عرض للطباعة
الاعضاء الكرام
عندي مشكلة واجعة دماغي
لما ادور العربية الاقي دخان ابيض طالع من الشكمان ولما العربية تسخن الدخان يروح و الاقي الشكمان بيجيب نقط مياة ( رزاز )
ودا مش الصبح بس لكن في اي وقت في اليوم
روحت للميكانيكي قالي العربية تمام بس حاسس انو مش فاهم
بس موضوع الدخان دا راوشني
ياريت لو تساعدوني
ولكم كل الشكر
اعتقد يا باشا ان ده كاوتش الصباب محتاج يتغير عندك..اقتباس:
المشاركة الأصلية كتبت بواسطة ma7mod0000
و استنى بردوه اراء الخبراء بتوعنا
الدخنة اللى بتطلع من الشكمان بيبقى لونها ازرق كدة
لو ازرق يبقى كاوتش صباب
ده كاوتش صباب. لكن رذاذ المياه ده معناه ان خليط البنزين والهواء وظبوط ودي حاجة كويسة طبعا.
بالنسبة لكاوتش الصباب هتروح لميكانيكي فاهم ونضيف يعملهولك.
اولاً شكراً على الرد
الدخان ابيض
كمية كبيرة في الاول وبعدين بتقل لغاية لما تروح
و ياترى موضوع كاوتش الصباب دا يتكلف كام ؟؟؟
وهل انا محتاج احط العربية على الكمبيوتر
ولو حطيتها على الكمبيوتر هيبقان المشكلة فين ؟
اقتباس:
المشاركة الأصلية كتبت بواسطة ma7mod0000
بص ، انت علشان تتأكد فعلا انه كاوتش صباب ، الدخان ده مش بيبقى في بداية التشغيل فقط وانما لو سايب العربية دايرة سلانسيه من غير ماتزود لها بنزين ومفيش دخان خارج من الشكمان ، خلي واحد صاحبك يدوس لك بنزين وانت واقف جنب الشكمان ، لو هو كاوتش صباب هتلاقي دخان تاني خرج من الشكمان وبعدين هينتهي وبعدين سيبها دقيقة دايرة وخليه يدوس تاني هتلاقي دخان تاني. عموما انا والشباب متابعين معاك .
كاوتش صباب
الدخان الابيض ده علميا يعني في زيت بيدخل في غرفة الاحتراق وده ليه كذا سبب:
1-ممكن يكون دليل الصباب(زي ماقالوا الاعضاء المحترمين)وده يتكشف عليه بفك فوش السلندر ويبيصب الميكانيكي بنزين من فوق الوش و يشوف في تعريق حوالين الصبابات من ناحية الغرفة ولا لا....لو فيه ده مش غالي تقريبا في حدود 60-150 حسب النوع.....
2- ممكن يكون في شنبر وحش حوالين احد البساتيم وده زي مقال العضو المحترم لازم حد يدوسلك بنزين جامد و تشوف في دخان ولا لا....
3- ممكن جوان وش السلندر يكون في حارة من بتوع الزيت الجوان مصص من حواليها و رشح لبستم او اكتر وده بيبان لما تفك وش السلندر قبل ما تلعب في الصبابات ....
انا راي تحط زيت شنبر امريكي (علبة اصفر في اخضر) حوالي 1\2 كيلو وتشوف النتيجة الاول واعتقد انه يجيب نتيجة بأذن الله....
ملحوظة::::::لو الزيت عندك بينقص جامد ممكن يكون 90% الشنبر-لو خفيف يبقي دليل الصباب
متابع
متابع
شوف لو عربيتك بتدور من لمسه -يبقه كاوتش صباب ناشف وعاوز يتغير -لو بتغيب فى الدوارة يبقه رشاشات
هو مش من الطبيعى انها تدور من اول لمسه؟اقتباس:
المشاركة الأصلية كتبت بواسطة lanos2004
الطبيعى تدور من اول لمسه بس لو الرشاشات فيها مشكله هتغيب فى الدوارة وهتطلع دخنه بيضاء فى الاولاقتباس:
المشاركة الأصلية كتبت بواسطة rabso88
قصدك دخنة سودة يااحمد
مش كدة برضوا
الرشاشات بتعلم دخنه بيضاء ولو الحريق مش تمام هتعمل دخنه سودا-عن تجربه فى ماتور مش بينقص نقطه زيتاقتباس:
المشاركة الأصلية كتبت بواسطة ahmed nasser
طيب مانا عربيتى بدخنة دخنة بيضة الصبح وتختفى
ولما بتكون سخنة وكبس جامد بطلع دخنة سودة
ومفيش نقص فى الزيت
انا عندى الرشاشات بايظة بس هل هتكون مسؤلة عن الدخنة البيضة؟؟
الرشاشات لو بايظه اول ما تفتح الكونتاكت بترمى بنزين زيادة جوه الماتور وبيطلع على صورة دخان ابيض-ولو الكهربا عندك مش مظبوطه هتطلع دخنه سودة كماناقتباس:
المشاركة الأصلية كتبت بواسطة ahmed nasser
طقم رشاشات 150 جنيه واشترى دماغك
هغيرها ان شاء الله بس هغير طرمبة البنزين الاول لان العربية اخرها تمشى 2 كليو وتقف
شوف الطرمبهاقتباس:
المشاركة الأصلية كتبت بواسطة ahmed nasser
الماتور الاصلى 250 جنيه-------الطرمبه كامله اصلى 450 جنيه
الماتور الصينى 80 جنيه-طرمبه صينى 230 جنيه
انا عندى طرمبة البنزين الخليجى ومختلفة تماما عن المصرى
فى الكيسنج والماتور
نهار ابيض -طيباقتباس:
المشاركة الأصلية كتبت بواسطة Ahmed Nasser
طب انا عندى دخنه سودا والرشاشات جديده و مش بتغيب فالدوارة
ههههههههههههاقتباس:
المشاركة الأصلية كتبت بواسطة lanos2004
طيب ايه
يبقى حط العربية على الجهاز ممكن يطلع حساس المية او حساس الشكماناقتباس:
المشاركة الأصلية كتبت بواسطة midooo_119
الدخنة البيضه الصبح اويل سيل الصباب سعره حوالى 65 اصلى هتفك وش السلندر ويروح للخراط يغير اول سيل هياخود حوالى 100ج وهتجيب جوان وش سلندر 30 وجوان مانفولد 15ج جوان فرن 15ج ومصنعيه المكانيكى حوالى 150ج مصطفى دايو
نفس مشكلة حضرتك عندى و الميكانيكى قال لى بلاش نفك علشان نغير كاوتش الصبابات لانة ممكن تفتح شغل و تكون مشكلة شمبر او عمرة لا قدر اللة و بكدة نفتح شغل
ماهى المشكل لو كانت جلد او اى حاجة فى الصبابات و اهملنا فيها هل لها تاثير على المدى البعيد غير نقص الزيت