مساء الفل يا رجالة ..
ان شاء اللة اعمل صيانة الالف قريب فى اوتو ...عايز اعرف استعمل زيت اة ؟ و ها الكاميرا و السينسورز اللى بيركبوهم فى اوتو ليهم مكان اصلا ولا بيخرمولهم فى الساشية ؟؟؟ و شكرا مقدما
:Ta_clap[1]:
عرض للطباعة
مساء الفل يا رجالة ..
ان شاء اللة اعمل صيانة الالف قريب فى اوتو ...عايز اعرف استعمل زيت اة ؟ و ها الكاميرا و السينسورز اللى بيركبوهم فى اوتو ليهم مكان اصلا ولا بيخرمولهم فى الساشية ؟؟؟ و شكرا مقدما
:Ta_clap[1]:
ان شاء الله صيانة علي خير يا باشا
وعقبال صيانة 100 الف ..
الف شكر يا كبير
الف مبروك مقدما باذن الله الصيانة
وهات اى زيت غير موبيل عموما
احنا جربنا ليكوى مولى .. واسامة اللى معاه القاشقاى حط فيها ليكوى .. وشكر فيه جدا
لو عرفت تجيبه يبقا تمام
وبخصوص السنسور محدش بيخرم فى الشاسيه .. بيخرموا فى الاكصدام .. فمفيش قلق فى الموضوع ده
الاخ الكريم lozitis
ان شاء الله تعمل الصيانة علي خير و عقبال صيانة ال 500 الف
بالنسبة للسينسور بيتم فتح فتحات في الاكصدام و تركيبه و بعد التركيب بيظهر شكلها فابريكة
اما بالنسبة للزيت فأنا لي رأي يخالف شوية الاخوة الافاضل السابقين في مشاركاتهم
فعند تغيير الزيت بمعرفة حضرتك بيكتب ذلك في كتيب الضمان ( تم التغيير بمعرفة العميل )
و اذا لا قدر الله حدث اي مشكلة في الماتور خلال فترة الضمان بيكون فيه مشكلة كبيرة بسبب تغييرك للزيت بنفسك و ممكن الموضوع ده يخرج الماكينة من الضمان
لذلك انصح حضرتك بالالتزام بالزيت اللي بيوفره الوكيل ( لانهم احرص الناس علي الا يحدث اي شئ يضر بالماكينة علي الاقل خلال فترة الضمان )
حاليا يا بشمهندس اعتقد ما دام الزيت معتمد مش زيت مجهول المصدر وما دام الزيت متبشم ومطابق للمواصفات فالتوكيل بيضمن لك المكنة مع حقك في تغيير الزيت المفضل لك
نظر لان كل توكيل ليه زيت لان في السابق كانو بيرفضو المبدا
واحمد مصطفى اعتقد عندو المعلومة اكتر مني
الاخ الحبيب بشمهندس اسامة انا متأكد من المعلومة
لاننا لو تتذكر كان احد الاخوة الافاضل المنضمين للرابطة اراد ان يضع زيت مثلك بمعرفته
و حين سألهم في اوتو ايجيبت بعد ان لفت نظره قالو له انه لو تمسك بزيت اخر سيكتبو ( تم بمعرفة العميل )
و قالو له ان ذلك يخرج الماكينة من الضمان عند اللزوم ( اذا حدث شئ لا قدر الله )
و بعدين احنا بنروح بعيد ليه اذا كان اي وكيل بيخرج الكراسي من الضمان اذا قام احدنا بكسوة الكراسي او التفصيل عليها مثلا يعني بمجرد فك الكرسي لعمل كسوة تخرج الكرسي من الضمان و طبعا محدش بيقول لك ذلك الا لو حدث اي شئ في الكرسي و ذهبت تشتكي يقول لك اي وكيل في مصر بما انك غيرت فكيت الكراسي فهذا يخرج الكرسي من الضمان الا لو الفرش من عندهم
كذلك وحدات رفع الزجاج كذلك اي شئ يتم تركيبه كالسينسور و خلافه بيخرج حاجات كتير من الضمان
فما بالك بالماتور
طبعا الاخ الفاضل هيسأل في التوكيل و يتأكد بنفسه لانه شئ مهم جدا في نظري
تحياتي اليك يا غالي
انا معاك يا باشمهندس فى حالة واحدة فقط لا غير ..
اذا التزمت كل التوكيلات بتوصيات المصنع باستخدام زيت واحد
انما الواقع ان كل توكيل ومركز خدمة بيحط نوع زيت مختلف عن غيره !!!
وبالتالى مصدر الزيت هو الفرق فى العملية كلها انه يكون من مصدر موثوق فيه .
