورجعوه ملاكي

موجودين الشركه في سوق سيارات العاشر بجوار كافيتريا ليموزين

روح واسأل

اقتباس:

---

المشاركة الأصلية كتبت بواسطة abou-yahia

ديه العربيات اللي كانت شغاله تاكسي اعاصمه

اللي كان لونها اصفر

المشروع مكملش

فبيبعوا العربيات

فيه اوبترا هاتش باك وااوبترا سيدان وسيراتوا الشكل القديم

فيه منها علي حاله وفيه منها هما جددوه ورجعوه ملاكي

موجودين الشركه في سوق سيارات العاشر بجوار كافيتريا ليموزين

روح واسأل

---

متشكر جدا ليك يا ابو يحي...بس لو فيها رخامة هو دا معرض ولا شركة عشان انا من سوهاج فطبعا المشوار علي الفاضي صعب فياريت العنوان بالضبط وانا اسال في الدليل و اجيب رقمهم

اقتباس:

---

المشاركة الأصلية كتبت بواسطة egyptodentist

متشكر جدا ليك يا ابو يحي...بس لو فيها رخامة هو دا معرض ولا شركة عشان انا من سوهاج فطبعا المشوار علي الفاضي صعب فياريت العنوان بالضبط وانا اسال في الدليل و اجيب رقمهم

---

كان نفسي اساعدك

بس ديه لمعلومات المتاحه بلنسبالي

لاكن انصحك انك تجيب عربيه مش ملعوب فيها

عشان بعد المسافه

وشكرا

شكرا ليك وجزاك الله خيرا