احد من يسكن في شارعنا كان يعمل قي اتصالات السعودية زي مندوب مبيعات
سرقله مليون ريال وجه قاعد يبعزق فيهم اهوه
يعني خاف من المصريين ما تخافش عليهم:44::Copy of rfds:
عرض للطباعة
احد من يسكن في شارعنا كان يعمل قي اتصالات السعودية زي مندوب مبيعات
سرقله مليون ريال وجه قاعد يبعزق فيهم اهوه
يعني خاف من المصريين ما تخافش عليهم:44::Copy of rfds:
مش محتاجه يا باشا تقول المصريين بيعملوا ايه بره
في مثل بيقول (البلد اللي مالكش حد فيها.... )و انت بقي اكيد عارف الباقي
و اصلا المصرين خلقه مقضينها كده في بلدهم يبقي هنستني ايه منهم بره
و تقولي هدي اعصابك
دي شعب يجيب شلل
انا برده جنبي عائله سوريه مأجرين الشقه اللي جنبي ..
رغم انهم بيرموا الزباله قدام باب الشقه عندي بس مستحملهم ..
بس مره فتحوا الباب وانا واقف لقيتهم معلقين صورة بشار ..
ومن ساعتها ومش طايقهم ..
اما بالنسبه لموضوع شغل الاسنان العك اللي بيعملوه
..فيه قانون بغرامه 30 الف وحبس 3 سنين ..لكل من يمارس مهنة طب الاسنان من غير تصريح مزاولة المهنه ..
لأن كان انتشر جنسات اسيويه برده بتلف علي القهاوي بتعمل الهبل ده ..
بالاضافه طبعا لفني الاسنان اللي سعات برده بيعمل فيها طبيب اسنان ..
وكل ده عك * عك ..ده غير انه نصب لأ كمان ممكن ينقلك امراض خطيره .
عيب و الله - منقول
اللاجئون السوريون فى مصر.. وصمه عار فى حق مصر.. لن ينساها التاريخ.. وان فعل.. فلن ينساها السوريون...
اللاجئون السوريون في مصر... (مع التحفظ على مصطلح لاجئون) :
المشهد الأول :
مدينه السادس من اكتوبر.. مساءا....
قابلت السيد (أحمد) و السيد (أبو أنس) السوريين... نظرات متحفظه و خائفه.. حتى بعد الاطلاع على اوراقى الثبوتيه.. النظام السورى يطاردهم فى مصر أيضا !!! وبعد ثبوت حسن النوايا.. وزوال التحفز من جانبهم... تحولت نظراتهم الى الرجاء...
أخذونى الى منزلهم المؤجر.. شقه بها 4 عوائل.. غير أقارب.. لا مجال للخصوصيه.. حوالى 35 شخص فى شقه من اللى بنقول عليهم ( بتاعت البواب.. ايجارها 2000 جنيه؟؟!! ) و بعد تقديم كوب من الشاى, واعتذارهم ان الشاى بدون سكر علشان مفيش سكر..
قدمت نفسى لهم.. وكان أول سؤال : حضرتك تبع أى جمعيه خيريه؟ أجبت: لأ والله... فقال بتنهيده: الحمد لله.. سألت: ليه ؟ قال: لأن أنت لو تبع جمعيه ما فلا أمل منك !! سألته : ليه؟ فرد : عشان بقالنا 4 شهور بنلف على جميع الجمعيات الخيريه فى مصر.. رساله.. الاورمان.. الجمعيه الشرعيه.. الجمعيه الخيريه المنسوبه لأحد لاعبى كره القدم.. محدش اداهم ولا حتى 100 جنيه.. تعددت الأسباب والنتيجه واحده..!! لا مجيب.
المشهد التانى :
أبو أنس يقول ( وهو يبكى بكاءا هستيريا):
حالنا الان فى مصر كلاجئيين لا يختلف عن حالنا عندما كنا فى سوريا.. لدرجه ان ثلاث عوائل رجعوا سوريا بالفعل.. لا نجد ما نطعمه لأطفالنا.. لانملك ثمن أدويه أمراضنا المزمنه كالضغط و السكر و القلب.. مرضانا المسنين توقفوا عن تناول ادويتهم لتوفير المال لشراء طعام لأطفالنا... لاتوجد بطاطين لأطفالنا الذين ينامون على البلاط.. اذا استطعنا توفير وجبه طعام للغداء.. فلا عشاء.. و ان وجد يكون فاسدا لأننا لا نملك ثلاجات... أطفالنا توقفوا عن الدراسه.. لا نستطيع تحمل مصاريف المدارس..
