الموتور صوته بقه وحش ....الخشونه زادت و صوت الموتور مش عاجبني بصفه عامه ....صياناتي كلها بالتوكيل و العربيه عامله 32000 كم .
عرض للطباعة
الموتور صوته بقه وحش ....الخشونه زادت و صوت الموتور مش عاجبني بصفه عامه ....صياناتي كلها بالتوكيل و العربيه عامله 32000 كم .
ياباشا موبيل دا زبالة..سيبك من الاستيكر اللي ملزوق على العربية دا مجرد دعاية واتفاق التوكيل مع الشركة مش أكتر..
أنا كنت بستخدمه وكان مخلي صوت المتور عالي وخشن والسحب مش تمام..و بخره عالي جدا..بعد ألفين كيلو ألاقيه ناقص يجي 1.5-2 لتر بدون مبالغة والله..والأهم من كدا ان لونه بيفضل أصفر زي ماهو يعني مبينضفش المتور ودي كااااارثة في حد ذاتها.
عموما أنا لسا مغيرو من اسبوع كدا وقررت مش هرجع ليه تاني خااااااالص..
ونزلت اشتريت فلاش اويل(عشان الشوائب اللي سببها موبيل لأنه مكنش بينضف المتور زي ماقولت), وجركن زيت فيسكو 5000 من بنزينة كار جاس بــ 250 جنيه ودا ممدوح شخصيا بيستخدمه..هو بريطاني معبأ بالإمارات بالكامل, وفلتر زيت جديد وغيرت الزيت بنفسي وكنت هنزل تقرير بس لسا بقيم الزيت الأول.
مبدئيا كدا صوت المتور كان خشن شوية في الأول ودلوقتي بدأ يهدى كل يوم ويبقى أنعم (عشان لسا طالع من موبيل)
والسحب زاد بشكل ملحوظ..ومشيت ألف كيلو عليه لحد دلوقتي ومنقص خالص إلا الآن.
الخلاصة:
أفضل نوعين زيت موجودين دلوقتي فيسكو 5000 وكاسترول ايدج, وهما الاتنين تبع شركة واحدة وهي شركة bb البريطانية.
وعلى فكرة انا كنت هجرب الكاسترول المرة دي بس مكنتش لاقيه الأول وكنت مستعجل على غيار الزيت فقولت اجربه المرة الجاية.
....بالنسبة لزيت ليكوي مولي في عضو هنا جربه وقال انو اتبخر عنده.
اي استفسار انا جاهز :ma:
لا انا مضايقني في صوت الموتور ....سامع خشانه .....بس من اول ما استعملته بقالي مرتين او 3 مش فاكر ....مبينقصش معايا خالص ....الا بعد 4000 كيلو تقريبا بحتاج احط ربع كيلو .....,و ده عشان انا بحط 3.750 بالفلتر مبحطش ال 4 لتر كلهم و لونه بيتغير و بيبقي بني غامق و ده دليل انه بينضف الموتور .....بس انا مضايقني صوت الموتور ....سمعت ان صوت موتور اللانوس هوه كده .....بس خلاص انا خدت قرار التغيير ....خصوصا بعد ما قريت موضوع لعضو في قسم المتسوبيشي و اشتكي من صوت الموتور بعد استخدام موبيل 1 .
انت كنت بتجيب ال موبيل 1 منين يا خالد
فيسكو وادعيلى
خلي بالكوا ياجماعة اليومين دول في فالسوق كميات كبيرة من الزيوت المغشوشة للاسف غيرت لزميلي الزيت في سيارة بسات وبعد يوم كامل لمبة الزيت نورة كشفنا بالاسكانر مفيش ارور نزلت الزيت وغيرته تاني اللمبة طفت واتكرر موضوع الزيت ده مع ثلاثة من اصدقائي اخرين خلي بالكو اليومين دول واشتروا الزيت من اماكن موثوق بها وبلاش محلات بيع الزيوت خالص
زيت موبيل 1:
ينقص بسرعة جدا
يسود بسرعة جدا (ممكن نتيجة انه بيتحرق)
يخلي صوت العربية عالي
زيت فيسكو:
لا ينقص
لا يسود
صوت العربية اهدي بسيط مع احساس ان العربية بقت انعم
فيسكو 5000 وكاسترول ايدج أغلي زيوت في الامارت لانهم احسن زيوت
فيسكو 5000 ثمنه في الامارات بما يعادل 230 جنيه يعني الفرق مش كبير عن مصر
انت اكيد عندك حق
الفكرة بقي شكل السواد المفروض يكون ايه ويتغير اللون امتي ومع مكنة شكلها ايه
مع موبيل بيتغير بسرعة اوي....فممكن بدل ما يكون "بيينضف" يكون "بيتحرق"
معايا انا الموتور الحمد لله لسه جديد وبغيرله زيت فترات قريبة لاني مش بعمل كم كتير
