غسيل الموتور : هل مفيد ؟ أم مضر ؟ و ما هي الطريقه المثلي للغسيل ؟
مياه .... و لا جاز ابيض .....و لا بلاش خالص ؟
انا مغسلتش الموتور من اول ما جبت العربيه من سنتين ....كله تنظيف بالهواء المضغوط فقط .
غسيل الموتور : هل مفيد ؟ أم مضر ؟ و ما هي الطريقه المثلي للغسيل ؟
مياه .... و لا جاز ابيض .....و لا بلاش خالص ؟
انا مغسلتش الموتور من اول ما جبت العربيه من سنتين ....كله تنظيف بالهواء المضغوط فقط .
العسيل مفيد طبعا
الاول جاز مع ضغط هوا عشان الجاز يدوب اى اثار زيوت او شحوم
بعد كدة بخرطوم الصابون اللى بيطلع رغوة ييترش الموتور كلة عشان الصابون يزيل اثر الجاز تماما
لو فاضل اى اثار شحم او زيت تتمسج بفوطة
اخر حاجة بيتم ازالة اثار الصابون بخرطوم مية بضغط منخفض (حنفية عادية)
يحظر استخدام خرطوم ضغط عالى مع الموتور
MMamdouh
كنت عند واحد في مركز تنضيف ولقيته بيغسل موتور عربيه لادا وبيرش بكل ثقه
فبقوله مش كده غلط قالي ياباشا انا برش بماده مخصوص للماتور فيها ماده عازله
وفعلا كان ريحته حلوه مش جاز ولا بنزين بس الموتور بس ب40 جنيه قولتله حبقي اجرب عندك
انا برضه مغسلتش ولا مره
بس يا كبير الجاز بينشف اي حاجة كاوتش وبيخليها تتشقق مع الوقت.اقتباس:
المشاركة الأصلية كتبت بواسطة mmamdouh
ما انت مش هترش الجاز و تسيبة 3 سنين.. هما دقيقتين تلاتة و بعد كدة بتشيلة بالصابون
MMamdouh
واهم حاجه بعد ماتمشى على طريقة الأستاذ محمد ممدوح فى غسيل الموتور
انك تنفض كل فيش ووصلات الكهرباء والموبينه والحساسات فى الموتور بالهواء المضغوط وتنشفها كويس اوى
قبل ما تدور العربيه
والأفضل انك تفصل كابل البطاريه السالب قبل الغسيل وخليك فى الأمان
ولو كومبيوتر عربيتك فى الغرفه ( شيفروليه لانوس او نوبيرا اوروبى ) اخلعه من فيشته بره قبل الغسيل
موضوع ضغط ميه منخفض ( حنفيه عاديه ) عملوه في عربيه اوبترا في التوكيل ادامي و كنت حاسس ان كده غلط .....,و صاحب العربيه كان واقف مبسوط .... و العامل كان كأنه بيسقي جنينه ..... و انا عمال ابص لصاحب العربيه .... , و هوه مبسوط .....و يبصلي .....قلتله عادي كده ؟؟؟...... قاللي اه عادي ....:-)))
طب مش الميه دي بتيجي علي الاجزاء الالكترونيه و الكهرباء و السلوك و كده و لا عادي؟
لو عادي يبقي حعمل الموضوع ده جنبي في ديتييلرز كار كير ..... عاملين اعلان هنا في المنتدي بالمناسبه .... و فيه اعضاء كتير شكرت فيهم . .... بيقولوا فاهمين شغلهم كويس .
لا انا شيفروليه لانوس 2011 .....الكمبيوتر تحت الكرسي اليمين
لانوس 2012 و 2012 هما اللي حاطينه في صدر العربيه و مش عارف السبب ايه بس عرفت انه بتاع الافيو و تقريبا حطو بتاع الافيو عشان يتمكنوا من تركيب جهاز الانذار ....و الله اعلم .