اتفق معاك جدااا خاصة انها زيوت عالمية ومستوردة وصعب تتغش زى اللى بتتعبأ فى مصر
وبالمناسبة دى احب احطلكم على آخر ترتيب لزيوت المحركات عالميا واتنشر فى مجلة اوتوبيلد الالمانية فى 10/2012
ومنتجات ليكوى مولى جت فى المركز الاول :plusone1: .. فى حين فالفولين (يابيشوى) جه فى المركز السادس هههههههههه
http://imageshack.us/a/img19/3527/bestcaroils2012.jpg
الاخ الكريم الدكتور يوسف
بكل اسف ليس كل مفروض بيكون مفروض في مصر
بمعني ان المبرر اللي حضرتك ذكرته بالفعل بيحدث يعني اوتو ايجيبت بتحط نوع و السبع بيحط نوع و مودرن بتحط نوع تالت يبقي الطبيعي ان العميل يجيب اي نوع معتمد و يضعه و يكون مفروض علي التوكيل ان يقبله
و لكن لان الوكلاء عندنا في مصر ( الحاكم بأمره ) و لا يوجد جهة تلجأ لها الا في حالة حدوث كوارث مثل جهاز حماية المستهلك فأغلبهم الا من رحم ربي بيطبقو قانون واحد فقط و هو صالح الوكيل قبل العميل
و لذلك انا نبهت الاخ الفاضل انه يجب ان يسأل اولا هل سيقبل الوكيل احضاره للنوع اللي يحبه و يفضله بما انه زيت عالمي و معتمد ام انهم سيكتبون جملتهم الشهيرة ( تم بمعرفة العميل )
و لو الكلمة دي اتكتبت الامور بتمشي بيس و زي الفل طول ما مفيش مشكلة طوال فترة الضمان في الماتور اما بقي لو لا قدر الله كان حظه و نصيبه ان الماتور بتاعه من نسبة ال ( 0.001 ) اللي بيبقي فيها مشاكل الكلمة دي تكفي ان صاحب المشكلة يشيل الليلة كلها
عموما الفيصل في الحكاية دي الوكلاء انفسهم و ان شاء الله الاخ الكريم يطلبهم علي 16666 لانه رايح اوتو ايجيبت و يسأل قبل الذهاب لانه مضطر يسأل قبل ان يشتري لكي يحدد موقفه و ان شاء الله يطمنا و تنتهي حيرتنا
و علي فكرة انا كتبت الحكاية دي لاخ فاضل ايضا من فترة و الراجل ذهب و سأل و قالو له نفس الكلام ( تم بمعرفة العميل ) و اضطر يومها انه يضع زيت الوكيل ( توتال 10000 )
تحياتي اليك يا دكتور يوسف
يا عم دي مقاييس بره مصر يعني مش الزيت اللي بينزل للشرق الاوسط زي مصر .. ما انت عندك موبيل واخد مركز ثالث و كاسترول واخد مركز ثاني و هتلاقي ان كتير من اعضاء المنتدي مخنوقين من النوعين دول
لو انت قرأت الموضوعات الخاصة بليكوي مولي في المنتدي العام هتلاقي انه بيتاكل و ناس بتضطر انهم يزودوا بعد فترة .. ده من خلال قراءاتي و لذلك افضل فالفولين و عامة الزيت ماثرش معايا حتي الان و مفيش حد اشتكي منه ابدا ً
إن هذه المشاركة هي تضليل للاعضاء :)))))))))))) و يجب مسحها فورا حيث ان التوكيلات تقوم باستخدام شيل و توتال و موبيل ههههههههههه
حج بيشووووووووو هو أنت بتستقل بـ mobil !!!!!!!!!!! ..
أولا ده زيت محترم بس مش معنى إننا مش بنحبه انه وحش !!!
ده في زيت من موبيل لزوجته 0w40 و الزيت ده تحفة ..
و أنت عجبك فالفولين في الصني صح ؟؟ هو فعلا ممتاز بس عشان الصني لو اتحطلها ميا هتمشي ههههههههههههههه ..
أنت عارف الزيت الموصي بيه للصني اييييه في الكتالوج 20w50 .. اللي هو موبيل xhp أسوء حاجة يعني هههههههههههه ..
ما بالك بقى بـ 5w40 و 5w30 من ليكوي أو فالفولين اكنك حاطت لبن بـ عسل ههههههههههه الموتور فرحان قوي ههههههههههههههه ..
حبيبي يا بيشوووووووووو ..
[quote=ahmed.tv;3874630442]الف مبروك مقدما باذن الله الصيانة
وهات اى زيت غير موبيل عموما
احنا جربنا ليكوى مولى .. واسامة اللى معاه القاشقاى حط فيها ليكوى .. وشكر فيه جدا
لو عرفت تجيبه يبقا تمام
وبخصوص السنسور محدش بيخرم فى الشاسيه .. بيخرموا فى الاكصدام .. فمفيش قلق فى الموضوع ده
[/quote]
الف شكر يا احمد بية ))
شكرا لكل اللى شازك بس انتو حيرتونى اكتر ))
انا كنت ناوي احت ...
Leichtlauf High Tech 5w40 و اركب السنسور و الروافع ان شاء الله مع صيانة الالف ..اروح اعملها فى مودرن جنبى و لا اروح اوتو احسن ؟؟ و شكرا جنزبيلا