سؤالنا هنا...في حالة ان الموتور جديد ومفيش فيه شوائب ... شكل الزيت يكون ازاي
وحتي لو الزيت بينضف فعلا شوائب الموتور...مش فيه حاجة اسمها فلتر زيت المفروض انه يفلتر الشوائب دي لأنها المفروض بقي مترجعش تدور تاني جوا الموتور ويرجع زيت نضيف ونقي للموتور
متهيالي في حالة فيسكو
هو مش بيتحرق واكيد بينضف الموتور و الشوائب بيحجزها فلتر الزيت
بالتالي الزيت بيكون لونه كويس مش اسود ده صح
في حالة موبيل
شكله كده بيتحرق أصلا وفي الحالة دي ولا بينفع معه فلتر ولا غيره
انا جربت الأتنين فيسكو 5000 و كاسترول ايدج و الأتنين تقريبا متساويين فى الأداء و فى الجوده
م الأخذ فى الأعتبار ان مع فيسكو كان صوت الماتور اهدى حاجه بسيطه عن ال كاسترول
الخلاصه .... دول احسن نوعين جربتهم فى الانوس قبل ما تموت :) .... الله يرحمها
بص انت عارف كوبري الساحل ؟... اول ما تنزل علي ايدك اليمين هتلاقي
واحد بيبيع سمك تسيبه.. محلين بعده ...هتلاقي واحده علافه بتاعه غلال فول ناشف ودره
عويجه وعدس اصفر وعندها جوه فنطاس زيت موبيل هيا ممكن تعبيلك في كيس نايلون
بس الاحسن تكون عامل حسابك في ازازه فاضيه او جركن ..
هي ساعات بتخنصر شويه بس الزيت بتعها نمره واحد ....
اذا حد له شوق يسال علي زيت موبينيل برضه يقول ها نوصف له
الرحمه يارب ....
التهكم على الاعضاء مخالف للقاعدة رقم 12 من قواعد المنتدى لذا تم حصولك على انذار مع ايقاف لمدة اسبوع
مشرف ع 4
16/11/2012
1.53 am
..
...
بصوا بقي..هو للأسف حقولكو الخلاصة
.
طالما الزيت صنع في المعمورة...يبقي حيخلي العربية مخروبة
الزيت لو صناعة المانية اماراتيه...بس مواصفاته مناسبة برضه لمصر..يعني تخليقي و ٥-٤٠ مثلا...اوكيه
ان شاء الله هجرب فيسكو الـ 5000 بدل شل الاصفر بس الاقية
ياباشا موجود في بنزينة كار جاس بعد كارفور طريق اسكندرية الصحراوي وقبل البوابات..أنا لسا جايبه من 15 يوم تقريبا بــ 250 جنيه.
وعلى فكرة قبل ما تشتريه اتأكد انو متغلف من بره+الغطا يكون متبرشم+الفويل اللي تحت الغطا يكون موجود+واتأكد من تاريخ الإنتاج برده.
مهو المشكلة انى انا من الفيوم
ومش لاقى اى حد عندة الزيت دة خلاص
حتى فى اكتوبر الراجل استغرب ان فية زيت اسمة فيسكو
على فكرة كاسترول ايدج موجود ومالى الدنيا وانا عن نفسى جربتة كذا مرة.........مش بطال والعربية مكانتش بتاكل زيت خلاص اما لما جربت الانواع التانية اكلت زيت كتير
انا كنت استعلت فيسكو وعلالى العربيه ونزلتواعلى 3000 بصراحه
دلوقتى حاطت ليكوى مولى
زباله السنين بصراحه وتبخيره عالى واسمعلى الفاضى
عاوزاحط زيت تخليقى ومشعارف احط ايه بفكرفى فالفولين بس معرفش سعره
المشكله ان صوت البلوف ايتدىيعلى عندى خصوصا والعربيه بارده ومش عارف حلها ايه
زيت تخليقى ولا معندنى ولا نص العربيهمعدبه ال100000
انا جربت فيسكو 2000
ابو 97 جنية بيقولو بيقعد 7000
في الحقيقة اقل ما يقال عنة انو سيئ
العربية صوتها علي واخشن بشكل ملحوظ
سحب سيئ بع التغيير
انا كنت رايح اشتري فيسكو 3000 لكن ملقتش عشان كدة حطيت 2000
انا كنت بحط شيل اصفر فرق السما من العمى بصراحة كنعومة وسحب لصالح شل
انا جربت ليكوي مولي كويس معايا
انا بحط فالفولين ايه رأيكم فيه
انا بحط فالفولين ممتاز هدى صوت المكنه ونسبة بخره 0 تقريبا انا بحس انه زيت ممتاز نصيحتى ليكو تحطو فالفولين انا بحط لزوجه 5w-40 مش 30 زى ما بينصحو فى الشركه ممتاز الحقيقه ومبسوط منه جدا
ياريت تقرير مفصل من حد كان بيستخدم موبيل 1 و حاليا بيستخدم فيسكو التخليقي .