ذي ما استاذ محمد ممدوح قال كدا و كمان يفضل تغسل العربيه و هيا باره علشان الخراطيم الكاوتش متنشفش من التبريد المفاجىءاقتباس:
المشاركة الأصلية كتبت بواسطة khaled lanos
بقالى اربع سنين مغسلتش الماتور محدش يفتح الكابوت بتاعى كله عناكب وبرص
فى الغسيل بالمياة ميكنش برده الموتور ساخن جدا
رد انت يا حسيناقتباس:
المشاركة الأصلية كتبت بواسطة lanos2004
كل الكلام دة معزول كويس لان طبيعى العربية و انت بتستخدمها ممكن تتعرض لامطار او طريق فية مية فا بيبقى معمول حساب الكلام دة و بيقى فيه عزل على الفيش و المكونات الكهربائية مش سهل يدخل فيها ميةاقتباس:
المشاركة الأصلية كتبت بواسطة mero100
طبعا الكلام على رزاز مية او مية من خرطوم عادى انما ضغط عالى و كدة هتخرب الدنيا تماما
MMamdouh
اصل ياما ناس كتييييييييييير قالولي بلاش موضوع الجاز دا عشان بينشف الخراطيم والكاوتش وبيخليهم يتشققوا.اقتباس:
المشاركة الأصلية كتبت بواسطة mmamdouh
طيب انا واخد العربية وتقريبا أغلب الخراطيم اللي مغطيه الأسلاك ناشف جامد اوي وبتتكسر..ايه الحل الف شريط لحام وخلاص ولا ايه؟
وأغسل المتور بأي نوع جاز ولا نوع معين؟
انا غسلت العربيه بجاز وبعدين اتنشفت بضغط الهوا...اظن سلوك البوجيهات شققت من كدا...وفيه ناس بيقولو بعد الجاز نضف ب بريل وسيب العربيه ساعه متدورهاش عشان تنشف ياترى ايه الصح
سنة كمان وهتلاقى الفيران عششت فيةاقتباس:
المشاركة الأصلية كتبت بواسطة lanos2004
:tiger::tiger::tiger::tiger:
اغسل الماتوراسبراى اسمه فوم وفنفس الوقت عازل للفيش تروشه على الماتور وتسيبه 5دقائق وتغسله بالمياة وبعد كده تنشف بالهوا وسعر الفوم حوالى 25ج مصطفى دايو
من شهر كدا غسلت الماتور
كانت العربيه بارده ورحت للبنزينة " 5 دقايق جمب البيت " وسبتها ساعة عشان كان فيه طابور لحد ما بردت تماما
بعدين غطيت الموبينة بكيس بلاستيك كويس
و غسلها زى ما أ/ ممدوح قال
بعد ما دورت العربيه تلتت دقيقه كدا بعد كدا الحمد لله اتزبطت
بس المره الى جاية بإذن الله مش هدورها الا بعد ربع ساعه مثلا تكون نزلت المية الى فيها
لف شريط لحام و استعمل اى نوع جازاقتباس:
المشاركة الأصلية كتبت بواسطة Khaled Lanos
MMamdouh
لازم تغسل مكان الجاز... حتى لو مشققش الكاوتش هيطلع بخار و تفضل ريبحتك انت و العربية جاز اكنك سواق مكروباصاقتباس:
المشاركة الأصلية كتبت بواسطة Dr Kento
الموضوع مش محتاج ساعة ولا حاجة... بعد المية دور و سخونة الموتور هتبخر كل المية
MMamdouh
الفوم دة عايز مكنة تكون اصلا نضيفة...لو المكنة متوسخة شوية ولا هيعمل اى حاجةاقتباس:
المشاركة الأصلية كتبت بواسطة مصطفى دايو
MMamdouh
فعلاً انا جربته قبل كدا و لا كانني عملت حاجهاقتباس:
المشاركة الأصلية كتبت بواسطة mmamdouh
ولو كومبيوتر عربيتك فى الغرفه ( شيفروليه لانوس او نوبيرا اوروبى ) اخلعه من فيشته بره قبل الغسيل!!!!!!!!!!!!!!!!!!!!!!!!!!! يعنى ايه الجملة دى يا أ/عصام رجاء التوضيح بالتفصيل.اقتباس:
المشاركة الأصلية كتبت بواسطة عصام غنايم
موديل عربيتى:
شيفروليه لانوس 2010
هوا يقصد شيفروليه لانوس موديلات 2012 و 2013 لان الكبيوتر بتاعهم في صدر العربيه اما شيفروليه لانوس اللي معاك 2010 زيها زي الدايو لانوساقتباس:
المشاركة الأصلية كتبت بواسطة abo malek
في رأيي زي ما قال ممدوح وده اللي انا بعمله
1- لو الحوض مش متوسخ اوي...مفيش تسريب زيت او حاجة
يبقي اما فوم او صابون الغسيل اللي في المغسلة وخرطوم مياه عادي مش ضغط عالي ويبقي كله تمام
2- لو الحوض متوسخ اوي وزيت علي الموتور
يبقي جاز علي اماكن الزيت وبعدها خرطوم مياه عادي (ممكن ضغط عالي علي اجزاء الموتور اللي عليها زيت بس وميجيش علي وصلات كهرباء)
وبعدها صابون وخرطوم مياه عادي عشان ريحة الجاز زي ما قال ممدوح
+ ملحوظة مهمة جدا حطها عصام بيه (بعد الغسيل هواء عشان الدنيا تنشف وميكنش فيه تجمعات مياه)
انا جربت الفوم دة ولا حسيت باى تغيير وكان نفسى اغسل الماتور بالجاز بس كنت خايف الصراحة ... طيب هو ينفع نغسل الماتور ببنزين ؟؟
وده تحت الكرسى اليمين مش كده؟اقتباس:
المشاركة الأصلية كتبت بواسطة biomedo
ايوهاقتباس:
المشاركة الأصلية كتبت بواسطة ABO MALEK
هوا غالبا جنب الباب اليمين ووراء فبرة الجنب اللي تحت درج التابلوه مش تحت الكرسياقتباس:
المشاركة الأصلية كتبت بواسطة abo malek
بلاش الحوار دة خالص... بخار البنزين سريع الاشتعال و ممكن تحصل مصيبةاقتباس:
المشاركة الأصلية كتبت بواسطة mody_halawa
MMamdouh
عصام غنايم يقصد بالغرفه ( غرفه المحرك ) .....