الموضوع: الاستفسار عن تغيير زجاج ابواب الأفيو من عادى لكهرباء

المشاركة الأصلية كتبت بواسطة toola

يا باشا غلس زى منتا عايز, مكانك.

بص يا باشا انا هحاول اقلك احساسى فقط لا غير من غير مادخل فى مقارنات تفصيلية.

انا مغير اساسن لكذا سبب بس ممكن ابقى اذكرهم لما اعمل مقارنة نفصيلية:


الفروقات من وجهة نظرى بين الأوبترا و البورا:

1- الأوبترا اوسع من الداخل بكتير و خصوصا الركاب الخلفيين, ده بيريحنى شخصيا لأنى بحب الوسع الداخلى و كنت مفتقد ده فى البورا لأن كان معايا النترا 2005 قبليها.

2- مفيش دوشة من التابلوه أو الأبواب زى البيظهر فى البورا اوقات او بنسب مختلفة و ان كان ده منطقى البورا م , 2000 و الأوبترا 2009 و ماشية 18000ك الحمد لله.

3- نقلات الفتيس الأوتو اريح شوية من البورا و مبحسش بيها اوى (بس البورا ان المفروض قربت تغير زيت الفتيس فجايز ده كان مأثر شوية فى الموضوع)

4- العفشة افضل من البورا بردو كراحة و هدوء, و خصوصا العفشة الخلفية و رغم انى غيرت الدنجل الخلفى فى البورا بس واضح انو بردو مكنش اد كده, طبعا الاوبترا عفشة مالتى.

5- هدوء صوت الماتور و عداد ال rpm على السرعات, يعنى البورا على 100 ك ال rpm بيكون 3200 لفة, و على 120 بيكون 4000 لفة و على 160 بيكون 5000 لفة و على 180 بيكون 5500 تقريبا و على 190 او اكثر بيكون على 6000 و اقرب يخش على الأحمر خصوصا المرات العربية وصلت فيها لل 200 و ده كان احد اكثر العيوب المضايقنى من العربية لأنى كمان بسافر على سرعات

بالنسبة للأوبترا: على 100 ك ال rpm بيكون اقل من 2500 لفةو على 160 بيكون 4000 لفة و ده مناسب ليا جدا و على 180 (و ده اخرها فى الأوتو عن تجربة لعربيتى و عربية صديقة الغاوى جرى و مبتزيدش عن ال 180 الا لو الطريق نازل شوية) بيكون اقل من 4500 لفة اساسا يعنى ل مثبت السرعة بيكون 4200 ل 4300 لفة تقريبا و صوت الماتور كويس مش مزعج.

نيجى لأهم نقط تتفوق فيهم البورا :

1- سحب الماتور على السرعات: الأوبترا بتتفوق على سرعات 40 و 60 و 80 و 100 و حتى 120 مثلا (بس تقريبا العربية عندى محتاجة كمان تغيير بوجيهات و ممكن فلاتر كمان و زيت الماتور الراجل صاحب العربية كان حاطط البيتغير على 3000 ك تقريبا)

اما البورا بعد ال 120 اكبس و هدوس معاك (مع العلم عند البيع عرفت ان عربيتى مكتومة شوية مقارنة بعربيات اخرى و ده كان رأي الميكانيكى الخاص بالمشترى الكشف عليها و رأيه ان اغلب الظن ان طرمبة البنزين ادائها قل شوية ), 140 و 160 و 180 مبتهداش غير لما توصل لل 180 و بعدين تكمل لل 190 و تقف و على حسب ظروف الطريق ممكن تزيد شوية عن ال 190.

2- الثبات و الطمأنينة فى الغرز على و الجرى على سرعات, و هنا تتفوق البورا بجدارة مقارنة بالأوبترا, و رغم انى شارى الأوبترا و مفضلها عن الالنترا 2010 و السيراتو 2010 عشان الناس بتشكر فى ثبات الأوبترا مقارنة بيهم, و لكن مش قادر اطمنلها اوى لغاية دلوقتى, البورا كنت بجرى و اقدر اخد غرزى بقلب حتى 160 و على الدائرى و ممكن اكتر عادى, و ماشى 180 مش قلقان عادى, لكن الأوبترا بعد ال 120 تقريبا بكون مش مطمن اوى و بسوق بتركيز و عدم تهور و اهى ميزة عشان الم نفسى شوية فى السواقة.

ملحوظة: العربية اول ماجبتها كان فيها جنوط سبور 15 غالبا صينى و كاوتشات من ماركة مش مشهورة, و تم تغيير الكالم ده لجنوط 14 حديد و كاوتشات كومهو, لكن سافرت قبل مالحق اضبط الزوايا, و كل الكلام الكاتبو هنا من تجربة اكن قبل ضبظ الزوايا الكانت فعلا محتاجة ده.

فى الأمس ضبط الزوايا و كان فى تحسن كبير فى ثبات السيارة بالفعل, و لكن لا يزال لا يصل لثبات البورا, و عموما انا ملحقتش اجرب العربية اوى بعد الزوايا.

3- الأمان: البورا تتفوق فى عوامل الأمان من ايرباجز, و قوة فرامل و نظام ال abs, الكلام ده فعلا فارق معايا دلوقتى.

بشكل عام انا مبسوط من الأوبترا و بحاول اقلل من جريى بالعربية فى مقابل استمتاعى بنعومة العفشة بعد مغيرت الجنوط و اتساع العربية الداخلى و العزل الجيد.

بارك الله فيك

نصيح اخويه

غير البوجيهات وحط بلاتنيوم

الكاوتش خليك في 14 - 195

وغير الجنوط الحديد برياضيه

والفلتر ممكن تغيره ب k&n وده حيخليك تزيد عن 180 سيكه شويه لو هيه فارقه معاك

المساعدين لو انت غيرتهم ب مونرو مش حيكونوا ناشفين اوي بس حيفرقوا في الثبات كتير

متنساش ان الاوبترا اعلي من البورا

واكرر شكري