الموضوع: هل امكانيات الداخلية بسيييييييطة اوى كده ؟؟

طول مادخول الداخلية بعشرين فالمية وبوسايط وبفلوس و ماشية بالفكر القديم مش هتشتغل ولا هتعرف تعمل حاجة ... ومتهيالي لو كنت قولتلهم احنا معانا جي بي اس كانو هيقولولك بيعمل ايه ده ؟؟؟؟؟؟؟؟؟

المشاركة الأصلية كتبت بواسطة SASA3

الموضوع ده انا قرأته على الفيس و وقلت اشاركك بيه علشان دمى ميتحرقش لوحدى برضه :)


الموضوع عن سرقة السيارات





صباح يوم السبت الموافق 13-10-2012 تم سرقة سيارتي و التي تحمل رقم (م ط أ 6417 ) كيا سيراتو سوداء اللون موديل 2011, رقم الشاسية 5871245, رقم الموتور 227993.
تمت سرقة السيارة من 93 ش سعد زغلول, البر الشرقي, شبين الكوم, المنوفية. و قد اكتشفت سرقة السيارة في تمام الساعة السابعة صباحا. قمت بالتوجه إلي قسم بندر شبين الكوم, المنوفية. و انتظرت و طال الانتظار إلي أن قابلني الرائد/ محمد أبو العزم رئيس مباحث بندر شبين الكوم في تمام الساعة التاسعة وخمس و أربعين دقيقة. رويت عليه ما حدث و نصحني بتحرير محضر سرقة سيارة في الحال وطلب مني الاتصال به في حال أن قام أن قام أحد اللصوص بالاتصال بي لمساومتي علي أي مبلغ من المال و أكتفي بعمل تحريات عن الواقعة من مكان السرقة و لم يأمر بمعاينة موقع السرقة.
حرر المحضر رقم 15001 بندر شبين الكوم بتاريخ 13-10-2012 بسرقة السيارة و أبلغني أحد أصدقائي تليفونيا بأن شخصا ( مر بنفس الظروف ) أبلغه أن السيارة موجودة في منطقة الجبل بقويسنا و علي الفور توجهت مع زملائي إلي منطقة الجبل و لم يسفر البحث عن شيء. اتصلت بالرائد/ محمد أبو العزم لأبلغه بما عرفت و طلب مني التوجه لقسم شرطة قويسنا و قابلت الرائد/ حاتم الدهشان و أبلغته بما حدث و نزل معنا أحد المخبرين و تجولنا في منطقة الجبل ( حيث أنها منطقة سكنية ) و لم يسفر ذلك عن شيء.
في نفس اليوم أتصل بي شخص من رقم تليفون 01157792127 و أبلغني أنه يريد مبلغ ( 50000) خمسون ألف جنيها إن كنت أريد استعادة السيارة و أبلغته أنني لا أملك هذا المبلغ من المال و لكنه لم يأخذ وقتا في الاستماع إلي و كل ما قاله: " جهز فلوسك و كلمني يا باشا ". اتصلت بالرائد/ محمد أبو العزم و أبلغته برقم تليفون السارق كما طلب مني.
و مرت ثلاثة أيام و لا حياة لمن تنادي, اتصل بالسارق و يتصل بي في أي وقت نتحدث و نتفاهم و يساومني إلي أن وصلنا لمبلغ ( 30000) ثلاثين ألف جنيها مقابل استعادة السيارة و لا رجوع عن ذلك. الغريب طبعا في الموضوع انه بيكلمني من نفس رقم التليفون. و ذات مرة اتصل بي شخص جديد ابلغني أنه من الغربية ( طنطا) و أن السارق أعطاه رقمي و بعد محادثة طويلة معه فهمت أن سيارته مسروقة من طنطا و أنه يحاول استعادتها و أن السارق قال له أن يأتي معي لاستعادة سيارتي و سيارته في نفس الوقت و علي كلانا أن يدفع 30000 ثلاثين ألف جنيه و يكون التسليم و الاستلام سويا. و طلبت من هذا الشخص أن يقابلني و لكن شيء من هذا لم يحدث لأنه خشي أن أكون تابعا للسارق كما كنت أظن أنا به. ( من الأخر الحرامي بيتفق معايا و مع اللي سارق عربياتهم و كأنه بيبيع كروت شحن ).
سئمت الانتظار و دلني أحد الأصدقاء عن احد المسئولين عن الملف الأمني بحزب الحرية و العدالة فتحدثت إليه و شرحت له ما حدث فقال لي: " اتصل بمفتش المباحث إن لم يفعل شيء فليكن مدير الأمن إن لم يفعل شيء فالمحافظ فان لم يكن فوزير الداخلية".
أخذت بالنصيحة و تحدثت مع العميد/ رضا سويلم و رويت له ما حدث فسألني: ( هل عملت محضر لتتبع السارق؟) فأجبت: ( لا الرقم مع الرائد محمد أبو العزم من يوم السبت و أنا فاهم انه يحاول يتتبع أي معلومة عن رقم التليفون) و طلب مني سيادة العميد أن اذهب إلي قسم الشرطة لعمل محضر لتتبع الرقم و علي الفور اتصل بي الرائد محمد أبو العزم و قال لي انه ينتظرني لتحرير المحضر.
