السلام عليكم ورحمة الله وبركاته
تحيه حارة لجميع الاعضاء
اما بعد ...
تغيير زيت الفتيس الاوتوماتيك بعد 40 الف كيلومتر بيكون ازاى !!
بفك طبة زيت الفتيس ... و تزوييد الزيت الجديد و لا بفك الكرتيرة كلها !!
و يا ترى فتيسنا المحترم العتيق فيه فلتر بيتغير و امتى و ازاى
السؤال التانى تغيير طقم السيور ( الباور و الدينامو ) بيكون بعد 40 الف برده .؟؟... و ما هى اطول مده للتغيير لو موصلتش ال 40 الف كام سنه مثلا ؟؟؟؟
و جزاكم الله خيرا مقدما
فى صيانه الـ 40 يتم فحص جميع السيور
مع تغيير زيت الفتيس
والله اعلى واعلم
تحياتى لحضرتك
تغيير زيت فتيس الصنى بيتم كل 40 الف كم لاطالة عمره الافتراضى عن طريق شفط مقدار 4 لتر من الزيت القديم واضافة زيت جديد بدلا منه
ولا يتم تنزيل كامل كمية الزيت اللى بتوصل الى 7-8 لتر الا فى حالة الفك الكامل للفتيس للاصلاح او غيره
وبالنسبة لفلتر زيت الفتيس .. بصراحة ما شوفتش حد من الاعضاء جاب سيرته خالص لحد دلوقت
بالنسبة للسيور (الدينامو والباور) .. بيتم تغييرهم روتينيا فى مراكز الخدمة كل 40 الف كم زى ما انا غيرتهم بعد سنة للوقاية لأنى دائم السفر بالعربية وكانت حالتهم فوق الجيدة
وبالنسبة لأكتر وقت ممكن تكمل بيهم - حسب وجهة نظرى وفى حالة الاستعمال المحافظ باجراء الصيانات والكشف الدورى فى مواعيده - لا يزيد عن 60 الف كم / 3 سنوات
لأنه زى ما حضرتك عارف انه كاوتش وبيتأثر بالعوامل الجوية وكمان اذا كنت بتغسل المحرك كتير بالجاز فى البنزينة هايشقق
والمفروض تتأكد من حالته مع كل صيانة بالكشف الظاهرى او تغييره عند سماع صفارة عند بدء دوران المحرك بعد المبيت .. وسعرهم 250ج فى التوكيل
شكرا يا د يوسف