محتاج خبراتكم و تفكيركم فى اختيار وبدا مشروعى

السلام عليكم
عندى محل امام اولاد رجب المريوطية.. كنت محتاج مشروتكم فى نوع النشاط
فعلا محتاج خبراتكم وتفكيركم قبل رايكم...
مواصفات المحل: 4 * 13 عمق .. جوارى فودافون وصيدلية
الانشطة اللى فى بالى حاليا
1- محل ملابس اطفال و بعض الاكسسوارات
مميزاته : عمالة اقل-نشاط محترم
عيوبه : انه مش وسط سوق - الى حد ما موسمى
2-محل توكيلات
يعنى بفكر فى توكيل توشيبا العربى - يوتن - باكين... يعنى حاجة زى كده
لكن للاسف معنديش اى معلومة عن كيفية الحصول على وكيل معتمد
3-مكتبة لان بجانبى 4 مدارس
وبرده شغلها هيبقى موسمى
4- محل تيك اواى والمنطقة فعلا مفتقرة لمحلات الاكل
لو ينفع اخد فرع لارزاق الكوثر اللى فى المعادى... بس لسة معرفش ازاى؟
5- محل عصائر وايس كريم
زى مرطبات العائلة اللى فى مصر الجديدة
6- محل كبدة ومخ و جمبرى بس يكون محترم
7-محل ادوات صحية... واللى اعرفه ان ارباحها كويسة جدا.. بس راس مال كبير

المهم دى الافكار اللى فى دماغى حاليا... محتاج خبراتكم و افكاركم... دراسة جدوى فعلية من ارض الواقع... لو حد عنده صنايعية محترمين ملتزمين يقولى عليهم ... يعنى اللى يقدر يفدنى فى اى شىء.. يتفضل وجزاه الله خير.. عشان اقدر ابدا مشروعى

:ask::ask::ask:

إفتح حاجة تعرف تدورها علشان صباعك مايكونش تحت ضرس اللي شغالين عندك ... بالنسبة للتوكيلات ممكن تروح مقر الشركة اللي عايز توزع لها بيكون في قسم خاص للموزعين ... و ربنا يرزقك ان شاء الله بالحلال

بص بصراحه صعب الواحد يقولك تفتح ايه من غير نظره للواقع انت ادرى بظروف المكان ينفع ايه
يعنى لو منطقه سكنيه كويس وحيويه موضوع الاكل هيبقى كويس
موضوع المدارس ده حاجه كويسه ينفع مكتبه وشغلها مش موسمى ولا حاجه انت مش هتبيع الا اقلام وكشكاييل برضو انت ممكن تدخل الف صنف يندرج تحت ادوات مكتبيه وهدايا وحاجات تانيه كتير
موضوع توكيل او فرانشيز ده عاوز راس مال كبير مبدئيا ترميه للشركه
انت برضو ليك خبره فى ايه ده برضو جانب اخر
ادوات صحيه لو المنطقه فيها عماير طالعه كتير وشغل تشطيبات وكده ولازم تكون بتفهم فى المشروع عشان متخسرش كتير
ربنا يكرمك ان شاء الله :)

الف شكر ليكم .. نويت علي محل اكل والله المستعان