حرر المحضر رقم 82 أحوال بتاريخ 16-10-2012 لتتبع رقم التليفون و معرفه مكان وجوده. و استشعرت أثناء وجودي في القسم أن الشرطة لن تعيد السيارة بهذه الطريقة. ( طريقة الأفلام الأجنبي دي مش نافعة, محدش هيجيب العربية غيري).
بعد ذلك تمكنت من مقابلة مدير امن المنوفية اللواء/ شريف البكباشي و رويت له ما حدث بالتفصيل و ركزت علي وجود رقم تليفون ثابت يتحدث منه السارق. و قام سيادته بالاتصال بالرائد / محمد أبو العزم و الذي تحجج بان النيابة هي السبب و طلب منه الإسراع في اتخاذ الإجراءات.
و مر يومين و لا شيء و كما قلت لن تعود السيارة بهذه الطريقة و أننا لا نعيش في المدينة الفاضلة و أن جهاز الشرطة اضعف و اقل إمكانية مما يتخيل أي شخص. ليس لديهم إمكانية تتبع رقم تليفون و قد مر أكثر من أسبوع علي سرقتها.
حاولت التواصل مع د/ محمد بشر محافظ المنوفية تليفونيا و شرحت له كل شيء و حاولت مقابلته بعد ذلك و لم اتمكن ( مش هو السبب السبب الرجالة اللي حواليه) و تركت له شكوى مكتوبة و لا شيء. المفروض إني أحس بعد ده كله اني مواطن؟؟؟؟؟؟؟؟؟؟؟؟؟
و اضطررت للذهاب إلي السارق بعد تحديد موعد معه دفع الفلوس و قد فعلت و للامان هب معي مجموعة من الاصدقاء و استخدمنا جهاز GPS علي احد الهواتف المحمولة معنا لمعرفة مكاننا اثناء المقايضة و طبعا معاي كل الخرايط الخاصة بالمكان و خط سيرنا و اسمحوا لي احكي بالعامية اللي حصل:
بلقس بلقس بلقس. و ما ادراك ما بلقس؟؟ بلقس يعني تنزل بهتيم من الدائري يبقي بينك و بينها 10 دقائق. 3 شباب انا متجوز و عندي عيل و التاني متجوز و عنده 2 و التالت لسه متخرج. نزلنا بلقس كلمت الحرامي ( انا في ميدان بلقس) قالي اشرب عصير و استني قدام محل العصير هبعتلك راجل من عندي ( ربنا يخدك انت و الراجل بتاعك). مستنيين. الراجل جه راجل قديم في الستينات راكب موتسيكل من غير نمر (مسروق طبعا) و لو شوفته في وسط الف هعرفه. مشينا وراه بتكتك في عاصمة الاجرام بلقس و مفيش عسكري يوحد ربنا يعني م الاخر لا وجود امني خالص. بلد عايشة في الغابة. تبص بعد كده علي بلقس دي تلاقيها حارة في حارة في شارع و الداخلية بنت التييييييييت مش عارفة تعمل حاجة. وصلنا للمعلم الكبير مصدر لنا واحد ملثم في العشرينات و هو قاعد وره سور مأمن نفسه. شوفنا العربية. قالي فلوسك قولتله عربيتي قالي اعد تاخدها. كل ده و المعلم اللي كان بيكلمني في التليفون مستخبي ورا السور. المهم خد 30000 جنيه و خدنا العربية و جرينا.
عديت بعد كده علي 6 كماين مرور و انا مش معاي رخص و العربية متبلغ عن سرقتها و عادي و لا حد قال كانت رايح فين. كل اللي بتسمعه اتفضل. تيييييييييييييييييييييييي ييييييت. العربية مسروقة يا اخواناااا يا بعداااااااااا.
و في النهاية:
1. الشرطة لا تعمل
2. التتبع كلفنا 15 جنية يا داخلية و بكل سهولة. اقعدوا في بيوتكوا احسن.
3. سيادة المحافظ الشكوى لغير الله مذلة
4. مرور القاهرة- القليوبية – المنوفية – الغربية. انتوا عاملين كماين علي الطرق ليه؟؟
5. رئيس مباحث بندر شبين الكوم. لم و لن تفعل شيئا
6. وزير الداخلية. طهر الداخلية لو عايز البلد تتظبط

معلومة علي الماشي. أنا بلغت عن كل شيء بعد ما جبت العربية و سلمت الخرائط لجهلز الشرطة الموقر. عملتوا ايه؟؟ و لا حاجة.
الخريطة من ميدان بلقس لغاية مكان التسليم




منقوووووووول

وزارة الداخليه عايزه ايه بعد كده ولا هما مقسمين معاهم

الداخليه اخرها تشيل مسدس حلوان 9 ملى وعربيه نص نقل
امن الدوله الى كان مجهز بكل شىء

الموضوع مكرر على فكرة

http://www.nilemotors.net/Nile/318525-6.html