يعنى ايه بريدج وكلاينت واكسس واخواتهم دول ويفيدوا فى ايه
عرض للطباعة
يعنى ايه بريدج وكلاينت واكسس واخواتهم دول ويفيدوا فى ايه
بربدج يعني جسر يعتبر ربط بين اكسس واخري والكلاينت يعني عميل برضه قريبه من فكره الجسر بتاخد وايرلس من اي اكسس تاني والريبيتر برضه كذلك يعتبر مقوي لما يكون عندك شبكه وايرلس وتكون الاشاره واصله ضعيفه مثلا لما بتعمل الوضعيه دي بتاخد الاشاره الضعيفه وتعيد بثها وتلاقي الاشاره عندك بقيت فول اما ال pppoe بتفيد في حاله لما تكون واخد وصله من شبكه وصاحبها مشغلها ميكروتك علشان يتحكم في عدد الاجهزه بمعني انك متقدرش تشغل غير جهاز واحد برضه لما تفعل خاصيه ال pppoe فصاحب الشبكه مش هيشوف غير الماك ادرس بتاع الاكسس بينما انت تكون مشغل علي الاكسس اكتر من جهاز معلهش اعزرني لعدم الشرح التفصيلي واطلب الاتصال بصديق احمد كمال :allo:
حضرتك شرحت كل حاجة وأسلوبك سهل وجميل خللى ابو حميد فى حاجة تانية
اللي عندي دلوقتي netgear هو كويس اوي بس linksys اللي كان عندي قبله كان احسن
انا مهندس اتصالات وتخصصى فى الواى فاى بس للشركات طبعا الاكسس بوينت الاوت دور تمنها بيعدى 10 الاف ودية بتبقى اكسس بوينت خرافة بس من خبرتى لو عايز اكسس بوينت للبيت هات ruckus وعمرك ما هتشوف اكسس بوينت زيها
طيب كده بصراحه تبقي جيت في وقتك وعندي استفسار لو سمحت بعد اذن الاستاذ a.saad طبعا
انا عندي البيت ٤ ادوار ولما بطلع علي السطح واعمل سكان بشوف شبكات كتير وطبعا لما بنزل تحت ما بشوفش ولا شبكه فكرت في البولت 2h مع انتينا هايبر لينك ١٥ db وطبعا دي هتكون محطه استقبال لا يعلي عليها وطبعا الكلام ده لما اركب سلك الشبكه في الكمبيوتر ولكن انا عاوز اركب سلك الشبكه الي نازل من البوليت في اكسس تانيه تكون داخل الشقه فهل ينفع الموضوع ده
بمعني اخر انا عاوز لما اعمل سكان داخل الشقه يجيبلي نفس الشبكات الي بشوفها وانا علي السطوح فا أيه المعدات الي انا محتاجها لتنفيذ الموضوع ده
نفسى حد يعرفنى بس الطريقة اعتقد انها سهله لكن مش عارف اوصلها
انا عايز اطول الانتنه لبره البيت من الاكسس لان اخويا فى الدور التانى مش بيشوفها غير شرطه واوقات بتقطع ايه السلك والادوات المطلوبه علشان اطول الانتنه؟
أنا عندى TP link وشغال معايا له سنتين كويس جداً ولا بيهنج ولا بيقطع ولا حاحة
أنا عارف انه مش أحسن الأنواع جنب اللى بتقولوا عليه ، بس حبيت أنقل خبرتى.
أول ما اشتريته كنت حاطه فى البلكونة ، وجه عليه مياه من الأمطار (مياه بطين) بعد 3 شهور من الاستخدام ، وفصل طبعاً ، فقلت أجرب الضمان (استهبال يعنى من ناحيتى) ، بس فوجئت انهم صلحوه ورجعوه زى الفل بدون أى تكلفة.
.........