ما هو الحل الأمثل ل"حكة" السيارة ؟

**NaBeLeOn** · 12-07-2008 04:03 AM

طبعا يا جماعة الخدوش و الحكات الموجودة فى السيارات مشكلة أزلية موجودة عندنا .. و بصراحة عندى اتنين او تلاتة شكلهم وحش و الصاج باين منهم و مش عارف اعمل فيهم ايه

ياريت اللى عنده طريقة ادارى بيها الحكات دى يفيدنى بيها

**Strong** · 12-07-2008 09:36 AM

أنا دورت كتيرررررررررررررررررررررر ررررررررررررررررر ملقتش حل غير الرش

لو حضرتك لقيت حل تبقى تقولي

هو في حل تاني ( الوقاية خير من العلاج ) يعني تركن العربية في مكان معزول عن السكان ، بس تكون متابعها علشان تريح نفسك من حكة السيارة ، في واحد بيعمل كده وبتفضل معاه العربية أكتر من 3 سنين بحالة المصنع من الداخل والخارج

**R A N A** · 12-07-2008 07:12 PM

طب الركنة ومقدور عليها انا بركنها في جراج فيه اماكن فاضية كتير والحمد لله بركن بعيدا عن اي عربية عشان ميحصلهاش حاجة لا مني ولا من غيري

بس الناس الظريفة اللي تحب تمشي في ظلك وانت ماشي وتحكلك العربية زي طبعا اساتذة السواقة وعباقرة حكة السيارات سواقين الميكروباص اينعم هو كام خربوش صغير على الماشي كده بس شكلهم مضايقني قوي ونفسي اتخلص منهم وحاولت اعملها بالكمباوند بس مطلعوش للأسف لو فيه حد عنده حل ياريت يقولنا لإني سمعت انه لازم يرش الجنب كله مش مكان الخدش وبس

**NaBeLeOn** · 13-07-2008 10:59 PM

الجنب كله كمان ؟! :(

فعلا سواقين الميكروباص دول لعنة

**Moh.Fahmy** · 14-07-2008 01:39 AM

فيه في اسكندرية واحد مهمته انه يلم كل الخدوش اللي في العربية من غير رش هو بيشتري نفس اللون بالكومبيوتر و معاه ريشة و زي الفنانين كده بيلم كل الخدوش اللي في العربية بدل ما تترش و طبعا مش معقول عربية زيرو تترش فاعتقد ان ده انسب حل فلو ظروف سيادتك سمحت و شرفتنا في اسكندرية انا مستعد اجي مع حضرتك لحد عنده

محمد فهمي

**tmz9111** · 14-07-2008 03:04 AM

أنا ملقتش حل غير الرش

**NaBeLeOn** · 14-07-2008 05:45 AM

borgelharm
طيب حضرتك تعرفه كويس او تعاملت معاه شخصيا او تعرف حد تعامل معاه ؟ قصدى متأكد ان شغله كويس عشان زى ما حضرتك بتقول العربية جديدة

اذا كان شغله يستاهل طبعا اجى مفيش مشكلة .. و شكرا لحضرتك على الاهتمام و المساعده

**zakiali** · 14-07-2008 07:54 AM

المشاركة الأصلية كتبت بواسطة borgelharm

فيه في اسكندرية واحد مهمته انه يلم كل الخدوش اللي في العربية من غير رش هو بيشتري نفس اللون بالكومبيوتر و معاه ريشة و زي الفنانين كده بيلم كل الخدوش اللي في العربية بدل ما تترش و طبعا مش معقول عربية زيرو تترش فاعتقد ان ده انسب حل فلو ظروف سيادتك سمحت و شرفتنا في اسكندرية انا مستعد اجي مع حضرتك لحد عنده

محمد فهمي

ممكن حضرتك تديني عنوانه ورقم موبايله لو سمحت ؟

.