الأصدقاء الأعزاء
عربيتي لانسر بومة 2008 خليجي 1600 اتوماتيك ....
المهم العربية أول مرة تزور التوكيل في حياتها يوم السبت الماضي وبعد ما تمت 65000 كيلو متر ، وكان توكيل الرواس في العبور الصراحة توكيل ممتاز ..............
المهم عملت صيانة 60000 كيلو متر وهي عبارة عن تغيير زيت الفتيس (6 لتر) وتغيير فلاتر (هواء+تكييف+بنزين) وتغيير بوجيهات والكشف علي الفرامل والعفشة والكهرباء والموتور ودورة التبريد وتنظيف البوابة واسبراي مانع الصداء للمقصات.
المهم الموضوع ده إتكلف 2153 جنية مصري شامل الضريبة وذلك (بدون غيار زيت المحرك لأني غيرته علي 60000 كيلو متر)
وسألت مهندس الاستقبال علي موعد تغيير السيور فقالي بنعملها في صيانة 80000 كيلو متر وتكلفتها 1500 جنية .....
السؤال المهم : سألت مهندس الأستقبال (فقط للتأكد) عن كمية زيت الموتور لما أجي أغير الزيت فقالي 4.5 لتر بالفلتر ......... مع إني لما غيرت الزيت سألت العامل عن الكمية فقالي 3.5 لتر بالفلتر ............ وسألت واحد قريبي معاه نفس العربية بس موديل 2007 فقالي 2.5 بالفلتر .....
فسؤالي لأخوتي في المنتدي أي هذة الارقام صحيحة ؟ ( 4.5 - 3.5 - 2.5 ) لتر بالفلتر