الموضوع: حاجة تضايق

ولا ليها حل
اتعود عليها كده و خلاص و تعايش

حصلت حاجة مشابهة مع واحد جاري كان راكن العربية تحت بيت وكان لسه بيتبني ومحدش كلف خاطره وقال له يحوش العربية فاترمى على العربية أسمنت وزلط بهدل كل العربية بما فيها السقف والشنطة والكبوت وكسرت الإزاز ومكنش في حل غير انه يدهن كل ده من جديد ويوديه لحداد يستعدله

وأنا حصل معايا موقف مشابه واحد حب يقعد يريح ملقيش غير العربية بتاعتي حط كرسي وسند عليها بضهره ومع الوزن بتاعه الرفرف اتفعص جامد ولما شفته كنت زعلان ورحت عدلته لكن لسه مش مستوي زي الأول في تعوجات بس مفيش حل

وللأسف محدش بيهمه حاجة حد ، ده أنا ممكن اكون راكن العربية في شارع طويل عريض ومطلعها على الرصيف وألاقي واحد راح ركن العربية بتاعته بعرض الشارع ، أي عربية تانية هتعدي لازم تحك وتسلم بالأحضان على عربيتي على الرغم اني مش غلطان ولو جيت تكلمهم يقولولك " دي حكة يا بيه فدت حاجة فدت حاجة " ،
عادي :):):)
فللأسف مفيش حل غير انك توديه لحد يعدله قدر الإمكان

كنت واقف في الجراج الخاص بينا , وكان في فيلا جنبنا بتتبني المهم واحد من العمال وهو شغال وقع من ايدو سيخ حديد

طبعا السيخ نزل اتهبد على سقف العربية وكانت العربية لسه جديدة مكملتش شهرين .... المهم طبعا المنطقة اللي وقع عليها السيخ من ارتفاع على سق العربية طبق الحته اللي وقع عليها

وديتها التوكيل الراجل شافها قالي خليها كدا لأنك لو عملت حاجة في السقف مضطرين ندهن السقف كلو وطبعا ده هينزل كتير من تمن العربية لأنو لعب في السقف

فقالي اعتبرها عين وجت فيها وسيبها كدا ونصيحة بلاش تلعب فيها وبصراحة كان كلامو منطقي وفعلا معملتش فيها حاجة وخلاص اتعودت عليها :)

يعني كأنها مش موجودة وخصوصا انها حته صغيرة يعني مش باينة خالص