المشاركة الأصلية كتبت بواسطة ahmedsadek82
اولا رأي المتواضع أسترا كوزمو , لأسباب كتير :
1) استرا ارخص من اول فئة اوتو في اوكتافيا رغم انها مليانه كماليات
2) محرك اقوى 115 حصان
3) فيها ESP و ده مش موجود في اوكتافيا ,, اللي في اوكتافيا حاجه تانيه اسمها ASR , و ده اقل من ال ESP , ده بس للtraction لكن مش بيحفظ ثبات في الملفات و التعويم و كده بدون الدخول في تفاصيل , لكن الESP برنامج ثبات كامل
4) اوكتافيا شكلها خلص خلاص , اما استرا قامها حوالي سنتين تلاته , و السيدان لسه جديده
5) فرق سعر اعاده البيع لصالح الاوكتافيا , بس ده ميفرقش معاك لسببين : ان الاسترا ارخص ب8 الاف ج و انك واخد كمان اوبشنز اكتر يعني حتنبسط بيهم . و من الواضح ان منصور بيعمل دعايه جامده و حيبيع منها كويس , و مفيش عربيه بتخسر نصف تمنها في سنه , دي مبالغة مش في محلها لأن اوبل ماركة معلاوفه في مصر ,, اذا كان اودي مش بتخسر نصف تمنها في سنه !!!
6) على فكره انا سألت زمايل ليه معهم اوبل على منصور قالوا انه مش سيء زي ما بيشاع , ده غير ان في مراكز كتير معتمده