و يكمل ابو انس: فى حرب العراق.. عندما كان اللاجئون العراقيون ينزحون الى سوريا كنا نسكنهم بيوتنا و نتقاسم معهم الطعام.. لا لشيئ الا أنه كان واجبنا.. لم نتخيل للحظه أن نكون فى نفس الموقف ولا نجد المساعده..
ثم توقف عن الكلام بسبب الانهيار العصبى.
(ملحوظه: رأيت هذا بأم عينى.. أمراض سوء التغذيه الشديده..
السيده المسنه اللى سكرها 600 و فى شبه غيبوبه و ترفض العلاج لتوفير الطعام.. مريض القلب اللى صدره غارق فى الارتشاح ووجهه المزرق لأنه لا يوجد تمن أمبول مدر البول (أبو تلاته تعريفه).. عم ناصر اللى رجله مكسوره فى اصبعين عشان مفيش ثمن الجبس.. والله)
ياساده.. يامسلمين.. لجئوا الينا و هم فى كروب كثيره.. ولم يجدوا المسكن.. ولا الطعام ولا العلاج ولا الرعايه النفسيه ولا فرص العمل
ولا الأمان ولا الكرامه.
يا ساده.. يا مسلمين.. أهذه هى نصره المسلمين؟؟ أهذا هو الجهاد بالمال.. أهذا هو اطعام المحتاج؟؟
المشهد الأخير:
بعد مغادرتى وأنا فى طريقى الى السياره.. جرى ورائى طفليين فى السابعه و التاسعه من العمر و قالولى :
دخيلك عمو.. نبوس ايديك, ترجعلنا تانى.. ماتسوى متل باقى الناس اللى جم زارونا وماجم تانى..!!
لله الأمر من قبل و من بعد.. لله الأمر من قبل و من بعد..
-----------------------------------
لمن بقى فى قلبه رحمه أو انسانيه أو اسلام.. اخواننا السوريين فى حاجه الى التالى:
1- بطاطين و اغطيه و فرش بسيط للمنازل يقيهم البرد.. و تلاجات لحفظ الطعام
2-ملابس شتويه ( جميعهم فروا بما عليهم من ملابس.. حتى النساء فروا بملابس المنزل) الشتاء قادم و مدينه 6 اكتوبر برد.
3- طعام.. اه والله هم بحاجه الى الطعام.. الاطفال متضورون جوعا)
4- المال لدفع ايجارات السكن
5- البان اطفال, حفاضات اطفال (لمن لم ير .. الاطفال جلدهم واقع من التسلخات)
6- أطباء و مدرسين متطوعين
7- أدويه اطفال و ادويه الامراض المزمنه للكبار
8- الدعم النفسي و الانسانى..
9- اجهزه قياس السكر و الشرائط
ياساده.. من لم يهتم بأمر المسلمين فليس منهم.
وهذا ايضا حال مصريين كتير فى بلدهم
والله إحنا فى عون أخوانا السوريين واللى بيقدر على حاجة بيعملها ولكن الغريب إن فى ناس مأجرة شقق بسعر غالى وطبعا منهم لله أصحاب الشقق اللى بيستغلوا الموقف نفسى السوريين يكونوا رابطة أو أتحاد ويساعدوا بعض لأن فعلا فى منهم أغنياء وبلاش شغل البروباجندا والشو اللى لا يودى ولا يجيب اللى بيعملوا الشباب عند مسجد الحصرى
السوريين أنفسهم هم من يستطيعون ان يساعدوا فقرائهم وطبعا معاهم المصريين ولكن المواطن المصرى مهموم ومثقل بأعبائه وكان الله فى عون سوريا
الشعب المصرى عظيم ويظهر معدنه الحقيقى عند المحن فبلاش كلام من اننا سيئين أو اننا شعب همجى لأن مصر مهما مرت بصعاب تظل قلب الأمة النابض
لو نزلت قرى الصعيد وشفت اهلها هتعرف ان المصرى مش هيعرف يتصرف لان كرامته بين جيرانه وقرايبه ممكن توجعه هتعرف حال المصرى لو نزلت للناس اللى تحت أكتر روح منطقة شعبيه فى اول السنه الدراسيه اقف عند المدرسة شوف كام اب بيخرج يكلم نفسه من ارتفاع المصاريف فى مدرسة خكومية عرفت يا احمد خليك واقعى شوف حال ابن بلدك