الموضوع: عاوز افتح حساب بنكى فى مصر علشان سفر السعودية

شكرا يا أبو صلاح ..تمام ! أنت جاوبت على معظم تساؤلاتى ولكن الحساب اللى بالدولار ممكن أى حد فى مصر يودع فيه أموال بالجنيه المصرى ؟ وهل فيه مميزات ؟

العفو ياباشا
حساب الدولار لازم يكون التعامل عليه بالدولار سواء سحب او ايداع خصوصا في الفترة الحالية لوجود الازمة المعروفة

أنا حشترى الدولار فى مصر ب 7 جنيها مصريا لوبعد فترة نزل سعر الدولار ل 6 أو 5 ونصف جنيها مصريا مش كدة حخسر بالذات إن سعر الدولار غير مستقر ! يعنى لما أفتح حساب بالمصرى وأحول من السعودية من دولار لمصرى فيها خسارة بسيطة إنما نزول الدولار فجأة حيبقى أكتر من خسارة ..أنت رأيك إيه ؟أنا سمعت إن مصاريف السحب من الحساب اللى بالدولار تقريبا 15 دولار

اللي انت بتتكلم فيه ده معيار سوق سوداء وهو لايعتبر المعيار الرسمي
وطبعا لما قيمة الجنيه يعلى قصاد الدولار ده كويس لكل الاطراف سواء الدولة او الاشخاص
لان القيمة الشرائية للجنيه هتزيد والفجوة بتاعة السوق السوداء هتقل لحد ما تتلغي
مافيش اي مصاريف سحب ولا ايداع على الحساب الدولاري

المشاركة الأصلية كتبت بواسطة mazagangee

افتح حساب في النك الاهلي المصري او بنك مصر بالدولار و لا الجنيه ؟ و لا بنك تاني ؟
هل الحساب باسمي و لا باسم حد تاني ؟ هل تفرق ؟
لما ابعت فلوس هبعتها بالريال و لا بالدولار ؟
تكلفة التحويل ؟ ايه الفروقات بين التحويل على حسابي او الحوالة ؟

انت هتفتح حساب في البنك الاهلي بالدولار باسمك (او بنك مصر)
لما تبعت فلوس انت تقريبا مجبر تبعتها بالدولار على الاقل علشان فرق العملة انت اولى بيه
التحويل هيتم اما على رقم حسابك انت في البنك الاهلي او باسم اي شخص بدون مايكون ليه حساب في البنك الاهلي هيجيله رسالة على موبايله ويروح يستلم الفلوس من على الشباك
تكلفة التحويل من السعودية في مكانين هم الاشهر في السعودية حاليا للتحويل :
1- تحويلات الراجحي تكلف 20 ريال في كل عملية تحويل بحد اقصى 50 الف ريال يوميا
2- بنك انجاز تكلف 16 ريال تقريبا في كل عملية تحويل ومش عارف الحد الاقصى كام لاني مش بتعامل معاه
وعادة مدة وصول التحويل لمصر لا تتجاوز 24 ساعة عمل
في مصر اثناء استلام المبلغ يتم خصم 2 دولار من المبلغ اي كان ويتم استلام الفلوس اما دولار او بالجنيه بسعر صرف البنك (وده مش في صالحك لانه بيفرق عن مكاتب الصرافة بما لا يقل عن 50 قرش للدولار)
بنك مصر هيحاولوا يضغطوا عليك علشان تستلم جنيه وعلشان كده انا بحول على البنك الاهلي المصري

اي استفسار تاني ؟