انا كنت بستعمل موبيل 1 فى عربية الوالد من الزيرو و حتى 86635... كان فى الاول كويس (اول 50 الف كيلو مثلا) بعد كدة بدات تظهر مشكلة البخر يعنى بعد 3000 كيلو تلاقية ناقص بتاع نص لتر... اعتقد مش كلة البخر تتزامن مع تغيير مواصفات الزيت من 0 - 40 الى 5 - 50 و كنت بغيرة بمتوسط كل 5000 كيلو
بعد كدة استخدمت فيسكو 5000 و مشيت علية 42965 كيلو و معاه مكنش فية اى مشكلة فى البخر خالص و كنت بغير فى حدود ال10 الاف كيلو كمتوسط... بعد كدة حولت لفيسكو 3000 لان العربية مبقيتش تمشى خالص عشان انا بطلت استعملها فا بقى فيسكو 5000 اقتصاديا غير مجدى
فى عربيتى انا حطيت فيسكو 5000 من يوم ما جبتها فى 2007 حتى الان... 59685 كيلو و العربية ما شاء الله زى الفل... المرة اللى استعملت فيها شل هيلكس الترا العربية جابت طلمبة زيت و كستبانات و طقم سبيكة كرنك
MMamdouh
حقيقى احترنا فى الزيت ونوعه ..............................؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟
يا ستار يا رب .. مع إن فيه ناس كتير بتشكر في شل .
هل ممكن اللي حصل معاك من زيت شل لإختلاف درجه لزوجه مثلا فأثرت علي ضغط طرمبه الزيت ؟
فكره التغيير نفسها قالقاني بس ضروريه جدا . هل صحيح إن الموتور لما بياخد علي زيت معين بيتأثر من التغيير ؟
صوت الموتور مش عاجبني نهائي . و ده السبب الوحيد اللي مخليني عاوز أغير mobil 1 .. هل فيه فرق في صوت الموتور بينه و بين فيسكو؟
و التخليقي بالكامل إسمه فيسكو إيه؟
معلش توهتكوا معايا بأسئلتي الكتير :-)
مهو عشان كدة قولت اجرب... بس للاسف التجربة طلعت....
انا افتكر ان درجة اللزوجة فى شل و فيسكو واحدة (التخليقى فى النوعين طبعا)اقتباس:
هل ممكن اللي حصل معاك من زيت شل لإختلاف درجه لزوجه مثلا فأثرت علي ضغط طرمبه الزيت ؟
لا مفيش الكلام دة... ما انا مغير من موبيل 1 لفيسكو فى عربية الوالد بدون اى مشاكلاقتباس:
فكره التغيير نفسها قالقاني بس ضروريه جدا . هل صحيح إن الموتور لما بياخد علي زيت معين بيتأثر من التغيير ؟
انا مش فاكر كان صوت الموتور ايه مع موبيل لانى مغير من يجى 7 سنين بس عموما صوت الموتور ممتاز مع الفيسكو فى الوقت الحالىاقتباس:
صوت الموتور مش عاجبني نهائي . و ده السبب الوحيد اللي مخليني عاوز أغير mobil 1 .. هل فيه فرق في صوت الموتور بينه و بين فيسكو؟
Visco 5000اقتباس:
و التخليقي بالكامل إسمه فيسكو إيه؟
http://www.otobazaar.com/images/BP%2...-40%204lt..jpg
MMamdouh
طب انا عاوز اجيب زيت كاسترول ايدج للبي ام اجيبو منين انا من حدائق القبة اقرب مكان ليا فين و سمعت ان في توصيل للمنازل ياريت لو حد يعرف معلومة
اخوكم مينا
فعلا هما عاملين خدمة توصيل مجانية للزيوت في القاهرة الكبرى والإسكندرية والدلتا.
اقتباس:
لاول مرة فى مصر نوفر خدمات توصيل مجانية لزيوت كاسترول تشمل ثلاثة انواع من زيوت كاسترول و هى ايدج و ايدج سبورت و ماجناتيك لتصلك اينما كنت فى القاهرة الكبرى و الاسكندرية و الدلتا ,يمكنك الأتصال على 27960101-27960501-27960701 من الأحد الى الخميس من التاسعة صباحا حتى الثالثة عصرا أو ارسال المنتج المطلوب و الأسم و رقم الهاتف و العنوان بالكامل على castrolegypt@taqamarketing.com حتى نتمكن من ارسال المنتج الى مكان تواجدك.
(الدفع نقداً عند الاستلام)
يسعدنا دائما الرد جميع الأسئلة و الأستفسارات
المصدر من الصفحة الرسمية على الفيس بوك:
https://www.facebook.com/CastrolEgypt
:tumb:
ربنا يخليك و متشكر لزوقك جدا يا خالد باشا شكرا