أكتر موديلات بتتميز برعونة قائديها

**the_air_devil** · 12-11-2012 08:20 AM

بسم الله الرحمن الرحيم

بالتأكيد من ملاحظاتنا واحنا سايقين , بنشوف قائدي سيارات طريقتهم في القيادة سيئة للغاية وبتفكرنا باللي فارد عضلاته وعامل فيها فتوة, أو في اللي محرك عربيته بيغره ويخليه يفتري على خلق الله, أو اللي عمال ياخد غرز ويضيق على الناس طرقهم .....

طبعاً مش محتاجين نقول ان مراعاة حق الطريق فرض وربنا هايحاسبنا عليه , وان كل من ضيق طريق أو تسبب في ربكة وحادث سوف يسئل أمام الله ويحاسب ويعاقب على عمايله السودا الهباب دي

ومؤخراً طلع بحث أجنبي بيؤكد ان قائدي السيارات البي إم دابليو هم أخطر الناس وأشدهم رعونة في طرق ألمانيا .... ممكن علشان القدرات المتميزة للعربية بتغرهم أو هما حاسين انهم أعلى من باقي البشر ..... أو واحد شاريها مخصوص علشان بيتأخر عن شغله وقدرات العربية بتلحقه ... المهم ان فيه أسباب كتير جداً

لكن حبيت نشوف الموضوع في مصر ونعمل استطلاع بسيط , نقدر نحدد منه أكتر وأشهر موديلات للسيارات بتمثل خطورة من واقع قيادة اللي سايقينها , وبالطبع احنا مش بنقلل من شأن العربية ولا بنعمم الاتهام بالرعونة , لكننا بنحاول نحدد أكتر الموديلات اللي بتمثل مشاكل على الطرق المصرية

ملحوظة: تم استثناء كل موديلات الميكروباص/ الربع نقل/ النصف نقل/ الشاسيه الطويل/ المقطورة/ المينيباص ...... لأنهم أغنى عن التعريف بكل البلاوي اللي بيعملها سواقينهم (بنسبة 99% منهم خطرين).

نبدأ الاستطلاع ...بسم الله