صدمة بكل ما تحمل الكلمة
فشل فكل شئ
احنا محتاجين بلد نعيش فيها مش محتاجين حكومة تحمي حقوق ..
عرض للطباعة
صدمة بكل ما تحمل الكلمة
فشل فكل شئ
احنا محتاجين بلد نعيش فيها مش محتاجين حكومة تحمي حقوق ..
أنا كنت قرأت الموضوع اللي حضرتك عملته ... بصدق قلبي معاك وطبعا كل كلام الدنيا مستحيل يثنيك عن الفكرة اللي في دماغك دلوقتي ... بس نصيحة من طبيب ... حضرتك محتاج إستشارة نفسية "بغض النظر عن قرار مغادرتك للبلد" لأن حضرتك اتعرضت لـ "صدمة نفسية" حادة وشديدة جدا ولازم لازم لازم تتابع مع طبيب نفسي لفترة للخروج من هذه الصدمة بأقل الخسائر الممكنة لحالتك النفسية والذهنية والعقلية ... أرجو مسامحتى على التدخل لكن حرصا مني عليك ...
على الرغم من كل الظلام اللي إحنا شايفينه دلوقتي بس لو قارنن بين وضعنا كمصر ووضع أي دولة حصل فيها ثورة في ال200 أو 300 سنة اللي فاتوا واللي كان بيحصل فيها بعد الثورة ... هنبوس إيدينا كلنا وش وضهر ونسجد شكر لله كل دقيقة على وضعنا الحالي ....
ومع ذلك كل دي عاملة زي أعراض المرض واللي لازم تطفح بالشكل القوي ده لأن المرض مش بسيط والجسد مش صحيح ... لكن هتروق وهتحلى وهتنضف وهتتقدم بإذن الله وغصب عن عين أي حد عاوز مصر تكون في القاع ... هيحصل
وإن شاء الله عيالك يا باشا دول هما اللي هيبنوا مصر بإيديهم ويفخروا في يوم إنك كنت من جيل الثورة :)
هما بس فالحين يعملو كماين عشان يقضوا على ظاهرة التفييم والزينون
وكأن الفاميه والزينون هما اللي مبوظين البلد ويجب القضاء نهائياَ على المجرمين السفاحين اللي مفيمين عربيتهم
بلد فاشلة وحكومة فاشلة ومليش نفس اشتغل ولا ليا نفسي لاي حاجة غير اني ادعي ربنا يخرجني من البلد ............ دي على خير
تنبيه بمراعة أنتقاء الألفاظ
م ع 3
حصلتلي حادثة سرقة في طريق مقطوع بالليل
والعربية غرزت..وأنا جريت منها
وروحت بلغت عن سرقتها
.
ماعرفوش يطلعو العربية من غرزتها..سرقوا الي فيها ومشيو
وانا ماروحتش بلغت اني لاقيت العربية تاني
ومن ساعتها(من 8 شهور اهوه) بعدي على كماين وعربيتي متبلغ عنها
عادي
وبيشوفو الرخص
وعادي
ولون عربيتي مخالف للي في الرخصة اساسا
وعادي
بيسسسسسسسسس
علشان نحل المشكلة لازم نعترف ان هناك مشكلة
للاسف الكلام ده بيحصل قبل و بعد الثورة
في ناس تريد ان ترمي المشكلة على الثورة و لكن للاسف هذا لن يحل المشكلة
و في ناس ترمي كل مشاكل مصر على حماس و غزة وللاسف هذا لن يحل المشكلة
و في ناس تحمل الاخوان او الفلول او او او
لا بد من معرفة الاسباب الحقيقيةلحل المشكلة
الحقائق:
- الرئيس من الشعب
- الحكومة مش شايفة شغلها من الشعب
- الشرطة مش شايفة شغلها من الشعب
- الاطباء و الممرضين مش شايفة شغلها من الشعب
- المدرسيين مش شايفة شغلها من الشعب
- المتحرشين بالنساء من الشعب
- اللي بيركنو صف تاني و تالت و امام الجراجات وعلى الرصيف من الشعب
- موظفين الحكومة المرتشيين عيني عينك من الشعب
الحل
- تغيير الرئيس و الحكومة فقط لايكفي
- يجب ان نغير انفسنا
لما كل واحد فينا يتقي الله في عمله و يحلل القرش اللي بياخده انشاء الله لو جنيه طالما ارتضى العمل بهذا الاجر منذ البداية
الخلاصةعشان ماطولش عليكم
مشكلة احقيقية فينا احنا مش في البلد
البلد دههي المظلومة معانا مكن لوفيها شعب تاني كانت بقت احسن بلد في العالم
يا ريت متزعلوش مني
عارف خايف اكتب كلام آخد حظر من المنتدى
شوفوا بقى كل اللى يقرأ تعليقى ده يتخيل انا كنت عايز اقول ايه
وخلوا طموح الخيال يبعد جدا جدا
يعنى استخدموا فى تفكيركم اقسى الالفاظ مش تعمل حظر بس لا........و تدخل السجن كمان علشان يأمنوا لنا مكان نعرف نعيش فيه بدل قانون الغابه الحالى
لا حول ولا قوة الا بالله
مش عارف اقولك اية يا دكتور مصطفي
بس الحمدلله انها جت علي قد كدة
اللي يقبل علي نفسة الحرام ومياخدش عقابة في الدنيا هياخد عقابة في الاخرة اشد
الحمدلله انها جت علي قد كدة وان حضرتك بخير
حمدلله على سلامتك البلد فعلا بايظة وفعلا المنطقة دي خطرة ربنا يسترها