الموضوع: انتظروا فضيحة الصني على صفحات صوت الأمه غدا الأحد

أصلا هيا فكرة فاشلة من الأساس حكاية الصنى المصرى دى (ده رأى شخصي)

لا يا راجل مش كده حرام عليك...

ماهي معايا الحمدلله ماشاء الله و بحط الانتظار بتاعي الخلفي في عنين اي حد على الطريق ;)

ا

اشتريت صوت الأمة ب اتنين جنيه ،،

و لقيت الموضوع فعلآ اتنشر في ملحق السيارات ،،

علي نص صفحة

مع تنوية بعنوان كبير علي الصفحة الرئيسية

عيوب خطيرة في نيسان صني المجمعة محليا

التفاصيل متختلفشي كتير عن موضوع زميلنا في نايل موتورز

مع تفسير فني ان الردياتير المصري فيه عيب خطير يمنع وصول المياه من القربه الي الردياتير

و بعد كده ما شاء الله تهزيق جامد اوي علي اعلي مستوي

موديل عتيق توقف انتاجه من اربع سنوات باستثناء افقر دول العالم و نيسان مصممه علي طرحه مع التيدا

و خدمة ما بعد البيع ضايعه و بيساوموه علي تمن الموتور

و جودة لا ترق الي مستوي مناسب

و عدم صحة ادعاء نيسان بتوافر قطع الغيار

عشان مش موفرينله موتور

و في النهاية رسالة لمالك نيسان

استعد بالدخول في جمعية او اسحب مدخراتك فقد تجد نفسك في اي لحظة او بدون سابق انذار مطالبا بشراء نصف موتور بقيمة تصل إلي ثلث سعر سيارتك لتدفع ثمن أخطاء شركة تدعي جودة منتجاتها

ده الملخص

ما شاء الله ده صاحبك واصل أوي


عموما بغض النظر عن مصداقية الموضوع

فهوا اكيد يصب في مصلحة مالكي الصني 100%

حتي لو الخدمة و التجميع جيد

كده هيكون ممتاز

و العيار اللي ما يصيبشي يدوش

الواضح ان الجميع خرج عن صلب الموضوع
السؤال لازم يكون -- كام عربية صنى تم بيعها فى مصر؟
ثم ما هو عدد العربيات الى اصحابها اشتكوا من مشاكل قى الموتر او اى شئ اخر؟
موضوع الموتور الى انتهى بعد 40000 كم وارد فيها اشياء كثيرة-منها سوء الاستخدام - سوء الصيانة - أو فشل حقيقى فى الموتور ناتج عن عيب فى الصناعة أو التجميع؟

اعتقد ان كثرة السيارات الصنى الموجودة فى الطرق تؤكد جودة العربية
للاسف انا لاامتلك صنى ولكن لدى عربية اخرى من تجميع نفس المصنع ومنذ اليوم الاول لامتلاكها ادركت جودة التجميع وجودة الوكيل وكذلك جودة الخدمة من المصنع الذى بادر بالاتصال عن طريق قسم المتابعة بالمصنع للتأكد من مدى رضاء العميل عن السيارة وخدمة الوكيل وكل اجاباتى كانت واحدة ---كل شىء تمام -- وشكرا