السلام عليكم
ياجماعة انا ان شاء الله ناوى اشترى اسبرنزا a113
بس انا شاب يعنى يوم مابنزل اخرج بالعربية ولا 4 ساعات على ماتقف يعنى بمعنى اصح عاوز حاجة موفرةةةةةةةةةةةةةةةةةة جداً فى استهلاك الوقود لدرجة انى فكرت فى دايو ماتيز عشان 800 سى سى بس للاسف مرتحتش فى قعدتها
فعاوز رأيكم بالنسبة لإستهلاك الوقود
تانى حاجة الناس بتقول ان موديلات العربية لحد 2009 كان فيها مشاكل فى التقفل والعفشة
عاوز اعرف المشاكل دى اتحلت فى 2010 ولا الموديلات كلها شبه بعضها ؟؟
شكراً مقدماً
استهلاك البنزين كويس.
- مفيش مشاكل فى التقفيل كبيره بس العفشه ناشفه و محتاجه تتربط كل فتره من الاخر مناسبه لشاب بس مش بتاعة غرز و حرق يعنى الاستعمال الطبيعى و هى مناسبه كقيمه مقابل الفلوس
الف شكر لحضرتك
سؤال بس , هو تربيط العفشة بتاعها مكلف ؟ اصل انا من المحلة والشوارع عندنا زفت بصراحة
تربيط عفشه اي عربيه مش الا سبرانزا علي وجه الخصوصاقتباس:
المشاركة الأصلية كتبت بواسطة bam8572
العفشجي بتاعك بتدي له 10 جنيه ويرفع العربيه وما بتاخدش 5 دقائق
طيب والموديل الله يكرمك
الموديل ؟؟ ابعد عن موديلات كام ؟؟
ياباشا اى موديل مفيش موديلات فيها عيوب و لا حاجه . انا واحد صاحبى معاه 2009 زى الفل و انا معايا 2011 ماشاء الله اتوكل على الله و متقلقش و اى استفسار انا تحت امرك
شكر لمرور الجميع
كنت عابز اعرف اخبار العزل ايه لما تكون قافل الزجاج بتبقي معزول عن العلم الخارجي ولا ايه معلش السؤال خارج الموضوع الخاص بحضرتك بس انا ناوي اجيب العربيه وانت عارف الرعب لما تجيب عربيه جديده و كمان صيني وتسمع الفتاوي والكلام الي الكل عارفه فقلت خليها مغمره ويارب تكون ناجحه
طب معلش ياريت تذكر لنا معدل استهلاك البنزين كام في الزحمة وفي الطوالي (دائري مثلا)
وياريت لو في موضوع بتقييم شامل للعربيه دي حد يذكره هنا