طلب المشورة من اخواني في قسم هيونداي بخصوص اكسيل

السلام عليكم ورحمة الله وبركاته

اخواني في قسم هيونداي
تحياتي

والله انا ليا احد الأصدقاء (وعزيز عليا اوي) قدامه اكسيل هاتشباك موديل 93 (بصراحة اول مرة اسمع الموديل دة)
المهم
العربية فبريكة برة وجوة
جنوط اسبور
عداد 140 الف شرعي مش ملعوب فيه
فرش الأبواب والصالون بوجه عام بحالة جيدة
تكييف (بس مش عارف شغال ولا لاء)
مافيهاش كاسيت ولا سماعات ولا سنتر ولا حتي زجاج
شوية خدوش من الخوارج وفيه كام فانوس طايرين (بس مش هي دي المشكلة)
صاحبها مكححها بنزين 80 لما عدمها العافية
يقال ان الموتور بحالة جيدة

معروضه عليه ب28
ويبدو انه ادي كلمه فيها - وانا للأسف ماروحتش معاه وهو بيتفرج عليها

انا شايفها غالية
انتوا رأيكوا ايه ؟؟؟

وللعلم
هيشتريها من واحد صاحبنا تاني - يعني البايع صاحبي والشاري صاحبي

ياريت اسمع ارائكم، ولكم مني جزيل الشكر ووافر التحية

والله المستعان
،
،

ﻻزم تنزل دي مفيهاش كماليات غير التكييف (الله أعلم شغال وﻻ ﻷ) ..

اعتقد دي الكوري مش المصري وده توبها فعلا
27 او 28
خاصة انها فابريكة برة وده يساوي فلوس بتاع 2 زيادة

26 سعر عادل يا محمد

25 اللف لو بدون مصاريف..........26-29 ده سعر السيدان 1300-1500 مفيش اكسيل هشباك بالسعر ده الا لو سليمة تماما(يعني صاج وعفشة ودوكو وموتور)والله اعلم......وموفق في الشراء بأذن الله

ماتخليه يشوف لانشيا ديدرا ويسيبو من الاكسيل وخصوصا ان مافيهاش كماليات وهات باك ولو هيجيب ال 1500 سيدان احسن بكتييير

يا جماعة بيقولك فابريكة برة
عربية من 93 فابريكة برة يعن ببوية الشركة
انا دفعت في عربية اختها سيدان 95 1300 تكييف بس ازيد من تمنها 3 الاف جنيه عشان كانت مافيهاش قلم بوية برة وكان ده طلب اخويا

أنا شايف أن ده سعر معقول لو أساسيات العربية كويسة (موتور - عفشة - .....) و مش مهم حتي البوية فابريكة و لا مش فابريكة

اقتباس:

---

المشاركة الأصلية كتبت بواسطة heshoo shosha

ﻻزم تنزل دي مفيهاش كماليات غير التكييف (الله أعلم شغال وﻻ ﻷ) ..

---

بجد مش عارف شغال ولا لاء
بس هو في هيونداي نزلت تكييف بس ؟؟؟

اقتباس:

---

المشاركة الأصلية كتبت بواسطة karim_monir

اعتقد دي الكوري مش المصري وده توبها فعلا
27 او 28
خاصة انها فابريكة برة وده يساوي فلوس بتاع 2 زيادة

---

فعلا دي الكوري
اعتقد لحد 95 كان كوري

انت شايف كدة ؟؟؟؟

اقتباس:

---

المشاركة الأصلية كتبت بواسطة فادى محمد

26 سعر عادل يا محمد

---

انا قولتله لحد 25 تمام

اقتباس:

---

المشاركة الأصلية كتبت بواسطة egyptodentist

25 اللف لو بدون مصاريف..........26-29 ده سعر السيدان 1300-1500 مفيش اكسيل هشباك بالسعر ده الا لو سليمة تماما(يعني صاج وعفشة ودوكو وموتور)والله اعلم......وموفق في الشراء بأذن الله

---

علي فكرة الهاتش اغلي من السيدان - الهاتش كوري
وهي 1300
اللي انا متأكد منه - انها فبريكة والموتور بحالة جيدة لكن عايزة بصراحة شوية شغل سمكرة واكصدامين وفانوس خلفي وفانوس اشارة والفانوسين الأمامين مضلمين

ربنا يخليك

اقتباس:

---

المشاركة الأصلية كتبت بواسطة koshary

ماتخليه يشوف لانشيا ديدرا ويسيبو من الاكسيل وخصوصا ان مافيهاش كماليات وهات باك ولو هيجيب ال 1500 سيدان احسن بكتييير

---

والله عايز اقوله كدة بس هو في الأول كان مقتنع بالأبيزا لما شاف الأبيزا بتاعتي وطبعا بيركبها معايا
وللأسف علشان يركب لانشيا سليمة مش اقل من 32
واتعرضت عليه الأكسيل بتاعة صاحبنا دة ب28 وهياخدها بتسهيلات - هيدفع 21 دلوقتي والباقي علي مرتين

ربنا يقدم اللي فيه الخير

اقتباس:

---

المشاركة الأصلية كتبت بواسطة karim_monir

يا جماعة بيقولك فابريكة برة
عربية من 93 فابريكة برة يعن ببوية الشركة
انا دفعت في عربية اختها سيدان 95 1300 تكييف بس ازيد من تمنها 3 الاف جنيه عشان كانت مافيهاش قلم بوية برة وكان ده طلب اخويا

---

هي ال1300 بتنزل تكييف بس ؟؟؟
اصلها 1300 تكييف بس
وطبعا انا معاك ان الفبريكة برة كل ما كان الموديل قديم كل ما كان سعرها اغلي والفرق بيزيد
انا واحد زميلي اشتري سيفيك 84 فبريكة برة اغلي من ثمنها وبردو كانت تكييف بس وبشحنة الفبريكة ودي اللي بيسموها حالة شاذة بجد

اقتباس:

---

المشاركة الأصلية كتبت بواسطة se_coralsea

أنا شايف أن ده سعر معقول لو أساسيات العربية كويسة (موتور - عفشة - .....) و مش مهم حتي البوية فابريكة و لا مش فابريكة

---

والله يا بشمهندس الأساسيات للأسف النهاردة معناها الصاج والقوايم والبوية
لكن الموتور والعفشة والصالون والكلام دة بقي يعتبر مستهلكات وبيتغيروا زي ما بتغير بوجيهات

يعني يتوكل علي الله ؟؟؟

بسم الله الرحمن الرحيم
هاتش ياك موديل 93 ب 28 الف
ليـــــــــــــــــــــــ ــــــــــــــــــة
الهاتش باك فى الاكسل ملهاش سوق خالص
نصيحى منى ابعد عنها خالص

عالي شوية

أنا شايف سعرها معقول لو التكييف شغال .. و مش محتاجه مصاريف غير اللي انت قايلها دي .. الخرابيش و الفوانيس.

خليه برضه يكشف عليها يمكن تكون محتاجه كاوتش .. بطارية .. علبة دركسيون .. طلمبة بنزين أو باور .. دورة مياه .. كمبروسر تكييف .. سربنتينه.

الحاجات دي بتصرف برضه.

عربية زي دي محيرة .. بس لما تيجي تقارن المزايا بالعيوب تﻻقي انها غاليه ..
مميزاتها : فبريكا بره(ممتاز) وتكييف (عظيم) .. عيوب : اعادة البيع (أنا بتكلم عن الهاتش مش السيدان) .. عايزة شغل سمكرة وكام فانوس على اكصدامين ..
قارن واحكم ..

اقتباس:

---

المشاركة الأصلية كتبت بواسطة ahmedzizo131

بسم الله الرحمن الرحيم
هاتش ياك موديل 93 ب 28 الف
ليـــــــــــــــــــــــ ــــــــــــــــــة
الهاتش باك فى الاكسل ملهاش سوق خالص
نصيحى منى ابعد عنها خالص

---

اقتباس:

---

المشاركة الأصلية كتبت بواسطة alaamousa

عالي شوية

---

والله انا من الأول بقول لزميلي انها غالية - بس هو شايف ان حالتها حلوة ومعجب بيها وهيدفع ثمنها علي مرتين - فعشان كدة هو ميال ليها ولسة ماخدش القرار النهائي

متشكر اوي لحضراتكم علي الرد والتقييم

اقتباس:

---

المشاركة الأصلية كتبت بواسطة kar!m

أنا شايف سعرها معقول لو التكييف شغال .. و مش محتاجه مصاريف غير اللي انت قايلها دي .. الخرابيش و الفوانيس.

خليه برضه يكشف عليها يمكن تكون محتاجه كاوتش .. بطارية .. علبة دركسيون .. طلمبة بنزين أو باور .. دورة مياه .. كمبروسر تكييف .. سربنتينه.

الحاجات دي بتصرف برضه.

---

والله ما عارف يا كيمو ايه اللي فيها
بس انا شايفها متبهدلة شوية من برة

اقتباس:

---

المشاركة الأصلية كتبت بواسطة heshoo shosha

عربية زي دي محيرة .. بس لما تيجي تقارن المزايا بالعيوب تﻻقي انها غاليه ..
مميزاتها : فبريكا بره(ممتاز) وتكييف (عظيم) .. عيوب : اعادة البيع (أنا بتكلم عن الهاتش مش السيدان) .. عايزة شغل سمكرة وكام فانوس على اكصدامين ..
قارن واحكم ..

---

والله من حيث المزايا والعيوب فهي متناقضة جدا ومحيرة زي ماحضرتك بتقول
بس مش انا اللي هشتري - دة اعز صديق ليا ويهمني جدا مصلحته وبسأل كأنها ليا

المزايا:
قطع غيار رخيصة
اعادة بيع (لكونها هيونداي كوري)
سهولة ميكانيكا
توافر قطع غيار

العيوب:
تفتقر نهائي للأوبشنز
كونها كوري يعني أمان واصالة قطع غيار وعمر افتراضي (طبعا تفتقر لهذه الأشياء)

انا متشكر جداً لحضراتكم علي الردود والأهتمام